radheef.info
ރަދީފު


ބާ
ނ (1) ތާނާއިގެ ފަސްވަނަ އަކުރަށް ކިޔާނަން. ނއ. (2) ބައު. (3) އާކަމުގެ އިދިކޮޅު. (4) ގިނަދުވަސްވެފައިވާ. (5) ގެންގުޅެފައިވާ. (6) ނ. ލަކުޑިއަށް ގެއްލުމެއް ލިބިގެން ހެދޭ ހޮއި ނުވަތަ ވާ ފީ. (7) އެއްޗަކަށް ގެއްލުމެއް ލިބިގެން ފޫގޮސްފައިވާ ލޯވަޅު. (8) އަންހެންލޯފިނދު. (9) ކުޑަކުދިންގެ ބަހުގައި ކީރިތި ޤުރުއާން ނުވަތަ ލިޔެފައި އޮންނަ ކޮންމެ އެއްޗެއް. )01( ބައެއް ސުއާލު ކުރާއިރު ފަހަތަށް ގެންނަ އަކުރެއް. މިސާލު: މިގޭގައި މީހަކުއުޅޭބާ ގަންނާނެއްބާ
ކަންބަޅި
ނ (1) ބަކަރީގެ ބާވަތެއް މިއީ އޭގެ ކެހެރިޔާ މަހުގެ ބޭނުމުގައި ގެންގުޅޭ އެއްޗެކެވެ މީގެ ކެހެރި ހުންނާނީ ވަރަށް ބޯކޮށެވެ (2) ފުރާދުއްވާ އެއްޗެހީގައި ލޯޖަހާއިރު ބަތާނައަކަށްލާ ތަރުފާލު
ކަންކައްޓަށްއަތްދޮވެލުން
މަޖާޒު: ކަންކަށީގައި ބާރަށް އަތުން ޖެހުން
ކަންވާރު
ނ (1) އެއްޗެހި އަޅާށާއި ކައްކަން ގެންގުޅޭ ތަކެތި މިސާލު: )ހ( ތެލި )ށ( ދޮލަނގު ރުނބާ ފަދަތަކެތި (2) ފަޅުތެރޭން މަސްބާނާ ދޮއްޓާއި އުފުލީގައި ބުޅިއައްސައިފައި އޮންނަ ރޮދި (3) މާކެޔޮޅުކަމުގެ އާލަތް (4) ދޫނިބާނާން ނުވަތަ ދޫނީގައި އޮޅުވާން ގެންގުޅޭ ރޮދި (5) ކަރާކަންވާރު
ކަންފަތް ތާކިހާ
ނ ދެފަރާތުން ދެކަންފަތްގަނޑު ބާލައިފައި ހުންނަ ރަތް ތާކިހަލެއް މިއީ ބަޑިކޮށީ މީހުން ރަތްކުރުއްޕިލާއިރު އަޅާތާކިހަލެވެ
ކަންފަތްބަގީޗާ
ނ ފަރުދާ ބަގީޗާގެ ބާވަތެއް މީގެ ފަތް ހުންނާނީ ކަންފަތެއް ހެން ރޫޖެހިފައެވެ
ކަންފަތްވެން
ނ ކުޑަކަންފަތެއް ހުންނަ ވެނެއް މިބާވަތުގެ ވެން އާންމުކޮށް އުޅެނީ ކަނޑުތޮށި ކައިރީގައެވެ
ކަންޒަށްލުން
މ ހަނގުބޭކަލުންނާއި އަވަށުމީހުންފަދަ މީހުންކުރެ މަސައްކަތަށް ކުށް ކުރާ މީހުނަށާއި މަސައްކަތަށް ނުނުކުންނަ މީހުންނަށް އަދަބު ދިނުމުގެ ގޮތުން ކޮންމެވެސް ގަނބާ ކިސަޑު ގަނޑަކަށް އެރުވުން ގަނޑުވަރުތެރެ ވަށާ މިކަންޒު އޮތް ޒަމާނުގައި އެފަދަ މީހުން އަރުވަނީ އެކަންޒަށެވެ
ކަންޒު
ނ (1) ޢަދާވަތްތެރިންނަށް ހުރަސްކޮށްފައި ނާދެވޭ ގޮތަށް ކޮނެފައި ހުންނަކޯރު (2) ހިސާބަކަށް ފެންހުންނަ ކިސަޑު ހެދި ގަނބާ ގޮތް ހުންނަ ތަންތަން
ކަންޒުހެދުން
މ (1) ތަނަކަށް ފެންއެޅި ކިސަޑުހެދިގެން ގަނބާގޮތްވުން (2) ޢަދާވާތްތެރިންނަށް ހުރަސްކޮށްފައި ނައުދެވޭގޮތަށް ކޯރުކެނޑުން
ކަރަންފޫ
ނ މަތިކަރާބޭހުގެ ބާވަތެއް. މިއީ ދުފާއިރު ބޭނުންކުރާ އެއްޗެކެވެ. މީގެ ކުރީކޮޅުގައި ހަތަރު ތުނޑު ހުންނާނެއެވެ. މިއީ ކުޅި ރަހަލާ ކަޅުކުލައިގެ އެއްޗެކެވެ
ކަރުދާހުކުނާ
ނ ތުނޑުކުނަލުގެ މޮޅު ބާވަތެއް
ކަރުލުން
މ (1) ސަރުބަތާއި ދިވެހި ހަކުރުފަދަ ތަކެތީގައި ގަނޑުގަނޑަށާއި ފުއްފުކަށް ހަކުރު އުފެދުން (2) ބޮނޑިއާއި މެޓާ ފަދަ ތަކެތި ހިލައި ވަރުވެގެން ބާލަން ވީމާ ދޯބުރާލިހަކުރު ނުވަތަ ނަބާޒު ހަކުރު މުގުރައިފައި އެޅުން (3) ދިވެހި ހަކުރު ކަރުލާގޮތް ހެދުން
ކަރުސާތު
ނ ނާފަހަރުގެ ކުނބާއި ކޯއްޓޭތަކުގެ މަތީބުރީގެ ފޫފެތެން ތިރީބައިގައި ހުންނަތަން
ކަބަސް
ނ ކަންބަޅި ބަކަރީގެ ބާވަތެއް
ކަޅަހަނދި
ނ ހަނދީގެ ބާވަތެއް. މިމަހުގެ ކުލައަކީ ވަރަށް ގަދަ އަޅިކުލައަކަށްދާ ކަޅު ކުލައެކެވެ. މަހުގެ ކަރުތާފަތްގަނޑުގެ މަތީ ކައިރީގައި ކަޅުކުލައިގެ ލަފެއް ހުރެއެވެ އަނގައިގެ މަތީ ތަލީގައި ދެބަރިއަކަށް ދަތް ހުރެއެވެ
ކަޅަންމަސް
ނ ފަރުމަހުގެ ބާވަތެއް މިއީ ތުން އޫކޮށް ހުންނަ ކަޅުކުލައިގެ މަހެކެވެ މިމަހުގެ ނަގޫފަތްކައިރީ ދެފަރާތު ކުރަގަނޑު ހުންނާނީ ތޫނު ކައްޓެއްގޮތަށް ދެފަރާތަށް ނުކުމެފައެވެ މިއީ ތެޔޮކަންގަދަ މަހެކެވެ މަސްގަނޑު ހުންނާނީ ހުދުކުލައިގަ އެވެ
ކަޅަމަސް
ނ )ޅ ( ވާލަން މަހުގެ ބާވަތެއް މިއީ ކަޅުކުލައިގެ މަހެކެވެ މިމަހުގެ ނިގޫފަތްގަނޑުގެ ބުޑުގައި ދެފަރާތުގައި ދެކަށި ހުންނާނެއެވެ ނިގޫފަތުގެ ދެކޮޅު ހުންނާނީ ހިމަދިގު ދެނަރުވާހެންނެވެ
ކަޅަލިބިބީ
ނ ބިބީގެ ބާވަތެއް މިމަހުގެ ވަށައިގެން ހުންނަނީ ރީނދޫކުލައެވެ މަހުގެ އަރިމަތި ހުދުވެފައި ކަޅުކުލައިގެ ރޮނގުތަކެއް ހުރެއެވެ ކޮތަރިބައިގެ ކުރީކޮޅުން ބަނޑުދަށް ފަރާތުގައި ކަޅުކުލައިގެ ލަފެއް ހުރެއެވެ މަހުގެ ލޯހުރަސްކޮށް ކަޅުކުލައިގެ ފުޅާ ރޮނގެއް ހުރެއެވެ
ކަޅިހި
ނ (1) ފިލޮޅުގެ ބާވަތެއް މިމަހުގެ ކުލައަކީ މަޑުވައިލެޓުކުލައާ ގުޅޭ މުށިކުލައެކެވެ މަހުގެ ތުންފަތް ހުންނަނީ ފިޔާތޮށި ކުލައެއްގައެވެ މަހުގެ ކަރުތާފަތްގަނޑުގައި މަތީ ތުން ކައިރީގައި ރަތްކުލައިގެ ލަފެއް ހުރެއެވެ (2) ކިއްސަރުވަޑާން ކުރާ މީހުން ފާހަގަ ލާން ދެލިޖައްސާ ކަށަވަރު
ކަޅިޔަމަސްދޫނި
ނ )ގ ( ކިރުދޫނީގެ ބާވަތެއް މިއީ ބޯކަޅުކޮށް ތުންގަނޑު ރީނދޫކުލައިގައި ހުންނަ ދޫންޏެކެވެ މިދޫނީގެ ކުލައަކީ މަޑުއަޅިކުލައެވެ