radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ބިލެތްމުށް
ނ ބިލެތްދަފީގެ މެދުގައި ބިލެތްތަކުގެ ހުނގޫތައް މައްޗަށް ހުންނާނޭހެން ވަށްބުރު ހަމަޔަށް ކޮޅަށް ޖަހައިފައި ހުންނަ ބިލެތްތައް
ބިލެތްދަފިނެގުން
މ ފިރިހެނުން ކުޅެއުޅޭ ކުޅިވަރެއް މިއީ ބިލެތް އަޅައިފައި ހުންނަ ދަތްޕެއް ތިރިގޮނޑި އެއްގައި ބަހައްޓައި އޭގެވަށައިގެން ފިރިހެނުން ތިބެލަވަކިޔައި ނަށަމުން އެނެށުމާ ހަމަވާގޮތަށް އެދަފިނަގައި ކޮންމެވެސް އެކެއްގެ ބޮލުގައި ބަހައްޓައިގެން ނަށާ ނެށުމެކެވެ ޢާއްމުކޮށް މިދަފިނަގައި އުޅެނީ ގާއޮޑި ލަވަކިޔާއިރު އަންބާބެރަށް ފެށުނީމާ އޭގެ ހަމައަށް ނަށަމުންނެވެ
ބިގަރުފާނޫޒު
ނ އެންމެ ކުދި ބިގަރު
ބިސަހުރި
ނ ތަރުތީބުން ކުރާ ކަމެއްގެ ތަރުތީބު އޮޅުވައިލައި ގަންނަ ސަކަރާތް
ބިސަހުރި އެރުވުން
މ ތަރުތީބުން ކުރާ ކަމެއްގެ ތަރުތީބު އޮޅުވައިލައި ސަކަރާތަކަށް ހެދުން
ބިސް
ނ (1) ބައެއް ބާވަތުގެ މަސްމަހާ މެއްސާއި ދޫނި ސޫފާ ސޫފީގެ ދަރި ގަރުބަގަތުމަށްފަހު މައިއެތީގެ ހަށިގަނޑުން ބޭރުގައި އޮވެގެން އޭގެ އަމިއްލަ ޒާތުގައި ނޭވާލައި އުޅެވޭ ވަރުވަންދެން އެއެއްޗެއްގެ ތެރޭގައި އޮންނަ އެތި. ޢާންމު ގޮތެއްގައި މިއީ ތޮށްޓެއްގެ ތެރޭގައި އޮންނަ ލޮނދިގަނޑަކާއި ގޮބޮޅިޔެއްގެ މައްޗަށް އެކުލެވިގެންވާ އެއްޗެކެވެ (2) އަންހެނާގެ ނުވަތަ އަންހެންއެތީގެ ހަށިގަނޑުގެ އެތެރޭގައި އުފެދޭ ދަރިމައިވުމުގެ ސެލް (3) ބައެއް ކަހަލަ މޭވާއާއި ދިވެހި ހަކުރު ނުބައިވެގެން އުފެދޭ ކުދިކުދި ފުއްފުއް
ބިސްރޮނޑު
ނ ރޮނޑުގެ ބާވަތެއް މަހުގެ ކުލައަކީ ކަޅު ކުލައެވެ ބަނޑުދަށް ފަރާތުގައި ހުދުކުލައިގެ ބޮޑެތި ލައްތަކެއް ހުރެއެވެ ތުނބުގެ ވަށައިގެން ހުންނަނީ ގަދަ ރީނދޫ ކުލައެވެ މަހުގެ މޫނުމަތީގައި ކައްޗަށްވާގޮތަށް ރީނދޫ ކުލައިގެ ކުރެހުމެއް ހުރެއެވެ
ބިސްބޮލި
ނ ބޮލީގެ ބާވަތެއް މިބޮލީގެ ބޭރު ހުންނަނީ ހުދުކުލައިގައެވެ އެތެރެ ފުށުގައި ހުންނަނީ ދަނބު މުށިކުލައެވެ ބޮލީގެ ކުރީ ކޮޅާއި ފަހަތުކޮޅު ދުރަށް ނުކުމެފައި ހުރުމާއެކު މައްޗަށް ފުރޮޅިފައި ކަހަލަ ގޮތަކަށް ހުރެއެވެ
ބިސްބޯކިބާ
ނ ބިސްއަޅައިގެން ކުދިކޮށް ފިހާ ބޯކިބަލެއް މިއެންމެ ވައްތަރުވާނީ ޒީނާރާއެވެ
ބިސްކޯދު
ނ ފުށްގަނޑު ކަމީރުކޮށްގެން ފިހާ މުރަނަކޮށް ހުންނަ ކާއެއްޗެއް މީގެ ކިތައްމެ ބާވަތެއް ހުރެއެވެ
ބިސްއެޅުން
މ (1) ބިސްއަޅާ ތަކެތީގެ ބަނޑުގައި ހުންނަ ބިސް ބަނޑުން ބޭރުކުރުން (2) މަޖާޒު: ކުޑަކުދީން ކޮންމެވެސް ގޮތަކުން ވެއްޓުން ނުވަތަ އިނދަޖެހުން
ބިސްވަރު
ނއ (1) ބިސްއަޅާން އެކަށީގެންވާ ވަރު މިބަސް ބުނެއުޅެނީ ކުކުޅާ މެދުގައެވެ (2) ވިހާއުމުރު
ބިސްމަޅި ދުއްވުން
މ (1) ކުކުޅެއްގެ ބިސްހާލި ހޯދުމަށް ކުކުޅުގެ ފައިގައި ދިގު ރޯނުގަނޑެއްޖަހާ ދޫކޮށްފައި އެވަންނަތަކެއް ބަލާން ފަހަތުން ހިނގުން (2) މަޖާޒު: ހީލަތުން ކަމެއް ހޯދާން އުޅުން
ބިސްމި
ނ (1) ބިސްމިﷲ ހިއްރަހްމާން ނިއްރަހީމް (2) ބިސްމިﷲ (3) މަޖާޒު: ކަމެއްގެ ފުށުން މިސާލު: މީ މިކަމުގެ ބިސްމިއެވެ
ބިސްމިކިޔުން
މ (1) ރާގު ކިޔުން (2) ކަމެއްގެ ފަށައިގަތުމުގައި ﷲ ގެ އިސްމުފުޅުން ފަށަމޭ ބުނުން
ބީމަހީމަ
ނ "ބީވަރ" ކިޔާ ޖަނަވާރެއްގެ އުރަވަޅިން ނެގޭ އެއްޗެއް. މިއީ ބޭހަށް ބޭނުންކުރާ މަޑު މީރުވަހެއް ދުވާ އެއްޗެކެވެ މިޖަނަވާރު ދިރިއުޅެނީ ފެނުގައެވެ މީގެ އުރަވަޅީގައި މާމުއި ކަހަލަ ތެތްކަމެއް ހުރެއެވެ އުރަވަޅި ދުލިގަނޑާއެކު ނަގައިގެން ހިއްކައިގެން ބޭހަށް ބޭނުން ކުރެއެވެ
ބީފާނު
ނ އާދައިގެ އަންހެނުން ނަށްވުރެ ތަންކޮޅެއް މޮޅު އަންހެނުންނަށް ކިޔާ އުޅުނު ވަނަމެއް
ބީލަން
ނ ނީލަމެއްގެ ސިފައިގައި މަސައްކަތެއް ކުރުމަށް ނުވަތަ ތަނެއް ކުއްޔަށް ހިފުމަށް އަގު ހުށަހެޅުމުގެ ކަންތައްތައް މިސާލު: ސަރުކާރުން ކުރުނބާވިލެޖް މިހާރުވަނީ ބީލަމަށް ލައިފައެވެ
ބުންނަރު
ނ މިއުޒިކު ކުޅެން ބޭނުންކުރާ ނަރުފުރާފައި ހުންނަ ބައެއް އާލާތުގެ އެންމެ ފަލަނަރު
ބުންބާއަލަ
ނ ގޮބޮޅި އަލައިގެ ބާވަތެއް މިއީ އޭގެ އެންމެ ކުދި ވައްތަރެވެ އިހުގައި މި ގެނެސް އުޅެނީ ބުންބާ މީހުންނެވެ މިހެންވެ ބުންބާ އަލަކިޔުނީއެވެ