radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ނޫކާޅު
ނ ރާއްޖޭގެ ފަރުފަރުގެ މުރަކައާއި ގާތަކުގެ ތެރޭގައި ވަރަށް ގިނައިން އުޅޭ މަހެއް މޫދުމަސް ދިރުވައިގެން ގެންގުޅޭމީހުންގެ ގާތުގައި މިއީ ވަރަށް މަޝްހޫރު މަހެކެވެ މަހުގެ ބޮލުގެ ކުލައަކީ ކަލުކުލައެވެ ކޯތާފަތުގެ ކުލަ ހުދުވާނެއެވެ ހަށިގަނޑުގައި ހަންހުރި ހުރިހާ ހިސާބެއްގެ ކުލައަކީ ނޫކުލައެވެ ނަގޫފަތުގެ ކޮޅުގައްޔާ ބުޑުދަށުގައި ހުރަހަށް ކަލުކުލައިގެ ފުޅާ ދެރޮނގު ހުންނާނެއެވެ
ނޫމަދަރަކަ
ނ ބޭހަށްގެންގުޅޭ މަޢުދަނީ ވިހައެއްޗެއް މިއީ ނޫކުލައިގައި ހުންނަ އެއްޗެކެވެ
ނޫމަސް
ނ ރަތްމަހުގެ ޢާއިލާގެ މަހެއް މިއީ ދޮންނޫމަހާ ވަރަށް ވައްތަރު ސިފައެއް ހުންނަ މަހެކެވެ މަހުގެ ކުލައަކީ ގަދަނޫކުލައެވެ ބަޑުދަށްފަރާތް ހުންނަނީ ހުދު ކުލައެއްގައެވެ ކޮތަރިބައިތައް ހުންނަނީ ފަނޑުމުށިކުލައަކަށްދާ ރީނދޫ ކުލައެއްގައެވެ ނުވަތަ ހުދުކުލައެއްގައެވެ
ނޫމަސްހިބަރު
ނ މާކަނޑުތަކުގައި ދިރިއުޅޭ ކަނޑުގެ މެދު ހިސާބުގައި ދެފެންދޭތެރޭގައި އުޅޭ މަހެއް މިމަހުގެ ބުރަކަށިމަތީގެ ކުލައަކީ ކަޅުނޫކުލައެވެ ބަނޑުދަށް ފަރާތް ހުންނާނީ ރިހިހުދުކުލައިގައެވެ މަހުގެ ދެއަރިމަތީގައި ވަރަށް ރީތި ނޫކުލައިގެ ފަނަރަ ވަރަކަށް ހުރަސް ރޮނގު ހުންނާނެއެވެ
ނޫމުގު
ނ މުގުގެ ބާވަތެއް މިހުންނަނީ ކަޅުފެހިކުލައެއްގައެވެ
ނޫމުގުރާން
ނ ބާވަތެއްގެއެމެއް މިއީ ބުރަކަށިމަތި ނޫކޮށް ހުންނަ މުގުރާމެކެވެ
ނޫސްކަރުދާސް
ނ (1) ފަރަންޖީ ކަރުދާސް (2) ނޫސް ޗާޕްކޮށްފައި ހުންނަ ކަރުދާސް (3) ނޫސް ޗާޕްކުރަން ހަދައިފައި ހުންނަ ކަރުދާސް
ނޫސްވެރިން
ނ (1) ނޫހަށް ލިޔެއުޅޭ މީހުން (2) ނޫހަށް ޚަބަރުހޯދާ މީހުން (3) ރިޕޯޓަރުން
ނޫޑުލިސް
ނ ބޭރުން ގެނެވޭ ޕެކެޓްކުރެވިފައިވާ ތައްޔާރީ ކާނާއެއް. މިހުންނަނީ ފަށްފަށަށެވެ. މިއީ ހޫނުފެނުގައި ފަސޭހައިން ރޯފިލާ ކާނާއެކެވެ
ނެރު
ނ ފަޅުތެރެއަށް ވަދެނުކުމެ ވުމަށްޓަކައި ތޮށިން ކަނޑައި ފުންކޮށްފައި ނުވަތަ ކެނޑިފައި ހުންނަ މަގު
ނެރުނޮޅުން
މ ނެރުގައި ހުންނަ ވިނަނޮޅައި ގާތައް ނަގައި ނެރު ސާފުކުރުން
ނެރުބައްތި
ނ ނެރުފާހަގަ ކުރަން ނެރުގައި ޖަހައިފައި ހުންނަ ބައްތި
ނެރުފާހަގަ
ނ (1) ނެރުފާހަގަ ކުރަން ޖަހައިފައި ހުންނަ ހޭރި (2) ނެރުގެ ވަނަވަރު މިސާލު: ފަރުކޮޅުފުއްޓާ ވިހަމަނާ ފުއްޓާ ޖެހޭއިރު ފޭދޫގެ ނެރަށް ސީދާވުން
ނެއްޓިޖެހުން
މ ނެއްޓީގެ ލަވަބައިތައް ޖެހުން
ނެވައިފެލާ
ނ )ގ ( ނޭފަތުގެ އެތެރޭ ދެބައި ވަކިކުރުމަށް ހުންނަ މެދު ކަށިގަނޑު
ނެވި
ނ ދަތުރުކުރާ އެއްޗެއްގައި ހުންނަ ދަތުރުގެ ވެރިމީހާ
ނެވިން
ނ (1) ދަތުރުރުކުރާ އެއްޗެއްގައި ހުންނަ ދަތުރުގެ ވެރިމީހާ (2) މަޖާޒު: އަނބިމީހާ
ނެގެޓިވު
ނ ކެމެރާއިން ނަގާ ފޮޓޯ ފުރަތަމަ އަރާ ބިއްލޫރިގަނޑު ނުވަތަ ފިލްމުގެ އެންމެ އާންމު ބާވަތް. މިބިއްލޫރި ގަނޑަށް ނުވަތަ ފިލްމަށް އަރާ ފޮޓޯ ސާފުކުރީމާ ހުންނާނީ އަލިކޮށް ހުންނަ ބައިތައް އަނދިރިކޮށް އަނދިރިކޮށް ހުންނަ ބައިތައް އަލިކޮށެވެ
ނޭއްދާރު
ނއ (1) މީހުން އެކުނުލާ (2) މީހުންނާ ނުގުޅޭ (3) ގޮތްދޫނުކުރާ
ނޭއްދާރުކަން
ނއނ (1) މީހުންނާ އެކުނުލަވާކަން (2) މީހުންނާ ނުގުޅޭކަން (3) ގޮތްދޫނުކުރާކަން