radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ހެފުން
މ (1) ދަތުން އެއްޗެއް ހިމުން ކުރުން ނުވަތަ ފިސް ކުރުން (2) ތަންމަކުނު ސެއްޅި ފަދަ ތަކެތި ދޭނުން (3) މަދިރި ދޭނުން
ހެދި
އ (1) ސަބަބުން މިބަހުގެ މާނަ ދޭހަވަނީ އެހެން އެއްޗަކާ ގުޅުވައިގެން ބުނީމައެވެ މިސާލު: މިދަތުރު އައުދެވުނީ އޭނާޔާހެދިއެވެ (2) ތައްޔާރުކުރި (3) އުފެއްދި
ހެދިހަނދު
ނ އިންސާނުން އެކިއެކިބޭނުމަށްޓަކައި އެކިއެކި ތަރިތަރީގެ ވަށައިގެން ދައުރުކުރާގޮތަށް ޖައްވުގެ ތެރެޔަށް ދޫކުރާ ކޮންމެ އެއްޗެއް
ހެދިގަތުން
މ (1) ގަސްގަސް ދެރަވެފައި ހުރުމަށްފަހު އަލުންކުރިލައި ހެދެން ފެށުން (2) ހެދިގަނެގެން އުޅުން (3) ކުރިމަތީގައި އެއްޗެހި ގޮވައިގަތުން
ހެދިގެންއުޅުން
މ (1) ތިމާހުރިގޮތްނޫން އެހެން ގޮތަކަށް ދެއްކިގެން އުޅުން (2) ވަކިމީހަކާ ވައްތަރު ވާންވެގެން އެ މީހެއްގެ ގޮތްދައްގައިގެން އުޅުން
ހެދުން
ނ (1) އަންނައުނު (2) ތައްޔާރު ކުރުން މިސާލު: ކާން ހެދުން (3) ވަކިސިފައެއް ޖައްސައިގެން އުޅުން (4) އުފެއްދުން (5) މަޖާޒު: ޖިންސީ އެދުން ފުއްދުން
ހެތުރު
ނ ބޮޑެތި މަސްބާނާށާއި ބޮޑެތި ގުޑި އެރުވުމަށް ރޯނުން ނުވަތަ ވަކައިން އަޅައިފައި އޮންނަ ހިމަވާ
ހެލިކޮޕްޓަރު
ނ މަތިންދާބޯޓުގެ ބާވަތެއް މީގެ ބުރަފަތި ހުންނާނީ މަތީގައެވެ މިވައްތަރުގެ ބޯޓަށް ވައިގެތެރޭގައި ހުއްޓާލައިގެން އޮވެވެއެވެ މިއީ ބުރަފަތީގެ ބޭނުން ކޮށްގެން ސީދާ މައްޗަށްއެރޭ ބޭނުން ތަނަކަށް ތިރިކުރެވޭ އެއްޗެކެވެ
ހެލިވަތްހެލުން
މ (1) ކޮށްނިމިފައިއޮތްކަމެއް އަނެއްފަހަރު ކުރަން ނުޖެހެނީސް ކުރުން (2) )ޅ ( މީހަކުކޮށް ނިންމައިފައި އޮތްކަމެއް ތިމާކުރިކަމެއް ކަމުގައި ހަނދާންވެގެން ދެވަނަ ފަހަރަށް އެކަންތައް ކުރުން މިސާލު: ފޮޅައިނިންމައި އޮތްތަނެއް އަލުން ފޮޅުން
ހެލިލުން
މ (1) ގުޑިލުން (2) ހަރަކާތްވެލުން (3) ތެޅިލުން (4) ކުޅިޖެހުމުގެ ތެރޭގައި ހަލުއިކަމާއެކު ފަރާތް ފަރާތަށް ހަރަކާތް ކުރުން
ހެލުން
މ (1) ގުޑުން (2) އެއްޗެތީގައި އަތްލައި ފޮރޮޅުން (3) އެއްޗަކަށް އެއްޗެއް ބާނައިގެން ތެޅުވުން (4) އުފުލުން (5) ތެޅުވުން (6) )ސ ( ހުޅުވުން (7) )ލ ( ފަން ގަނޑުން ބޯދި ފެއްސުން
ހެލުއްސުން
މ )ބދ ( އެތުރުން
ހެލެނބެލި
ނ (1) ހުތްރަހަގަދަ ތޮޅިއެއް މީގެހުތް ކެއުމަށާއި ބޭހަށް ބޭނުންކުރެއެވެ (2) މިބާވަތުގެ ތޮޅިއަޅާގަސް
ހެސަޔަށްހިފުން
މ (1) ބާރާއެކު ރަނގަޅަށް ހިފުން (2) ދޫނުކޮށް ކަމެއްގައި ދާވައިގަނެގެން ހުރުން
ހެޑުކުއާޓަރު
ނ (1) ސިފައިންގެ މައި މަރުކަޒު (2) ސިފައިންގެ ކޮމާންޑަރު ހުންނަ މަރުކަޒު (3) ވިޔަފާރިއެއްގެ ނުވަތަ ކުންފުންޏެއްގެ އަމުރުތައްނެރޭ މަރުކަޒު
ހެޑުފޯނު
ނ ރޭޑިޔޯއާއި ކެސެޓާއި ތެލެފޯނު ފަދަ އަޑުގެނެސްދޭ އިލެކްޓްރޯނިކް ތަކެތި އަޑުއެހުމަށް ބޭނުންކުރާ އާލަތެއް މިތައްޔާރުކޮށްފައި ހުންނަނީ ދެކަންފަތުގައި ތިއްބޭގޮަތަށެވެ
ހެޓު
އ (1) ހެސް (2) ޖަނަވާރު ދުއްވައިގަނުވާން ބުނާބަހެއް (3) މަސައްކަތްކުރުމުގައި ހުންނަ ޖޯޝާ ފޯރީ ބަޔާންކުރުމުގެ ގޮތުން ބުނާބަހެއް މިސާލު: މިވެނިމީހަކު މިވެނިކަމެއް ހެޓުކިއައިފައި އެބަކުރެއެވެ
ހެޔޮނުބައި
ނ (1) ހެޔޮކަންތަކާއި ނުބައިކަންތައް (2) ރަނގަޅު ނުރަނގަޅު (3) ލަފާނުލަފާ (4) ކޮންމެ މުސްލިމަކަށް ދީނީގޮތުން ކޮންމެހެން އެނގެންވާ މިންވަރު
ހެޔޮކަމެއްގެ ބަދަލުގައި ތެޔޮހަމެއް
މިސާލު: ހެޔޮކަމެއް ކޮށްދިނީމާ އެކަމަށް ޝުކުރުވެރިވުމުގެ ބަދަލުގައި ދެރައެއް ދިނުމުން ބުނެއުޅޭ ބަހެއް
ހެޔޮވަރު
ނއ (1) އެއްޗަކަށް އަނެކައްޗެއް ހިސާބު (2) ހަމަހަމަ (3) ބަރާބަރު