radheef.info
ރަދީފު


ޒ
އ ތާނައިގެ 91 ވަނަ އަކުރު
ފަތިފުށް
ނ (1) ފަހާފައި ހުންނަ ލިބާހާއި ގަމީސް ފަދަ ތަކެތީގެ އެތެރެ ފަރާތް (2) މަޖާޒު: މީހަކަށް ކުރެވިފައި ހުންނަ ލަދުގަންނަންޖެހޭ ދެރަކަންތައްތައް
ފަތިގަނޑު ފިރުކާލެވޭވަރުންވުން
މ މަޖާޒު: ކަމެއްގައި މީހަކާ ވާދަކޮށްލެވޭ ވަރު ނުވުން
ފަތިސް
ނ (1) ފަޖުރު ތަރި އެރީއްސުރެ އިރުއަރަން ފެށުމާ ދެމެދު (2) މަޖާޒު: އުއްމީދު (3) ރަނގަޅު ހެޔޮ ފެށުމަކަށް ތައްޔާރުވާން ފަށާފެށުން
ފަތިސްވުން
މ (1) ފަޖުރުލުން (2) ފަތިސްނަމާދު ވަގުތުވުން (3) މަޖާޒު: އުއްމީދު އާވުން
ހައެއްވުން
މ (1) ހަވަނަ ޢަދަދު ހަމަވުން (2) މަޖާޒު: ޅަކުއްޖަކު ތަންދޮރު އެނގޭ ވަރަށް ބޮޑުވުން
ހައްދަކާމަތިވުން
މ ޒިނޭކުރިކަން ސާބިތުވުން
ހައްދު
ނ (1) ޒިނޭކުރުމުން ނުވަތަ ރާބުއިމުން އެމީހާގެ ގައިގައި ދުއްރައިން ތަޅާތެޅުން. (2) މީހަކާ ދިމާއަށް ޒިނޭކޮށް ފިޔޭ ބުނެ ޒިނޭ ސާބިތުނުވީމާ އެބުނި މީހާގެ ގައިގައި ދުއްރައިން ތަޅާތެޅުން. (3) މިން. (4) ހިސާބު. މިސާލު: )ހ( ހައްދުފަހަނަޅައި ހިނގައްޖެއޭ ބުނެފިނަމަ އެއީ މިނަށްވުރެ އިތުރަށް ދިޔައީއެވެ )ށ( މީނާ ދުންބުއިމުގެ ހައްދެއްނެތޭ ބުނެފިނަމަ އެއީ ދުންބުއިމުގެ ވަކިމިންވަރެއްނެތީއެވެ
ހައްދުބުޑު
ނ ގިނައިން ޒިޏޭކުރާ އަންހެނާ
ހައްޔަރެއްނެތުން
މ (1) ބަންދުކަމެއްނެތުން (2) ހިފެހެއްޓުމެއްނެތުން (3) މަޖާޒު: ބަލިވެއިން ކަމުގައި ނުވުން
ހައްޕު
އކ (1) އަނގައިން ނުބުނާން ޤަސްދުކޮށްގެން ހުރިކަން އަންގައިލުމަށް ބުނެއުޅޭބަހެއް. މިސާލު: އަހަރެން ހައްޕު ކިޔައިފީމޭ ބުނެފިނަމަ އެއީ އަހަރެން އަނގަޔަކުން ނުބުނާނަމޭ (2) މަޖާޒު: ކަމަކުން ދުރުވެހުރިކަން އަންގައިލުމަށް ބުނެއުޅޭބަހެއް މިސާލު: "ތިޔަކަމަށް ހައްޕު ކިޔައިފީމޭ" ބުނެފިނަމަ އޭގެމާނަޔަކީ ތިޔަކަމުން ދުރުވެގެން ފީމޭ
ހަވަރުއޮޑި
ނ އިހުޒަމާނުގައި ހަވަރު ތިނަދޫން އަހަރަކު އެއްފަހަރު ހަވަރަށް އެރަށުގެ ވަރުވާ ހިފައިގެން އަންނައޮޑި
ހަވަރުފެންފޮޅިޔަށްއެޅުން
މ (1) ހަވަރު ގޮވާލުމަށް ފެންފޮޅި ފިހާން މަޖިލީހަށް އަރާ ބޭކަލުންގެ ގޭގެޔަށް ހަނޑޫ ބެހުން (2) މަޖާޒު: ތިމާޔަށް އިވުނު ޚަބަރެއް ހުރިހާތާކަށް ފަތުރަމުން ހިނގުން
ހަވަރުދުރޯ
ނ ހަވަރަށް ގޮވީމާ ހާޒިރުނުވާ މީހުންގެ އަތުން ނަގާ ލާރި. މިނަގާނީ ވާރުނަގާ ހަމައިގެ މަތީންނެވެ
ހަވަރުތުންފުހި
ނ (1) ހަވަރު ގޮވާލުން ކޭންބައްލަވައިގެން ހަވަރު އަތްފުއްސަވާން އެލުވައިފައި ހުންނަ ފޮތިގަނޑު (2) މަޖާޒު: ޝަހްވާނީގޮތުން ތިމާގާތަށް އައިކޮންމެ ފިރިހެނަކާ ޤަބޫލުވާ އަންހެނާ
ހަވަރުގޮވައިލުން
ނ ވަޒީރުންނާއި ފުރަދާނައިން ޢީދުރޯދައަށް ހަވަރަށް ދެއްވާ ޖާފަތް
ހަވޭލި
ނ (1) ދުރުތަންތަން ބަލާން ހަދައިފާހުންނަ އުސްގޭގެ (2) އިހުޒަމާނުގައި މުއްސަދިންނާ ޝާހީ އަންހެން ބޭފުޅުން ތިއްބެވުމަށް ބޭރު ފެންނަގޮތަށް ހަދައިފައި ހުންނަ އުސް ޢިމާރާތް
ހަމަހިފެހެއްޓުން
މ (1) އިންސާފުން އެއްކިބާނުވުން (2) ގަވާއިދާއެއްގޮތަށް ޢަމަލުކުރުން (3) ވަޒަން ހިފެހެއްޓުން
ހަމަނުވުން
މ (1) ވަޒަނުން ނުވަތަ އަދަދުން މަދުވުން (2) ގަޑިއެއްނަމަ އަވަސްވުން ނުވަތަ ލަސްވުން (3) )މަލިކު( ރަނގަޅުނުވުން
ހަމަނޭވާލުން
މ (1) ނޭވާ ދަތިވެގެން އުޅެފައިނޭވާ ހަމަޔަށްލުން މަޖާޒު: (2) ހަމަނުޖެހޭ އުޅުމަކަށްފަހު ހަމަޖެހޭ އުޅުމަކަށް އައުން (3) އަވަދިނެތި އުޅެފައިތަންވަޅު ލިބުން
ހަމަވައި
ނ (1) ހަމަރޯޅި (2) ނިވަލެއްނެތި ޖެހޭވައި (3) މަޖާޒު: ދިރިއުޅުމުގައި ދިމާވާ އުނދަގުލަށްފަހު ލިބޭ ފަސޭހަ