radheef.info
ރަދީފު


ލައް
ނ (1) ކިހަށްޑިޔަ ފަދަ އެއްޗެހި ޖެހިގެންވާ ހަޑި (2) މޭވާ ފަދަ އެއްޗެހީގެ ބޭރުތޮށިގަނޑުން ފާޅުވާ ކަޅުކުލައިގެ ތަންތަންކޮޅު (3) ބައެއް މަސްމަހާ މެއްސާއި ބައެއް ޖަނަވާރުގެ ހަމުގައި ހުންނަ ކުލަކުލައިގެ ތަންތަންކޮޅު (4) މަޖާޒު: ކުރާ ހިތިއަސަރެއްގެ ނުވަތަ އުފެދޭ ދެކޮޅުވެރިކަމުގެ ސަބަބުން ހިތުގައި އުފެދޭ ހިތި އަސަރު (5) އަބުރު ގެއްލޭފަދަ ކަންކަމުން ލިބޭ ހުތުރުނަން މިސާލު: އެއީ އޭނާގެ އަބުރުގައި ޖެހުނު ލައްގަނޑެކެވެ
ބޮނބިގަނޑުފުރުވުން
މ (1) މީދާމޫދުގައި ހުންނަ ކާށިގެއަށް އަރާން އޮއިހުންނަގޮތް ބެލުމަށްޓަކައި ބޮނބިގަނޑު މޫދަށް ބޭލުން (2) މަޖާޒު: ތިމާފާޅުނުވެހުރެގެން މީހަކު ލައްވައި ތިމާއަށް ކަމެއް ފަހިވޭތޯ ބެއްލުން
ބޮލުފިލާ
ނ ކޯއްޓޭ ކޯއްޓޭގެ ދެބުރި އެއްކުރާން ތިރީބުރީގެ މަތީކޮޅަށް އެއްކޮޅުލައްވައިފައި އަނެއްކޮޅަށް މަތީބުރީގެ ފަހަތުކޮޅު މަހާން އޮންނަ ފިލާގަނޑު
ބޮޑަދެއްކުން
މ (1) ދެކޮޅުވެރިކަމަކާ ނުލައި ދެރަނުވާންވެގެން ގޮތް ދޫނުކޮށް އުޅުން. (2) ކަމެއް ކުރާހިތުން ހުރެ ގޮތްދޫނުކުރުމުގެ ގޮތުން އެކަމެއް ނުކުރާން ބުނުން. (3) ބޭނުންވުމާއެކުވެސް ބޭނުންނުވާގޮތް ދެއްކުން. (4) ގާތްމީހަކު ލައްވައި ތިމާ ބޭނުންކަމެއް ކުރުވުމަށްޓަކައި ނުކިޔަމަންތެރިކަމެއް ނުވަތަ ނުރުހުމެއް ދެއްކުން
ބޮޑުބުމަރު
ނ ފިލާފޮތި ބުމަރު. މިއީ ނަނުގަނޑު ބުމަރަށް ވުރެ މާބޮޑު ބުމަރެކެވެ. މިބުމަރު ޖަހަނީ ނަނުގަނޑުގެ އެއްކޮޅު ބުމަރުގައި އޮޅަމުންގޮސް މަތީ ކައިރިޔާ ހަމަވީމާ ބާކީ އޮންނަ ކޮޅު ފިލާ ފޮތީގެ މެދުގައި ހުންނަ ލޯވަޅަކުން މަގަތު ފަރާތަށް ލައްވައި ފިލާ ފޮއްޗާއެކު ހިފަހައްޓައިފައި ބާރަށް ދަމައިގަތުމާއެކު ބުމަރު ހިފަހައްޓަން ޖައްސައިފައި ހުރި އިނގިލި ނައްޓައިލަނީއެވެ މިބުމަރު އެނބުރެމުންދާއިރު ވަރަށް ރީތި ބޫން އަޑެއް އިވޭނެއެވެ
ބޮޑުބޭކަލުން
ނ ހަވަރުގެ ހަބައިންކުރެ ކޮންމެ ބައެއްގެ ވެރިއެއްގެ ގޮތުން ތިއްބަވާ ބޭކަލުން. މިއީ ކޮލިލައްވައި ބޮޑު މުސްކުޅިކަމުގެ އަސާ ދެއްވައިފައި ތިއްބަވާ ބައެކެވެ ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި މިބޭކަލުން ތިއްބަވަން ޖެހެއެވެ
ބޮޑުމުސްކުޅި ބޭކަލުން
ނ އިހުގައި ވަޒީރުކަމަށް ކޮލިލައްވައިފައި ތިއްބަވާ ބޮޑުބޭކަލުން
ބޮޑުމުސްކުޅިކަމުގެ އަސާ
ނ ބޮޑު މުސްކުޅިކަމަށް ކޮލިލައްވައިފައި ދެއްވާ އަސާ
ބޯދޮށް
ނ (1) މަތާޖަހާއިރު މަތާގެ ދަށަށް ލާއެތިގަނޑު (2) އެއްޗެއްގެ އެއްކޮޅު ބިމުން އުފުލައިފައި ބާއްވާން އޭގެ ދަށަށް ލައްވައިފައި އޮންނަ ލަކުޑިގަނޑު (3) ފަޅާދަރު ގަނޑުގެ ދަށަށް ލައްވައިފައި އޮންނަ އެތިގަނޑު (4) ފުރޮއިން އެއްޗެހި ބުރިކުރާއިރު ދަށަށްލާ އެތިގަނޑު
ޅާނބު
ނ (1) ރުއްގަހަށް އަރާން ދެފައިތިލައިގައި އަޅުވާމަޅި (2) ފަލިލައްވަން މެއްކުގައި އައްސައިފައި ހުންނަމަޅި
ކަށިނަރު
ނ ތަންތަން ކޮޅުގައި ތޫނު ކަށި ހުންނަ ގޮތަށް ހަދައިފައި ހުންނަ ނަރެއް މިނަރު ޢާންމުގޮތެއްގައި ހަދައިފައި ހުންނަނީ ދަގަނޑު ނަރުންނެވެ އެއް ފަށަށްވުރެ ގިނަފަށް އެއްކޮށް އަނބުރައި ދޭތެރެދޭތެރެއަށް ދެކޮޅު ފޭއްސި ނަރުކޮޅެއް ލައްވައިގެންނެވެ މި ނަރު އާއްމުކޮށް ބޭނުންކޮށް އުޅެނީ ވަދެނިކުމެނޫޅެވޭގޮތަށް ވަކި ސަރަހައްދެއް ބަންދުކުރުމަށެވެ
ކަށިވާލި
ވާލީގެ ބާވަތެއް މިއީ ވާލީގެ ބާވަތްތަކަށް ވުރެ ދިގު ބުރިކަށިމަތީ ކޮތަރިބައިގައި އެއްވަރަކަށް ކަށިތަކެއް ހުންނަ މަހެކެވެ މަހުގެ ކުލައަކީ ރިހި އަޅި ކުލައެވެ މަހުގެ އަރިމަތީގައި ދެބަރިއަކަށް ހުންނަ ކަޅުކުލައިގެ ލައްތަކެއް ހުރެއެވެ
ކަނބައިދިކިލެގެ
ނ ކަބައިދިކިލެގެ ކަމަށް ކޮލިލައްވާފައިވާ އަންހެނާ. މިއީ ރާއްޖޭގެ އިހުގެ އާދަކާދައިގެ ކަންކަމުގައްޔާއި ރަސްކަމުގެ ޢިއްޒަތުގެ ކަންތަކުގައި ލަފާހޯއްދަވައި އަދި ޢިއްޒަތުގެ ބައެއް ކަންކަމުގައި ބޭނުން ހިއްޕަވާ އަންހެން ތިންކިލެގެއިން ތެރެއިން އެއް ކިލެގެއެވެ
ކަނދިކަމަނާމަސްތެލުލުން
މ )މިސާލުބަހެއް( ތިމާކުރާން އުޅޭ މަސައްކަތުގެ ގިނަބައި ތިމާއިންތާ އިނދެގެން އެހެން މީހުންލައްވައި ކުރުވައިފައި މިކުރިކަމެއް ރަނގަޅުވެއްޖެއްޔާ ތިމާ ކުރިކަމެއް ކަމުގައި ހަދައި ނުބައި ވެއްޖިއްޔާ އެހެންމީހުން މަތީއެޅުވީމާ ދީ އުޅޭ މިސާލެއް
ކަނދު
ނ (1) ތެދަށްހެދޭ ބިޔަވާގަހެއް. (2) ކަނދުގަހުގެލަކުޑި. މިއީ އާރުނުލާ ލުއިލަކުޑިއެކެވެ. މިލަކުޑީގައި ފެނު ބާރުގަދަ ވާނެއެވެ. މީގެ ދެވައްތަރެއް ހުރެއެވެ. (3) ކަނދުފަތި ފަހާށާއި އެހެނިހެން ބޭނުމަށްޓަކައި އޭގެ ކޮޅު ނަރުވިލިކޮށް ބޯކޮށް ހަދައިފައި ހުންނަފިލާ. މިގިނައިން ހަދަނީ ކަނދުގަހުގެ ލަކުޑިންނެވެ. (4) އޮޑިދޯނިފަހަރު އެހެލައި ބަލާއިރު ފަށަން ދޮށަށްލައްވާ ލަކުޑިބުރި. (5) ފެނަށްތިރިކުރާ މަތިންދާބޯޓުގެ ދެފަރާތު ފިޔަފަތުގެ ދަށުގައި ފެނުބާރުހިފާން ހުންނަ ބަރާ. (6) ރާޅާ އެޅުމަށާއި މޫދުގެ ކުޅިވަރުތައް ކުޅުމަށް ގެންގުޅޭ ފެނުބާރު ހިފާގޮތަށް ހުންނަ އެއްޗިހި
ކަނދޮގަނޑޮ
ނ (1) )ސ ( ގަސްގަހުގެ މައިގަނޑުގެ ތިރީބައި (2) )ޏ ސ ( އޮޑިދޯނިފަހަރު އެހެލައި ބާލާއިރު ފަށަން ދަށަންލައްވާ ލަކުޑިބުރި
ކަނޑުމަސް
ނ ކަޅުބިލަމަސް ކަންނެލި ލައްޓި ރާގޮނޑި މިހަތަރު ބާވަތުގެމަސް
ކަނޑުގުރުވަ
ނ ގުރުވައިގެ ބާވަތެއް. މިއީ ކުދިކުދި ހުޅުނބުތަކެއް ހުންނަ ހަންގަނޑުބޯ ރީތި މަހެކެވެ. މަހުގެ ދިގަށް ކަޅު ނުވަތަ ގަދަމުށި ކުލައިގެ ފުޅާ ރޮނގުތަކެއް ހުރެއެވެ. ތުނބާއި ކޮތަރިތަކާއި މަހުގެ މަތީބައި ހުންނަނީ ދޮންރީނދޫ ކުލައިގައެވެ. ކޮތަރިތަކާއި ނިގޫފަތުގައި ކަޅުކުލައިގެ ލައްތަކެއް ހުރެއެވެ މަހުގެ ބަނޑުދަށް ފަރާތުގައި ހުންނަނީ ރިހި ހުދުކުލައެވެ
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންނެލި
ނ ކަނޑުމަހުގެ ބާވަތެއް. މިއީ ލައްޓިއާއި ވައްތަރު ލައްޓީގައި ހުންނަގޮތަށް ތިކިނުހުންނަ އެއަށްވުރެ ބޮޑެތިވާ މަހެކެވެ. މީގެ ދެތިންވައްތަރެއް ހުރެއެވެ. މީގެ ތެރޭގައި ލޯބޮޑުކަންނެއްޔާއި ނިގޫ ދިގުކަންނެއްޔާއި ރީނދޫ އުރަހަކަން ނެލިހިމެނެއެވެ
ކަންގަތިކޮލި
ނ ރަށްފުށުގެ ވަޒަން ވެރީންނަށް ލައްވާ ޢިއްޒަތުގެ ކޮލި