radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ހިތިބޯ
ނ އެމުގެބާވަތެއް: މިއީ ހުޅުނބުތައް ވަރުގަދަކޮށް ހުންނަ ކަށި ގިނަ އެމެކެވެ މީގެ މަތީފަރާތުގައި ހުންނަނީ ފެހިއަޅި ކުލައެކެވެ ހުޅުނބުތަކުގެ ކައިރިފަށް ހުންނަނީ ކަޅުކުލައެއްގައެވެ މީގެ ދެއަރިމަތީގައި ރިހިކުލައިގެ ފުޅާ ރޮނގެއް ހުރެއެވެ
ހިތިދަނޑި
ނ ބޭހަށް ގެންގުޅޭ ހިތިރަހަލާ ހިމަދަނޑިއެއް މިއީ ރާއްޖެއިން ބޭރުން ގެންނައެއްޗެކެވެ މީގެ ގަސްހެދެނީ އޮނު ހުންނަ ގޮތަށް ބަދަބަދަލައިފައި ބަދަތައް ވަރަށް އޮމާން ކޮށެވެ ބަދަތައް ހުންނަނީ ހިމަކޮށެވެ ގާތްގަޑަކަށް ކުޑަވާއިނގިއްޔެއްހާ ފަލަމިނެއްގައެވެ ފަތްތައްވެސް ހުންނަނީ އޮނުފަތާ ވައްތަރުކޮށް އެއަށްވުރެ ކުދިކޮށެވެ މިގަސް ހެދެނީ ގާތްގަނޑަކަށް 5 ފޫޓެއްހާވަރަށެވެ އިނގިރޭސިބަހުން މިގަހަށް ކިޔަނީ ސިންކޯނާއެވެ
ހިތުނެތްގޮތް
ނ (1) ހިތަށްވެސް ނާރާ ފަދަ ކަންތައް (2) ތަނަވަސްކަމުގެ ކޮޅުނެތް ކޮޅު މިސާލު: އައްޔަށް އެ މާވަހަރު ހޮވުނުފަހުން އެ އާއިލާ ހިތުނެތްގޮތަށް ދިރިއުޅެމުން ގެންދެއެވެ
ހިތުގައި ގާގަނޑެއްހެން އޮތުން
(މިސާލުބަހެއް) ތިމާޔަށް ހަސަރުކުރާގޮތަށް އަނެކަކު ކުރާކަންތައް ނުވަތަ ބުނާބަސްތައް ހިތުން ފިލައިގެން ނުގޮސް ހުންނަ ހުރުމަށް ބުނެއުޅޭބަހެއް
ހިތްބަންޑުންކުރުން
މ (1) ހިތުގެ އެދުންތައް ހާމަކުރުން (2) ލޯބި ފާޅުކުރުން
ހިތްއޮންނާނީ ދެލިގަނޑެއްހެންނެވެ. ކަން އޮންނާނީ ވެލިގަނޑެއްހެންނެވެ.
(މުސްކުޅިބަހެއް) ހިތްނުބައިކޮށްގެން ހުރެ ބޭރުފުށް އޮމާންކޮށް ކަންތައް ކުރާ މީހުންނާމެދު ބުނެއުޅޭ ބަހެއް
ހިތްވަރުގަދަ
ނއ (1) ހިތުގެ ސާބިތުކަމާއި ވަރުގަދަކަން ހުންނަ (2) ކަންތައްތަކާއި ކުރިމަލާން ކެރޭގޮތް ހުންނަ (3) ޖެހިލުންކުޑަ (4) ބިރުކުޑަ
ހިތްވަރުގަދަކަން
ނއނ (1) ހިތުގެ ސާބިތުކަމާއި ވަރުގަދަކަން ހުންނަކަން (2) ކަންތައްތަކާއި ކުރިމަތިލާން ކެރޭގޮތް ހުންނަކަން (3) ޖެހިލުންކުޑަކަން (4) ބިރުކުޑަކަން
ހިލަފުއްޕުން
މ (1) ހަށިގަނޑުގެ އެކިތަންތާނގެ މަސްގަނޑަށް އަރުވާ ބާރަކުން އާދަޔާ ޚިލާފަށް އެތަންތަން ހަރުކުރުން. (2) ފުލޯކުވާހަކައިގައި އަންނަ ޞިހުރުވެރީން އެއުރެންގެ ހަށިތައް ހަދާގޮތެއް އެހެން ހެދުމަށްފަހު ކަނޑިއެއް ލޮންސިއެއް ނުވަންނަކަމަށް ބުނެވެއެވެ
ހިލުއްދަލާ
ނ )ބދ ( (1) ނިރުލައި ހެދޭހެދުން (2) ބުޑުން ކުރިތައް ފަޅަމުން ހެދެމުންދާ ދިއުން
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން
ހިޔާހެދުން
މ އޮޑިދޯނިފަހަރުގައި ވަގުތީގޮތުން ކުރާ ހިޔާ ތައްޔާރުކުރުން
ހީރަސް
ނ ފޮތުގެ ގަނޑުތައް ހިފެހެއްޓުމަށް ބަނދެފައި ހުންނަ ބަނުން
ހީރަސްޖެހުން
މ ފޮތުގެ ގަނޑުތައް ނުވަތަ ގަނޑުތަކެއް އެއްކޮށް ހިފަހައްޓާން ބުރަކަށި ފަރާތުން ފެހުން ނުވަތަ ބަނުން ނުވަތަ ނަރުޖެހުން
ހީބިހި
ނ ބިރުގަތީމާ ނުވަތަ ހީކަރުވައިގަތީމާ ބިހިތަކެއްހެން އިސްތަށިބުޑުތައް އުފުލޭއުފުލުން ހީލިކެރުވީމާވެސް މިހެންވެއެވެ
ހީބިހިނެގުން
މ ހީކަރުވައިގަތީމާ ނުވަތަ ބިރުގަތީމާ ބިހިތަކެއްހެން އިސްތަށިބުޑުތައް އުފުލުން
ހީފުއްޕުން
މ ހީކަރުވައިގަނެގެން ގައިން ހީބިހިނަގައި ލޯލިތައް ކޮޅަށް ޖެހުން
ހުހިވައް
ނ މޫދުގައި އުފެދޭ ނުހަނުލުއި މަޑުއެއްޗެއް. މީގެ އެތެރޭގައި ވަރުވަރުގެ ލޯވަޅުތައް ތޮރުފިފައި ހުންނާނެއެވެ. ބޭރުގައި ހުންނަ ކުރަކި ކަމަކާއި ތޫނުކަމަކުން އެއްޗެހި އުނގުޅައި ސާފުކުރުމަށާއި ގައި އުނގުޅުމަށް ގެންގުޅެއެވެ
ހުނަރު
ނ (1) ޙިކުމަތް (2) ފަންނު (3) ތަކެތި ހެދުމުގެ ވިސްނުން (4) ކަންތައްކުރުމުގެ ފާޑު