radheef.info
ރަދީފު


ފެން
ނ (1) އޮކްސިޖަނާއި ހައިޑްރޯޖަން އެކުލެވިގެން އުފެދިފައިވާ އެއްޗެއް. މިއީ ފިނިވީމާ ގަނޑުވާ ހޫނުވީމާ އާތްވަށްވެގެން އަރާ ކުލައެއް ވަހެއް ނެތް ދިޔާ އެއްޗެކެވެ (2) ވާރޭ (3) ކަރުނަ (4) މަޖާޒު: މަނި (5) ނއ ފޯރިއެއް ރޫޙެއްނެތް
ސިމެންތި
ނ (1) ރޭނުމަށާއި ކޮންކްރީޓް ކުރުމަށް ބޭނުންކުރާ އުވަކަހަލަ އެއްޗެއް މި އެންމެ ޢާންމުގޮތެއްގައި ހުންނަނީ އަޅިކުލައިގައެވެ މި ތެމުމުން ގަނޑުވެއެވެ (2) ވެއްޔާއި ސިމެންތިއާ އެއްކޮށް ފެންއަޅައި ގަށައިފައި ހުންނައެތި
ސިދުރަތުލްމުންތަހާއަށް ހިތްއެރުން
ގބ މަޖާޒު: ތިމާޔާ އެކަށީގެން ނުވާ ފެންވަރަކަށް ހިތް ފޯރުވައިގެން އުޅޭމީހުންނާ މެދު ބުނެއުޅޭ ބަހެއް
ސުލައިޑު
ނ (1) ފޮޓޯނަގާގޮތަށް ނަގައި ފިލްމު ސާފުކުރުމަށްފަހު އަލި އަޅުވައިލީމައި ފޮޓޯ ގޮތަށް ފެންނަ ފިލްމު. (2) ލޭފަދަ އެއްޗެހި މައިކްރޮސް ކޯޕުން ބެލުމަށްޓަކައި މައިކްރޮސްކޯޕަށް ލައްވާ ބިއްލޫރިކޮޅު
ސެންޓިގްރޭޑް
ނ ފިނިހޫނުމިން ބަލާ ކަށިގަނޑުގައި ދަރަޖަ ބަހައިފައިވާ ގޮތަކަށް ކިޔާނަމެއް. މިގޮތަށް ބަހައިފައި ހުންނައިރު ފެންގަނޑުވާ ހިސާބާއި ފެންކެކޭ ހިސާބު ބަހައިފައިވަނީ 001 ދަރަޖައަށެވެ
ޑޭމު
ނ ދެމެމުން އަންނަ ފެންގަނޑު ހުއްޓުވުމަށް ލައިފައިވާ ހުރަސް
ޒައްރެއްގެމިންވަރު
ނ (1) ހަމަލޮލުން ނުފެންނަހާ ކުޑަމިންވަރު (2) އެންމެ ކުޑަ މިންވަރު މިއީ މިސާލުގެ ގޮތުން ކުޑަކަން އެންގުމަށްޓަކައި ބުނާ ބަހެކެވެ
ޒަމްޒަމްވަޅުކޮޅު
ނ މައްކާގެ ޙަރަމްފުޅު ތެރޭގައި ހުންނަ ޚާއްޞަވަޅުކޮޅެއް މިއީ އިސްމާޢީލުގެފާނަށް ފެންފޮދު ދެއްވުމަށް މާތްﷲ އެކަލޭގެފާނުގެ ފައިންޕުޅު ދަށުން ނެރުއްވިފެން އާރެކެވެ
ޒަމްޒަމްފެން
ނ ޒަމްޒަމް ވަޅުކޮޅުގެ ފެން
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޓައިޕުރައިޓަރު
ނ އިނގިލިތަކުގެކުރި ބޭނުންކޮށްގެން ދެލީގެ ރިބަން ފަށަކުން ލިޔެވޭގޮތަށް ހަދައިފައި ހުންނަ މެޝިނެއް މީގައި އަކުރުތައް ފެންނަގޮތަށް ފިތްތަކެއް ހުރެއެވެ އެއިން ފިތަކަށް އޮބައިލުމުން އެއަކުރެއް ކަރުދާހުގައި ޖެހެއެވެ
ޓޭންކު
ނ (1) އެއްގަމު ސިފައިން ބޭނުންކުރާ ހަނގުރާމަމަތީ އުޅަނދެއް. މިހުންނަނީ މެޝިން ބަޑިޔާއި ލުއިބޮޑުބަޑި ހަރުކޮށްފައެވެ. މިއީ ވަޒަން ނުވަންނަ ގޮތަށް ހަދައިފައި ހުންނަ އެއްޗެކެވެ. މީގެ ފުރޮޅުތައް ހުންނަނީ ފުޅާކޮށް ފަތިކޮށް ހުންނަ ދިއުޅިއެއްކަހަލަ ބަންދެއްގެ ތެރޭގައެވެ (2) ފެން ނުވަތަ އެފަދަ ދިޔާތަކެތި އެޅުމަށް ހަދައިފައި ހުންނަ އެކި ވަރުގެ ތާނގީ
ޕޯޓިކޯ
ނ (1) ފެންޑާއާއި ދޮރޯއްޓާ ދެމެދު ހިޔާކޮށްފައި އޮންނަބައި (2) ނިވަތް
ޕާރުސަލްކަރުދާސް
ނ އެއްޗެހި ބަންދުކުރުމަށް ބޭނުންކުރާ އެތެރެއިން ދިގަށް ހިމަ ރޮނގުތަކެއް ފެންނަގޮތަށް ގަދަކޮށް ހަދައިފައި ހުންނަ ލަކުޑިކުލައިގެ ބޮޑު ކަރުދާހެއް
ޖަނބުރޯލް
ނ ޖަންބާ ވައްތަރު ފެންގިނަމޭވާއެއް މިމޭވާ ފެހިކުލައާއި ހުދުކުލަ އާއި ރަތްކުލައިގައި ހުރެއެވެ
ޖަންކުޝަން
ނ ފާޚާނާގައި ބޭނުންކުރާ ފެންބޭރުކުރާ ދެހޮޅިއެއް ނުވަތަ އެއަށް ވުރެ ގިނަހޮޅި ގުޅޭތަންތާނގައި ރާނައިފައި ހުންނަ ވަޅުގަނޑު
ޖަރާސީމު
ނ ބަލިބަލީގެ ކުދިކުދިފަނި މިއީ ހަމަލޮލަށް ނުފެންނަ އެއްޗެކެވެ
ޖަޑާ
ނ ދޮންދޫނީގެ ބާވަތެއް މިއީ ޙަރަކާތް އަވަސް އެއްޗެކެވެ ޢާންމު ދޮންދޫންޏަށްވުރެ ކުދިއެއްޗެކެވެ މިފެން ފެންގަނޑަށް ތިރިކުރެއެވެ
ޖީބަށްޖެހުން
މ ބޭރަށް ފެންނަން ހުންނަގޮތަށް ޖީބަށް އެއްޗެއްލުން
ޗައްޕަލު
ނ )ސ ( ފެންފައިވާން
ޗޯސް
ނ (1) ތަނަކުން ފެން ނުވަތަ ދިޔާ އެއްޗެއް ފައިބާއިރު އިވޭއަޑު (2) ކުޅިއެއްޗެއް ކާއިރު ކުޅިވީމާ އަނގައިން ލައްވާ އަޑެއް