radheef.info
ރަދީފު


ތަން
ނ (1) ޖާގަ (2) މަންޒިލު (3) އެޑްރެސް
ފާޚާނާ
ނ ފެންވެރުމާއި ޤަޟާޙާޖަތް ކުރުމަށް ހަދައިފައި ހުންނަ ތަންތަން
ފިހާރަ
ނ (1) ވިޔަފާރިކުރަން ހަދާފައި ހުންނަ ތަންތަން (2) އޮށްވަޅު ގޮނޑީގެ ދެކޮޅުގައި ހުންނަ ބޮޑު ދެވަޅު
ފިހިވަޅު
ނ ކުލައާއި ދަވާދު ފަދަ ތަކެތި ލައިފައި ހުންނައިރު ފިހިޖެއްސިތަން އެނގޭގޮތަށް ހުންނަ ތަންތަން
ފިނދު
ނ (1) އާދަމުގެ ދަރިންނާއި ޖަނަވާރާއި ދޫނި ސޫފާސޫފީގެ ބޮޑުކަމު ނަޖިސް ނުކުންނަ ދޮރާއި ކުޑަކަމު ނަޖިސް ނުކުންނަ ދޮރު. (2) ތެލަނގަ އާއި މަޑިފަދަ އެއްޗެހީގެ ފަހަތުކޮޅުގައި ގުޅާނަގޫ. (3) އިންސާނުންނާއި ޖަނަވާރުގެ ފިނދުމަސްގަނޑު. (4) އެއްލާގުޑީގެ ތެރޭގައި ހިމެނޭ ވާލުގެ ފަހަތުކޮޅުން ދެފަޅިއަށް ފަޅައިފައި ހުންނަތަން. (5) ކުކުޅު ހާލާއި ދޫނީގެ ފިނދުފަތްގަނޑު.
ފިނިހައް
ނ ތެތްފިނި ތަންތާނގައި އުޅޭ އެނބުރިފައިވާ ތޮށިގަނޑެއްގެ ތެރޭގައި އޮންނަ މަޑުން ދުވާ ސޫތްޕެއް މިއެތި ދުވަނީ އެތެރޭގައި އޮންނަ މަސްގަނޑުން ބައެއް ބޭރަށް ނެރެގެންނެވެ
ފިނިމޫސުން
ނ (1) އަހަރުގެ ތެރޭގައި އަންނަ ފިނިދުވަސްވަރު. (2) އަހަރުގެ މަސްތައް ތަފާތު ހަތަރު މޫސުމަކަށް ބަދަލުވާ ތަންތަނުގައި ޚަރީފާއި ރަބީޢާ ދެމެދަށް އަންނަ މޫސުން ދުނިޔޭގެ އުތުރުގެތަން ތަނަށް މިމޫސުން އަންނަނީ ޑިސެމްބަރުން މާރިޗަށެވެ
ފިނޮޅު
ނ ފަޅުފަޅުގައި ދޮންވެލީން އުފެދިފެނުން މައްޗަށް ހިކިފައި ހުންނަ ތަންތަން
ފިރުޢައުނުމުދާ
ނ ކަނޑުގައި ދިރިއުޅޭ ހަލުވިދާގަނޑެއް ކަހަލަ އެއްޗެއް މީގެ ވަކި ތަންކޮޅެއް ގައިގައި ޖެހުމުން ދިލަނަގާގޮތްވެއެވެ މީގެ ތަފާތު ވައްތަރުތައް ހުރެއެވެ
ފިއަކަން
ނ ގޭގެ ކޮޅުން ފުރާޅުން ނުކުމެފައިވާ ތަން
ފިއްތެއޮބަޑި
ނ (1) ތަންކޮޅެއް ދިގުކޮށް ހުންނަ ކެކުރިޔެއް މީގެ ފަތް ހުންނާނީ ތޮރާފަތް ކަހަލަ ގޮތަކަށެވެ މި ކެކުރީގައިދޮން ވީމާ ފޮނި ރަހަ ލާނެއެވެ (2) ފިއްތެޔޮ ނަރު
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިތްނެގުން
މ (1) ހަށިގަނޑުގެ ތަންތާގައި ބައެއް ޒާތުގެ އެއްޗެހި ހެފީމާ އެ ތަނެއް ދުޅަވުން. (2) މީހެއްގެ ނުވަތަ ކުއްޖެއްގެ ގައިގައި އިލޮށި ފަތިން ނުވަތަ އިލޮއްޓަކުން އަދި ނުވަތަ އެއްތެޔޮ ގަނޑެއް ފަދަ ހިމަ އެއްޗަކުން ޖެހީމާ އެތަނެއް އުފުލުން (3) ވިހައެއްގެ ސަބަބުން ނުވަތަ ބައްޔެއްގެ ސަބަބުން ހިރުވައިފައި ނުވަތަ ނުހިރުވާ ހަށިގަނޑުގެ ތަންތަންކޮޅު އުފުލުން
ފިތްގަނޑު
ނ ކެވޭ އެއްޗެއްގެ ސަބަބުން ނުވަތަ ގައިގައި އެއްޗެއް ހެފުމުން ހަށިގަނޑުން އުފުލޭ ތަންތަން މިސާލު: މާމަކުނު ހެފީމާ ނަގާ ފިތްގަނޑު
ފިލާއެޅުން
މ ދަތުރުކުރާ އުޅަނދު ހުރިތަން ދެނެގަތުމަށްޓަކައި ހިސާބުކުރުން. މިއީ ޢަރުޟާއި ޠޫލު ދެނެގަތުމަށްޓަކައި ސިކިސްތާނު ނުވަތަ ގޮއިދުރުވާނުން އިރަށް ނުވަތަ ތަރިއަށް ބަލައިގެން ކުރާ ހިސާބެކެވެ
ފިލިތު
ނ މިޔަވާލި ބައްދަން ބުޅީގައި ފަތިކޮށްފައި ހުންނަ ތަން
ފިޔޮހު
ނ )ބދ ( (1) އެފަހަރަކު ފެންނަހައި ތަން (2) ލޮލަށް ފެންނަ ހިސާބު
ފީހާލި
ނ )ސ ( (1) ނުސާފުތަންތަން (2) ހަޑިތަންތަން )މިބަސްބޭނުންކުރަނީ ގޭތެރޭގައި ނުސާފުކޮށް ނުތާހިރުކޮށް ހުންނަ ތަންތަނަށެވެ
ފީށި
ނ )ޏ ( (1) އޮޅުގެ މެދުގައި ނުވަތަ ކައިރީގައި ހުންނަ ހިކިތަން (2) ފުށް
ފީށިގަނޑޮ
ނ )ޏ ( ޗަސްބިމާއި ގުޅިފައި ނުވަތަ ޗަސްބިމުގެ މެދުތެރޭގައި ހުންނަ ހިކި ތަންތަން
ފީނުން
މ (1) ގަސްތުގައި ކަނޑުފަޅު ފަދަ ތަންތާނގެ އަޑިއަށް ދިއުން ނުވަތަ އެފަދަ ތަންތާނގެ އަޑީގައި އުޅުން (2) މަޖާޒު: ކަމަކާ މެދު ފުންކޮށް ވިސްނައި ޚިޔާލުކުރުން