radheef.info
ރަދީފު


ބާ
ނ (1) ތާނާއިގެ ފަސްވަނަ އަކުރަށް ކިޔާނަން. ނއ. (2) ބައު. (3) އާކަމުގެ އިދިކޮޅު. (4) ގިނަދުވަސްވެފައިވާ. (5) ގެންގުޅެފައިވާ. (6) ނ. ލަކުޑިއަށް ގެއްލުމެއް ލިބިގެން ހެދޭ ހޮއި ނުވަތަ ވާ ފީ. (7) އެއްޗަކަށް ގެއްލުމެއް ލިބިގެން ފޫގޮސްފައިވާ ލޯވަޅު. (8) އަންހެންލޯފިނދު. (9) ކުޑަކުދިންގެ ބަހުގައި ކީރިތި ޤުރުއާން ނުވަތަ ލިޔެފައި އޮންނަ ކޮންމެ އެއްޗެއް. )01( ބައެއް ސުއާލު ކުރާއިރު ފަހަތަށް ގެންނަ އަކުރެއް. މިސާލު: މިގޭގައި މީހަކުއުޅޭބާ ގަންނާނެއްބާ
ކަޅުހުއްތުމޭވާ
ނ މޭވާގެ ބާވަތެއް މިއީ ވަރަށް ފޮނި މީރު މޭވާއެކެވެ މިމޭވާގައި ކާން ބޭނުންކުރަނީ އެތެރޭގައި އޮންނަ އޮށްތަކުގެ ބޭރުގައި އޮންނަބައެވެ މިގިނައިން ބޭނުންކޮށް އުޅެނީ ފަނި ގިރުމަށެވެ
ކަޅުރާބޮނދި
ނ ރާބޮނދީގެ ބާވަތެއް މިރާބޮނދި ހުންނާނީ ކަޅުކުލައިގަ އެވެ
ކަޅުރޮނޑު
ނ ރޮނޑުގެ ބާވަތެއް މި މަހުގެ ކުލައަކީ ކަޅުކުލައެވެ މިބާވަތުގެ ބައެއް މަސްމަހުގައި ފެހިކުލައެކުވެފައި ހުންނަ ގަދަ ނޫކުލަވެސް ހުރެއެވެ މަޑުކޮތަރިބައިގެ ކައިރީގައި ހުދާއި ނޫކުލައިގެ ރޮނގުތަކެއް ހުރެއެވެ ނިގޫފަތުގެ ކައިރިފަށް ހުންނަނީ ވަށްކޮށް އެއްވަރަކަށް ކަނޑައިލައިފައި ހުންނަ ކަހަލަ ގޮތަކަށެވެ
ކަޅުބިލަމަސް
ނ (1) ކަނޑުމަހުގެ ބާވަތެއް. މިއީ ދޮށީގެ މަސްވެރިކަމުގައި ރާއްޖެއަށް އެންމެ ގިނައިން ބާނާމަހެވެ. މިމަހުގެ ބަނޑުދޮށުގައި މަހުގެ ދިގަށް ކަޅުކުލައިގެ ރޮނގުތަކެއް ހުރެއެވެ. މަހުގެ މަތީބައިގެ ކުލައަކީ ގަދަނޫކުލައެވެ ބަނޑުދަށް ފަރާތުގައި ހުންނަނީ ރިހި ހުދުކުލައެވެ (2) ފަސްރޮނގުމަސް
ކަޅުބޮކަރު
ނ ބޮކަރުގެ އެންމެމޮޅު ބާވަތް
ކަޅުކަނދު
ނ ކަނދުގެ ބާވަތެއް މިކަނދު ހުންނަނީ ކަޅުކުލައިގައެވެ މިއީ ވަރަށް މަޑު ލަކުޑިއެކެވެ ފަތުރުވެރިންނަށް ވިއްކުމަށްޓަކައި މިކަހަލަ ލަކުޑިން ކުދި ދޯނިފަހަރު ހަދައި އުޅެއެވެ
ކަޅުކޮތަރިރައިވެރިމަސް
ނ ރައިވެރިމަހުގެ ބާވަތެއް. މިމަހުގެ ކަރުތާފަތުގެ ކުރީބައިގެ ތރީގައި ވަރަށް ތޫނު ހަރުކައްޓެއް ހުރެއެވެ. މަހުގެ ތިރީތުން މަތީ ތުނބަށްވުރެ ދިގުވާނެއެވެ މަހުގެ ހުޅުނބުތަކުގެ މެދު ހުންނަނީ މަޑުރަތްކުލައެއްގައެވެ ބުރަކަށިމަތީގެ ކޮތަރިބައިގެ ހަރުކަށިތަކުގެ މަތީ ބަޔާއި ތިރީބައި ފިޔަވައި މުޅި ކޮތަރިބައި ހުންނަނީ ކަޅުކުލައިގައެވެ
ކަޅުކޮތަރިދަންބޮޑު
ނ ދަންބޮޑުގެ ބާވަތެއް މިއީ ފަރުފަރުގެ ބޭރުން ފުންހިސާބުގައި ގިނައިން އުޅޭ މަހެކެވެ މަހުގެ ކުލައަކީ ފަނޑުފިޔާތޮށި ކުލައެކެވެ މަހުގެ ކަރުތާފަތުގެ ހުރަހަށް ކަޅުރަތްކުލައިގެ ފުޅާ ރޮނގެއް ހުންނާނެއެވެ
ކަޅުއަލަ
ނ އަލައިގެ ބާވަތެއް މީގެ ތަނޑު ހުންނާނީ ކަޅު ދަނބުކުލައެއްގައެވެ މިއަލައިގެ ފަތުގައި ފެނެއް ނުހިފާނެއެވެ
ކަޅުއޮށަނި
ނ އޮށަނީގެ ބާވަތެއް މިގަހުގެ ފަތުގެ ތަނޑުތަކާއި ގަހުގެ ގޮފިތައް ހުންނަނީ ދަނބުކުލައިގެއެވެ
ކަޅުއޮށް
ނ ފަރުމަހުގެ ބާވަތެއް މިމަހުގެ ކުލައަކީ ކަޅުރަތްކުލައެވެ ބަޑުދަށް ފަރާތުގައި މިކުލަ ހުންނަނީ ވަރަށް ފަނޑުކޮށްނެވެ މަހުގެ ތުނބުން ފެށިގެން ލޯހުރަސްކޮށް ދެވަނަ ކޮތަރިބައި ނިމިފައިވާ ހިސާބަށް ކަޅުކުލައިގެ ރޮނގެއް ހުރެއެވެ މިރޮނގުގެ ފަހަތުން މަހުގެ ނަގޫކޮޅުގައި ކަޅުކުލައިގެ ލަފެއް ހުރެއެވެ މަހުގެ ތުނބުގައި ދެނަރުވާ ހުންނާނެއެވެ
ކަޅުވަކަރު
ނ ލަކުޑީގެ ބާވަތެއް މިއީ ކަޅުކުލަގަދަ ކީލި ވަރަށް ހިމުން ލަކުޑިއެކެވެ
ކަޅުވެން
ނ ވެނުގެ ބާވަތެއް މިއީ އެންމެބިޔަވާ ވައްތަރުގެ ވެނެވެ މިވެން ގާތްގަނޑަކަށް 2 2 މީޓަރަށް ބޮޑުވެއެވެ ދަތްތައް ހުންނާނީ ވައްކޮށް ވަރަށް ވަރުގަދަކޮށެވެ މިބާވަތުގެވެން އިންސާނުންނަށް ނުރައްކާތެރި ހަމަލަދީ އުޅެއެވެ މިވައްތަރުގެ ވެނުގެ ކުލަ ހުންނާނީ ކަޅުކުލައަކާއި ގަދަމުށި ނުވަތަ ކަޅުރަތް ކުލައަކަށެވެ
ކަޅުމަސް ހިބަރު
ނ ހިބަރުގެ ބާވަތެއް މިއީ އިސްކޮޅުން ބޮޑު ދިގު މަހެކެވެ މަހުގެ މަތީ ތުނބުގެ ކޮޅު ވަކިން ދިގުވެފައި ހިމައެވެ މަހުގެ ބުރަކަށިމަތީގައި ދެކޮތަރިބައި ހުރެއެވެ މަހުގެ ނިގޫކޮޅުގެ ދެފަރާތުގައި ދެކުރަގަނޑު ހުރެއެވެ
ކަޅުމުގު
ނ މުގުގެ ކަޅުކޮށް ހުންނަބާވަތް
ކަޅުފާނަ
ނ ފާނައިގެ ބާވަތެއް މިމަހުގެ ބުރިކަށިމަތި ހުންނަނީ ކަޅުކުލައިގައެވެ މަހުގައި ހުރަހަށް ފުޅާ ރޮނގުތަކެއްހުރެއެވެ މަހުގެ ނިގޫފަތުގެ ކޮޅު ހުންނާނީ ވަށްކޮށެވެ
ކަޅުފޫރޮނޑު
ނ )މ ( ފަޅުތެރޭގައިއުޅޭ ކަޅުކުލައިގެ ރޮނޑެއް މިރޮނޑުގެ ނިގޫފަތާއި ކޮތަރިހުންނަނީ ރަތްކުލައެއްގައެވެ ކަނޑުގައިއުޅޭ މިބާވަތުގެ ރޮނޑު ހުންނަނީ މުޅިން ކަޅުކުލައިގައެވެ
ކަޅުފޮނިޔަމަސް
ނ ފޮނިޔަމަހުގެބާވަތެއް މިއީފަރާއި ފަޅުތަކުގެ ބޭރުގައްޔާއި އެތެރެވަރީގެ ކަނޑުތަކުގައި ދިރިއުޅޭމަހެކެވެ މިމަސް އާދައިގެ ފޮނިޔަމަހަށްވުރެ ކަޅުވާނެއެވެ ފޮނިޔަމަހުގެ ބޮލުގައި ހުންނަ ރޮނގުތަކެއް މިމަހަކު ނުހުރެއެވެ
ކަޅުދިރި
ނ ދިރިޔާ ދަވިއްގަނދަށްވުރެ ކުދި ކަޅުކުލައިގެ ފުއްތަކެއް މިއީ އާވިޒާތުގެ ރަހައެއްދޭ އެއްޗެކެވެ މި ބޭހަށްވެސް ބޭނުންކޮށް އުޅެއެވެ ދިވެހިބޭހުގައި މި ހިމަނައިފައިވަނީ މިނާބޭހުގެ ބާވަތެއްގެ ގޮތުގައެވެ
ކަޅުތުއިތުއި
ނ )މ ( ހުއިފިލަނޑާގެ ބާވަތެއް މިހުންނަނީ ކަޅުކުލައިގައެވެ