radheef.info
ރަދީފު


ތޮށި
ނ (1) ރަށެއްގެ ވަށައިގެން ނުވަތަ ރަށުގެ އެއްފަރާތެއްގެ މޫދުތެރޭގައި ގަލުން ލެވިފައިވާ ނުވަތަ ލައިފައިވާ ފާރު (2) ފަރު (3) ގަސްގަހާއި މޭވާގެ ބޭރުގައި ހަރުކޮށް ހުންނަފަށަލަ (4) ބިސްއަޅާ ތަކެތި އަޅާ ބިހުގެ ބޭރުގައި ހަރުކޮށް އޮންނަބައި (5) ބައެއްމީހުންގެ ހަންރާޅުވުމުގެ ސަބަބުން ހުޅުނބުހެން ހަމުގައި ހެދިފައި ހުންނަ އެތިއެތިކޮޅު (6) ވެލަ އާއި އިއްސާއި ކަކުނިފަދަ ދިރޭ ތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި
ބޮޑުކެޔޮ
ނ ފަތްކޭލުގެ ބާވަތެއް މިއީ ދިގުކޮށް ސީދާކޮށް ވައްތައް ހުންނަ ފޮނިރަހަ މަޑުކޭލެކެވެ ވަކުގެ ތޮށިގަނޑު ހުންނާނީ އަރިއަރިއަށެވެ
ބޮޑުމިރުސް
ނ (1) މިރުހުގެ ބާވަތެއް މިއީ ބޮޑެތިކޮށް ތޮށިބޯކޮށް ހުންނަ ކުޅިރަހަ މަޑު މިރުހެކެވެ މީގެ ދެބާވަތެއް ހުރެއެވެ އެއް ބާވަތެއްގެ މިރުސް ހުންނަނީ ވަށްކޮށެވެ އަނެއްބާވަތް ހުންނަނީ ދިގުކޮށެވެ (2) )ޏ ( ގިތެޔޮމިރުސް
ބޮޑުފިނިހައް
ނ ފިނިހަކުގެ ބާވަތެއް. މިހުންނަނީ ފޫއެނބުރި ފާޑަށް އެއަށްވުރެ ފަލަކޮށްނެވެ. މިއީ ގަސްގަހަށް ގެއްލުންދޭ އެއްޗެކެވެ. މިފިނިހަކައަކީ ވަރަށް އަވަހަށް ގިނަވާ ވިހަ އެއްޗެކެވެ މީގެ ތޮށިގަނޑު އާދައިގެ ފިނިހަކުގެ ތޮށިގަނޑަށްވުރެ ތުނިވާނެއެވެ މިފިނިކަމުގެ ތޮށިގަނޑުގައި ހުންނަނީ ގަދަމުށިކުލައެވެ ތޮށިގަނޑުގައި ފަނޑު މާޒާން ކުރެހުމެއް ހުރެއެވެ
ބޮޑުދަޅު
ނ ފަންތޮށިދަޅު
ބޯށިގަނޑު
ނ ވިހައިގެންއުޅޭ މީހުންނަށްދޭ ދިވެހި ބޭހެއް. މިއީ ބޯށިގަހުގެ ޅަމާގަނޑުގެ އޮށާ ކުއްޅަފިލާ ލުނބޯ ނިޔަނދުރު ފަޅޯ މިގަސްގަހުގެ ޅަމުލާ ކުދިކުދިކޮށްކޮށައި މަތިކަރާ ބޭހާ ކަނަހަނދުނާ ފޮނިތޮށި ކާފޫރުތޮޅިޔާ އެއްކޮށްމޮޑެ ފުޑައި ހިމުންކޮށް ޅަރުކުގެ ކުރުއްޕަތަކަށް އަޅައި ބަނދެ އުނދުނުގެއަޅި ގަނޑުތެރޭގައި ވަޅުލައިގެން ފޮޅިކޮށް އަވީލައި ހިއްކައިގެން ހަދާ ބޭހެކެވެ ދުވާލު ދެއިރު މީގެ އެތިކޮޅެއް މާމުއިގާ ވިރުވައިގެން ބޮއެވެ
ޅިޔަ
ނ (1) ލަކުޑިގަނޑުގައި އުއިނާރާ އޮންނަތަން (2) ގަސްގަނޑުގެތެރެއަށް ތޮށި ވަދެފައި އޮންނަތަން (3) މަސްގަނޑުތެރޭ ހުންނަ ފަށްފަށް (4) ވަކިބާވަތެއްގެ ކުރެހުމަކައި ލިޔުމެއްގެސިފަ (5) މަސްގަނޑުބުރިވެ ވަކިނުވާވަރަށް ވަޅިން އަޅާތަން (6) މަސްގަނޑުގައި ހުރަހަށްއަޅާ ދެޅިޔަދޭތެރޭގެ ފޮތިވަރު (7) ބައެއްތަކެތި ވަކިނުކޮށް ކަފައިފައި ހުންނަ ކެފުން
ކަށިދިއްގާ
ނ ދިއްގަލުގެ ބާވަތެއް: މީގެ ތޮށި ހުންނާނީ ކުރަކިކޮށެވެ މިގަހުގެ ލަކުޑި މޮޅުވާނެއެވެ
ކަށިތުންފިލޮޅު
ނ ފިލޮޅުގެ ބާވަތެއް މިފިލޮޅުގެ ކަރުތާފަތްގަނޑާއި ބޮލުގެ މަތީބައިގައި ހުޅުނބެއް ނުހުރެއެވެ ކަރުތާ ފަތްގަނޑުގެ މަތީބައިގައި ރަތްކުލައިގެ ލަފެއް ހުރެއެވެ މަހުގެ ކުލައަކީ މަޑު ވައިލެޓުކުލައަކާ ގުޅޭ މުށިކުލައެކެވެ މަހުގެ ތުން ހުންނަނީ ފިޔާތޮށިކުލައިގައެވެ
ކަނޑިންމަ
ނ (1) ބޮޑެތިފުޅާނެރު (2) ޤުދުރަތީގޮތުން ތޮށިން ކެނޑިފައި ހުންނަ ބޮޑެތި ތަނަވަސް ތަންތަން (3) ދ އަތޮޅު ވާނީ ކައިރީގައި އޮންނަ ފަޅުރަށެއް
ކަނޑުކަކުނި
ނ ކަކުނީގެބާވަތެއް މިއީ ދިވެހި ކަނޑުފަޅުން ފެންނަ އެންމެބޮޑެތި ކަކުންޏެވެ ކަކުނީގެ ބޭރުތޮށިގަނޑު ހުންނަނީ ގަދަމުށިކުލައިގައެވެ ފައިތަކުގައި ހުންނަނީ މަޑުމުށިކުލައެވެ
ކަނޑުވަނުން
މ (1) ތޮށިނެތިފަޅު ތެރެއަށް ކަނޑުއައިސްވަދެފައިވުން (2) މަޖާޒު: ވަކިމިންވަރެއްނެތި އެއްޗެހިލިބޭގޮތް މެދުވެރިވުން
ކަންފަތްވެން
ނ ކުޑަކަންފަތެއް ހުންނަ ވެނެއް މިބާވަތުގެ ވެން އާންމުކޮށް އުޅެނީ ކަނޑުތޮށި ކައިރީގައެވެ
ކަޅިހި
ނ (1) ފިލޮޅުގެ ބާވަތެއް މިމަހުގެ ކުލައަކީ މަޑުވައިލެޓުކުލައާ ގުޅޭ މުށިކުލައެކެވެ މަހުގެ ތުންފަތް ހުންނަނީ ފިޔާތޮށި ކުލައެއްގައެވެ މަހުގެ ކަރުތާފަތްގަނޑުގައި މަތީ ތުން ކައިރީގައި ރަތްކުލައިގެ ލަފެއް ހުރެއެވެ (2) ކިއްސަރުވަޑާން ކުރާ މީހުން ފާހަގަ ލާން ދެލިޖައްސާ ކަށަވަރު
ކަޅުކޮތަރިދަންބޮޑު
ނ ދަންބޮޑުގެ ބާވަތެއް މިއީ ފަރުފަރުގެ ބޭރުން ފުންހިސާބުގައި ގިނައިން އުޅޭ މަހެކެވެ މަހުގެ ކުލައަކީ ފަނޑުފިޔާތޮށި ކުލައެކެވެ މަހުގެ ކަރުތާފަތުގެ ހުރަހަށް ކަޅުރަތްކުލައިގެ ފުޅާ ރޮނގެއް ހުންނާނެއެވެ
ކަކުނި
ނ (1) އާންމުކޮށް ގޮނޑުދޮށުގައި ހަރުކޮނެގެން އުޅޭ ދިރޭ އެއްޗެއް މީގައި ހަރުތޮށިގަނޑެއް އޮވެފައި އަށްފައާއި ދެދަތްގަނޑު ހުރެއެވެ މީވަކި ބޮލެއް ނުހުންނަ ހަށިގަނޑުން ބޭރަށް ދެލޯ ނުކުމެފައި ހުންނަ އެއްޗެކެވެ މީގެ ތަފާތު ބާވަތްތައް ހުރެއެވެ (2) އެއްޗެހީގައި ހިފަން ގެންގުޅޭ ދަގަނޑު އާލަތެއް މީގައި ދެފައިކަށި އޮވެފައި މޮހޮރުފަދަ އެއްޗެތީގައި ހިފޭކަހަލަ ގުދުކޮށްފައި އޮންނަ ދެދަތްގަނޑު ހުރެއެވެ
ކަދޫ
ނ ފުފޫ ފާޑުގެ ތަރުކާރީއެއް މިއަޅަނީ ވެލެއްގައެވެ މިހަރުވީމާ ތޮށިގަނޑުވެސް ހަރުވާނެއެވެ
ކަލިޔާބިރިންޖީ
ނ ބާވަތެއްގެ ބަތެއް. މިއީ ފިޔާ ފެނާއި ފޮނިތޮށި ކާފޫރުތޮޅި ފެނާއި ލޮނުލައިގެން ގިތެލާއި ކާށިތެލާއި މީރުކޮށްފައި އޭގެތެރެއަށް ހަނޑޫއަޅައި ރަނގަޅަށް ފެން ހިނދި ހަނޑޫގަނޑު ހަނާވީމާ ކާށިކިރާއި ދިރިޔާ އިނގުރާ އަދި ކުރިން ފެނުއެޅި ތަކެތީގެ ބާކީ ހުރި ފެނާއިއެކު އެތަކެތި އަޅައިގެން ކައްކާ ބަތެކެވެ
ކާށިހިކާ
ނ ހިކާގެ ބާވަތެއް. މިމަހުގެ ކުލައަކީ ގުރާފެހި ކުލައެވެ މަހުގެ ހުރަހަށް ކަޅުކުލައިގެ ފުޅާ ހަރޮނގު ހުރެއެވެ މަހުގެ ބޮލުގައި ފިޔާތޮށިކުލައިގެ ކުރެހުންތަކެއް ހުރެއެވެ
ކާފޫރުގަސް
ނ މެދުމިނަކަށް ހެދޭ ގަހެއް މިގަހުގެ ގޮފިތަކުގެ ތޮށިގަނޑު ހުންނަނީ އޮމާން ކޮށް ފެހިކުލައެއްގައެވެ ތޮށީގައި ވިދާގޮތްހުރެއެވެ މިގަސް އެންމެ ވައްތަރުވާނީ ދެބުދާރުގަހާއެވެ ފަތްތައް ހުންނާނީ މޫނިމާފަތާ ގާތްގޮތަކަށެވެ މިގަހުގެ ހުރިހާ އެއްޗެއްގައިވެސް ދުވާނީ ކާފޫރުވަހެވެ
ކުރަމަގާލި
ނ (1) މެށުނު ތަނެއް ނުވަތަ ކެނޑުނު ތަނެއްގެ މަތީގައި ހަރުވެ ހިކިފައި އޮތްލޭކޮޅު (2) ފަސޭހަވަމުން އަންނަ ފާރުކޮޅުގެ މަތީގައިލާ ތޮށި