radheef.info
ރަދީފު


ތައި
ނ )ޏ ( ލަދުގަނެގެން ނުވަތަ ރަކިވެގެން އަނގަހޭވިފައިހުންނަހޭވުން
ފަންވަރުނެތުން
މ ދަގަނޑާއި އެކަތައިގެ ހަރުކަން ނެތުން
ފަންފުޅަލި
ނ ދަނޑިންގަތައި ފަންޖަހައިފައި ހުންނަ ފުޅަލި
ގޭނުން
މ (1) ދޭއްޗެއް ކޭއްތި ކަންފަތިވުން (2) އެއްޗެއް ހިމުން ކުރުމުގެ ގޮތުން އެއްޗެއްގައި ކޭއްތުން މިސާލު: )ހ( ކެލާގޭނުން )ށ( ހިތްތަލަގޭނުން (3) ކާށި ހުންޏަށް ހެދުމަށްޓަކައި ހުނިގޮނޑި ތިލަފަދަ އެއްޗެއްގައި ކާއްތައި ކުނޑިޔަށް ހެދުން (4) މަޖާޒު: ކަމަކާ އުޅެއުޅެ ވަރުބަލިވުން
ފަޅާކޮޓަރި
ނ (1) މީހުން ހޭނައްތައިގެން ތަންތަން ކެފުމުގެ މަސައްކަތް ކުރުމަށް ހޮސްޕިޓަލުގައި ހުންނަ ޚާއްސަ ތަނެއް (2) އޮޕަރޭޝަން ކުރަން ހޮސްޕިޓަލުގައި ހުންނަ ޚާއްސަ ކޮޓަރި
ފައްޓަރު
ނ އުނަގަނޑުގައި ނުވަތަ ކަރުގައި އަޅަން ރަންރިހި ފަދަ މަޢުދަނީ އެއްޗަކުން ފަށް ގަތައިގެން ހަދައިފައިވާ އެއްޗެއް
ފަލަސް
ނ (1) ދެވަލުގެ ދެކޮޅު ނުވަތަ ވަލެއްގެ ދެކޮޅު ގުޅުވުމަށްޓަކައި ދެކޮޅުގެ އުޅިތައް ނިއުޅައިލައި އެއްކޮޅުގެ އުޅިތައް އަނެއްކޮޅުގެ ތެރެއަށް ލައްވައިގެން ގަތައިލާ ގަތައިލުން. (2) ވަލުގެ ކޮޅު ހިމަކުރުމަށްޓަކައި ނުވަތަ އުޅިތައް ނިއުޅުނަ ނުދިނުމަށްޓަކައި އުޅިތަކުން ނަރުދަމައި ހިމަކޮށްފައި ގަތާގެތުން
ފަލަސްކުރުން
މ (1) ދެވަލުގެ ދެކޮޅު ނުވަތަ ވަލެއްގެ ދެކޮޅު ގުޅުވުމަށްޓަކައި ދެކޮޅުގެ އުޅިތައް ނިއުޅައިލައި އެއްކޮޅުގެ އުޅިތައް އަނެއް ކޮޅުގެ ތެރެއަށް ލައްވައިގެން ގަތައިލުން މިހެން ހަދަނީ ގޮށްނުޖަހައި ގޮށެއްގެ ބާރު ގެނައުމަށްޓަކައެވެ (2) ކޮޅު ހިމަކުރުމަށްޓަކައި ނުވަތަ އުޅިތައް ނިއުޅުނަ ނުދިނުމަށްޓަކައި އުޅިތަކުން ނަރުދަމައި ހިމަކޮށް ފަށްގެތުން
ފާކުރުން
މ (1) ވަކިވަރަކަށް ދޮންވެފައި ހުންނަމޭވާ ފައްކާވެގެން މަޑުވާނެ ގޮތް ހެދުން (2) ބަނބުކެޔޮ ވަޅުލައިގެން މަޑުވާގޮތް ހެދުން (3) ކެކުރި ފިތައިގެން މަޑުވާގޮތް ހެދުން (4) ދަނޑި ފަދަ އެއްޗެހި މޫދު އަޅައިގެން ތޮށި މަޑުކުރުން (5) އޮޅުގައި ނުވަތަ މޫދުގައި އަޅައިގެން ބޮނބި މަޑުކުރުން (6) މަޖާޒު: ތިމާކުރަންޖެހޭ ކަމެއް ބޮލުން ނައްޓައިލައިގެން އަނެކެއްގެ ބޮލުގައި އެޅުވުން (7) އުނދަގުލެއް ޖެއްސުން
ފާލަން
ނ (1) ފުރާ ދުއްވާ އެއްޗެހި ގާތްކޮށް މީހުން އަރާ ފޭބުމަށާއި މުދައު އަރުވައި ބޭލުމަށް ގޮނޑުދޮށުގައި ތަނބުޖަހައިގެން ނުވަތަ ގަލާއި ވެލި އަޅައި ހިއްކައިގެން ހަދައިފައި އޮންނަތަން (2) ދެތަނެއް ގުޅުވުމަށް ކޯރުކޯރާއި ފެންފެންގަނޑު ފަދަ ތަންތަން ހުރަސްކޮށް މީހުން ހިނގުމަށާއި އެއްޗެހި ދުއްވުމަށް ތަނބުޖަހައިގެންނާއި ހިއްކައިގެން ނުވަތަ ފަތިތަކެއް ހަނިދިގުކޮށް ގަތައި އެލުވައިގެން ހަދައިފައި ހުންނަ މަގު
ދެރަކުރުން
މ (1) ނިކަމެތި ހާލުގައި ޖެއްސުން (2) ފެންވަރު ދަށަށް ޖެއްސުން (3) އާރާއި ބާރު ނައްތައިލުން (4) ދަށުދަރަޖައަކަށް ވައްޓައިލުން (5) ވާދަޔަށް ކުރާކަމަކުން ދަށް ކުރުން ނުވަތަ ބަލިކުރުން
ދޮޅިކަން
ނއނ )ޏ.( ރޯނު ފުރައިފައި ހުންނަ އެނދުއުނދޯލި ފަދަ ރޯނުން ގަތައިފައި ހުންނަ ޖޯލިފަދަ އެއްޗެހީގެ ރޯނުގެ ވާންކަން ކެނޑި ދޫވެފައިވާކަން
ފިއްތި
ނއ (1) ފިއްތައިފައިވާ ނުވަތަ ފިތިފައިވާ (2) އަންހެނުންލާ ހެދުމެއް މިހުންނާނީ ތިރިޔަށް ބާރުކޮށެވެ
ފިއްތިގޮދަން
ނ ފިއްތައިފައި ހުންނަ ހިމަ ގޮދަން
ފިތާފުޅި
ނ ބޭހާއި އަދި އެނޫންވެސް ފިތައިލީމާ ނުކުންނަ ކަހަލަ އޮލަ ތަކެތި އަޅައިފައިވާ ފުޅި
ފީރު
ނ އެއްޗެހި ގާނައި އޮމާންކުރުމަށާއި ހުނިގޮނޑި ތިލަ ކީސް ފަދަ ތަކެތި ތޫނު ކުރުމަށްޓަކައި އެކަތައިން ހަދައިފައި ހުންނަ ހަތިޔާރެއް. މީގެ ދެތިން ހަތަރު ވައްތަރެއް ހުރެއެވެ. މިސާލު: ތިންއަރިފީރު އޮނުފަޅިފީރު ފަތިފީރު ގަސްގާނާފީރު
ފުހުން
މ (1) އެއްޗެއްގެ އަސަރު ފިލުވައިލުން. (2) ޥުޟޫކުރުމުގައި ބައެއް ގުނަވަނުގައި ނުވަތަ ގުނަވަނުގެ ބަދަލުގައި ހާކަންޖެހޭ އެއްޗެއްގައި ފެން ހޭކުން (3) ތަޔަންމަމު ކުރާއިރު ގުނަވަންތަކުގައި ހިރަފުސް އުނގުޅުން (4) މަޖާޒު: ހަނދާން ނައްތައިލުން
ފުށްކަށި
ނ ދަގަނޑު ކެނޑުމަށް އެކަތައިން ހަދައިފައިވާ އާލާތެއް މިހަދައިފާއި ހުންނަނީ އެއްކޮޅުގައި މިއަ އަޅާފައެވެ
ފުރާނަދުއްވައިލުން
މ (1) ފުރާނަވަކިކޮށްލުން (2) ދިރުން ނެއްތައިލުން (3) މަރައިލުން
ފުއްކަށި
ނ މައުދަނާއި ކޮންކްރީޓް ފަދަ ހަރު އެއްޗެހި ކަނޑަން އެކަތައިން ހަދައިފައި ހުންނަ އާލަތެއް މިހުންނާނީ އެއްކޮޅު ފަތިކޮށް ތޫނުކޮށްފައެވެ
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް