radheef.info
ރަދީފު


ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ހަމަރޮދި
ނ ފަހަންވީގޮތަށް ފޮތިގަނޑު ހަރުކޮށްލުމަށްޓަކައި ތިނޯސްވަޅު ދުރުދުރުކޮށް ޖަހާ ދުވާރޮދި
ހަމަރޯޅި
ނ (1) ކޮޅިގަނޑުގައި އަންނަންހުރި އެންމެ ބާރުރޯޅި (2) ކޮޅިގަނޑު ޖެހުމުގެ ކުރީގައި ހުރިރޯޅި
ހަމަބިމަށްފޭބުން
މ (1) މަތީ މަޤާމަކަށް ދެވުމުން ބޮޑާވެ ކިބުރުވެރިވެފައި ހުރި މީހަކު ދަށް މަޤާމަކަށް ބަދަލުވުން (2) ކުއްލިއަކަށް ދިމާވާ ކަމެއްގެ ސަބަބުން އައިސްފައި ހުންނަ ރުޅިގަނޑު ފިލައިގެން ދިއުން
ހަތަރުފައިޖެހިގޮނޑި
ނ (1) އިށީންނަތަން ވައްކޮށް ލިޔެލާޖަހައިފައި ކިއްސަރަކަށް އޮންނަ ހަތަރުފައިޖެހި ގޮނޑިއެއް: މީގެ އުސްމިނަކީ ގާތްގަނޑަކަށް ފޫޓެކެވެ މިއީ އިހުގައި ގަނޑުވަރުތެރޭގައި ވަރަށް ޢިއްޒަތް ހުރި އެއްޗެކެވެ (2) ހަތަރުފައިޖަހާފައި ހުންނަ ކޮންމެ ގޮނޑިއެއް
ހަތަރުދަން
ނ (1) ދުވާލު ނުވަތަ ރޭގަނޑުގެ ހަތަރުބައި (2) މުޅި ދުވާލު ނުވަތަ މުޅި ރޭގަނޑު (3) ސާޅީސްއަށް މޭލުގެ ދުރުމިން
ހަތަރެސްފައިޖެހިޖަނަވާރު
ނ ހަތަރު މޮށްގަނޑު ޖަހައިގެން ހިނގާ އުޅޭ ސޫފި
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ހަތިކޮޅު
ނ (1) މަޑައިގައި ހަރުކޮށްފައި އޮންނަ ހެތުރު މަޑަދަނޑީގައި ކުޑަގޮތަކަށް ހަރުކޮށްލުމަސް ބޭނުންކުރާ ބަލިބަލި ވަކަފަށްފަދަ ތަކެތި. (2) ކުރުމަހަށް ބުޅިންޖެހުމަށް ބުޅީގައި ހަރުކޮށްފައި އޮންނަ ހެތުރު ދޮށްދަނޑީގައި އައްސާލުމަށް ގެންގުޅޭފަށް. (3) ފައްތައިގެން މަސްވެރިކަން ކުރާއިރު އެންގަނޑު އަޅާފައި އޮންނަ ބުޅި އަޑިއަށް ފޮނުވުމަށް ބުޅިގައިލާ ބަރު އައްސާފައި އޮންނަ ފަށް. އެ ބަރު އަޑީގައި ޖެހުމުން މައްޗަށް ނަގައި ނަނު ތަޅުވާލީމާ ހަތިފަށް )ހަތިކޮޅު( ކަނޑައިގެން ހިގައިދާނެއެވެ. (4) މާލެ އަތޮޅު ހުޅަނގު ދެކުނު ކަންގައި އޮންނަ ކަނޑުއޮޅިއެއް މިކަނޑުއޮޅި ވަރަށް ދުރުން ހޭލަމުން ގޮސް ވަރަށް ތިލަވާނެއެވެ
ހަތިމައު
ނ )ސ ( މުރަކައިގެ ބާވަތެއް މި ވައްތަރުވާނީ މާގަނޑުކޮޕީއާއެވެ މީގެ ކުލައަކީ މުށިކުލަށެވެ މި މުރަކައެކޭ އެއްގޮތަށް މުރަނަވާނެއެވެ
ހަތް
ނ (1) ރަސްކަމުގެ ޢިއްޒަތަށްޓަކައި ގެންގުޅޭ މަތިހަމަޔަށް ހުންނަ ހުދުކުލައިގެ ވިހޭފަށްލީ ކުޑައެއް (2) ރަސްކަމަށް ކޮލިލާ ދުވަހު ހަތަރު އަވަށު މައިޒާން ދޮށުގަޔާ ގުޅަކުޅޭފަސްގަނޑުގައި ހަތަރު ކޮށީންމެ ޖަހާ ކުޅިއެއް މިކުޅިޖަހާނީ އިސްދަރިވަރުންގެ ތެރޭގައި ތިބި ކޮށީގެ އެދުރުކަމާއި އެންމެ ގާތް މީހުންގެ ތެރެއިން ދެމީހެކެވެ (3) ނއ ގުނުމުގެ ހަތްވަނަ ޢަދަދުގެ ނަން އިތުރު މިސާލު: )ހ( ހަތްދުވަސް )ށ( ހަތްބިން )ނ( ހަތްސާއަތް
ހަތްނަރަކަ
ނ ނަރަކައިގެ ހަތް ވަތްގަނޑު އެއީ ޖަހައްނަމު ޖަޙީމު ސަޤަރު ސަޢީރު ލަޡާ ޙުޠަމާ ހާވިޔާ
ހަތްބަހައްޓާދޮރާށި
ނ ގަނޑުވަރުތެރޭގައި ހުންނަ ޚާއްޞަ ދޮރާއްޓެއް ރަސްކަލަކު ރަސްމީ ޢިއްޒަތުގައި ކޮއިލުތެރޭން ނުކުމެ ވަޑައިގަތުމަށްފަހު އަނބުރާ ކޮއިލު ތެރެއަށް ވަޑައިގަންނަވާއިރު މިދޮރާއްޓާ ހަމަވުމުން ހަތްކޮޅުތައް ހިފައިގެން ތިބޭ މީހުން ކިއެވެނި ބޭކަލުންގެ އަށީގެ ފާރުން އަޑިކޮށްލެވިފައިވާ ތަނެއްގައި ހަތްކޮޅު ބަހައްޓާތީ މިދޮރާށްޓަށް މިނަން ނިސްބަތްވެފައިވަނީއެވެ
ހަލަކަ
ނ (1) އެއްޗެއް އުފުލުމަށް ނުވަތަ ހުޅުވުމަށް ހިފާން ހުންނަ އަތްގަނޑު )މިނަން ގިނައިން ކިޔާ އުޅެނީ ފޮށީގައި ހުންނަ އުޅައްގަނޑަށެވެ ( (2) ތަޅުވަޅު
ހަޖަރު
ނ (1) ގަލާ އަކިރިން ހެދިފައި ހުންނަ ރަށް (2) ރަށްރަށުގެ ފަޅުތެރޭގައި ގޮނޑުދޮށާ ގުޅިގެން ނުވަތަ ނުގުޅި ހެދިފައިވާ ބޮޑެތި އާނުގަނޑުގަނޑު
ހަޖަމު
ނ (1) ކާތަކެތ ނަޖިހަށް ވުމަށް ވާ ބަދަލުތައް (2) ކާތަކެތި ހަށިގަނޑަށް ފައިދާލިބޭގޮތަށް ހަށިގަނޑުގެ ތެރޭގައި ބަދަލުވެގެންދާދިޔުން
ހަޖަމުކުރުން
މ (1) ކާތަކެތި ހަށިގަނޑަށް ފައިދާ ލިބޭގޮތަށް ހަށިގަނޑުގެ ތެރޭގައި ބަދަލުކުރުން. (2) މަޖާޒު: ނަގައިލުން ނުވަތަ ޚިޔާނާތްތެރިގޮތުން ބޭނުންހިފުން
ހަޖަމުވުން
މ ކާތަކެތި ހަށިގަނޑަށް ފައިދާ ލިބޭގޮތަށް ހަށިގަނޑުގެ ތެރޭގައި ބަދަލުވުން
ހާޑުފަށް
ނ (1) ރިޔަލުގައި ހާޑުލުމަށް ބޭނުންކުރާ ވައުގަނޑު (2) ހާޑު ހަކަށް ލައްވައިފައި ހުންނަވައު
ހިނބޫ
ނ )ސ ( މެދުފަޅާއި ފަރާއިގުޅޭ ފަޅުމަތީގައި އުޅޭ ގަދަމުށި ކުލަިއގެ ކުރެހުމެއްހުންނަ އަދި ކަރުތާ ފަތްގަނޑުގެ ފަހަތުބައިގެ ތިރީކައިރީގައި ދެކަށިހުންނަމަހެއް މިމަހުގެ ސިފަ ލަނޑައާއި ވައްތަރު ވެފައި ހުޅުނބު ހުންނާނެއެވެ
ހިނދިވަޅު
ނ (1) ލަގޮނޑިވަޅު (2) މޭކަށިގަނޑު ކޮޅުގައި ހުންނަ އަޑިކޮޅު (3) ކަންކަށީގައި ހުންނަ އަޑިކޮޅު ފަދަ ތަންތަން