radheef.info
ރަދީފު


ގަސް
ނ (1) ބިމުން ފަޅައިގެން ބިމަށް މޫލައި ހެދޭ އެއްޗެއް މީގައި ގަސްކަނދަކާއި މުލާއި ފަތް އެކުލެވެއެވެ މިއީ ތަފާތު އުސްމިނަށް ތަފާތު ވައްތަރު ވައްތަރަށް ހުންނަ އެއްޗެކެވެ މީގެ ތެރޭގައި ބޭހަށާއި އިންސާނުންގެ ކެއުމަށާއި ލަކުޑިއަށާއި ދަރަށް ބޭނުންކުރާ ބާވަތްތައް ހިމެނެއެވެ އިންސާނުންގެ ކެއުމަށް ބޭނުންވާ މައިގަނޑު ބައިތައް ލިބެނީ މިއިންނެވެ (2) ފެނުގައި ހެދޭ މުލާއިފަތާއި ގަސްކަނދު ހުންނަ ބާވަތްތައް (3) ގަސްގަހުގެ ސިފައިގައި ހަދައިފައި ހުންނަ އެއްޗެހި
ގަސްކެޅަބެލުން
މ )ސ ( ބޯކޮޅު ބެލުން
ގަސްކެޅެހަންޑި
ނ )ސ ( ގަސްކޮޅު ހަންޑި
ގަސްކޮޅުހަންޑި
ނ ބައެއްވައްތަރުގެ ގަސްގަހުގައި އުޅޭކަމަށް ބުނެވޭ ޚިޔާލީ ޖިންނިއެއް
ގަސްއަޅޯ
ނ )ބ ( އޮޑިދޯނިފަހަރުގެ ފަރުމާނަށް ފަޅައިގެން ބޭނުންކުރާ ވަރުގެ ފަލަ ނިކައަޅޯ
ގަސްވަކަރު
ނ ގަސްގަހުގެ ލަކުޑި
ގަސްވައްޓާ
ނ ބިންގަނޑު އެއްވަރު ކުރުމަށް ބޭނުންކުރާ ދުއްވާ އެއްޗެއް މިއެކިއެކި ބޭނުމަށް ބޭނުންކުރެއެވެ މީގައި ވަރަށް ވަރުގަދަ ތިލައެއް ހުރެއެވެ
ގަސްމުށި
ނ ގަސްއިންދަން ހަދައިފައި ހުންނައެތި މިހުންނަނީ އެއްތަނުން އަނެއް ތަނަށް ގެންދެވޭ ގޮތަށެވެ
ގަސްފުނި
ނ ބޮނޑިއަކަށް ހެދިފައިވާ ގަސްތައް
ގަސްފެޅުން
މ (1) އޮށުން ނުވަތަ މުލުން ނިރު ނުކުތުން (2) ކޯދުއެރުން
ގަސްފޭލި
ނ ރަސްރަނިކަނބަލުންގެ ސަންދޯއްޕުޅު އުފުލާއިރު ކުދި ބޭކަލުންގެ ކޮނޑުމަތީގައި އަޅާފޭލި
ގަސްދަރު
ނ ފަޅައިގެން ބޭނުންކުރާ ވަރުގެ ފަލަ ދަރު
ގަސްދު
ނ ގަސްތު
ގަސްދުކުރުން
މ ގަސްތުކުރުން
ގަސްދޮށަށްނެރުން
ނ އިހުގައި މާލޭގެ ދެދޮރޯށި ދޭތެރޭގައި ހުންނަ ވަރުކަނދުގަސް ދޮށަށް ބަނޑު ބިންމަތީ ޖައްސަން ނެރުން )މިއީ ސިޔާސީ ކުށްވެރިންނަށް ދެއްވާ އަދަބެކެވެ
ގަސްދޮށް
ނ (1) ގަހުގެ ގޮފިތައް ފެތުރިފައި އޮންނަ ހިސާބުގެ ބިން (2) ގަހުގެ ގޮފިތައް ފެތުރިފައިވާ ހިސާބުގެ ބިންމަތި
ގަސްތު
ނ (1) ކަމަކަށް ނުވަތަ ކަމެއް ކުރުމަށް ހިތަށް އަރާ އެރުން (2) ނިޔަތް
ގަސްތުކުރުން
މ (1) ކަމަކަށް ނުވަތަ ކަމެއް ކުރުމަށް ހިތަށް އެރުވުން (2) ނިޔަތްގަތުން
ގަސްގަހާގެހި
ނ ހުރިހާ ވައްތަރެއްގެ ގަހާއި ވެލާއި ވިނަ
ގަސްގަނޑު
ނ (1) ބޮޑު ގަހެއްގެ މައިގަނޑު (2) އިންޖީނު ދޯނިފަހަރުގެ ނުވަތަ ކުދި ބޯޓު ފަހަރުގެ ބުރަފަތި ދަގަނޑު ހަރުކުރުމަށްޓަކައި ކޮޅުފަސްކޮޅު މައްޔަލާ ގުޅައިގެން އެތެރޭ ފަށަން މަތީގައި އަޅާ ލަކުޑި ގަނޑެއް
ގަސްގަނޑުއެޅުން
މ އިންޖީނު ދޯނިފަހަރުގެ ނުވަތަ ކުދި ބޯޓުފަހަރުގެ ބުރަފަތި ދަގަނޑު ހަރުކުރުމަށްޓަކައި ކޮޅުފަސްކޮޅު މައްޔަލާ ގުޅައިގެން އެތެރޭގައި )ފަށަންމަތީގައި( އަޅާ ލަކުޑި ގަނޑެއް އެޅުން