radheef.info
ރަދީފު


ތަކަ
ނ ދާބަންނަ ރޮދި އަނބުރަން ގެންގުޅޭ އެތި
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްކަންކުރުން
މ (1) ރަސްކަލަކު ހުންނަވައިގެން ހިންގާ ވެރިކަން ހިންގުން މަޖާޒު: (2) ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތްހިތަކަށް އުޅުން (3) ބަލަހައްޓާނެ މީހަކުނެތި ދާވަގުތުކޮޅު ކުއްޖަކު ނުވަތަ ކުޑަކުދިންތަކެއް ހިތްހިތަކަށް އުޅުން
ރާހިޖިންނި
ނ އެކިއެކި ރާހިތަކަށް ފަންޑިތަވެރިން ޚާއްޞަކޮށްފައިވާ ކަމަށްބުނެއުޅޭ ޖިންނި
ރާޅު
ނ (1) ހިމުންކަމުގެ އިދިކޮޅު. (2) ކުރަކ.ި (3) ކަނޑުކަނޑާއި ކޯރުކޯރާއި ފެންފެންގަނޑުން އުފުލި ދަތުރުކުރާ ފެނުގެ ރޮނގު. (4) ހޮޅިލައިފައި ފަރުފަރަށާއި ގޮނޑުދޮށްތަކަށް ބިންދާ ފެނުގެ ހޮޅި. (5) ކަނޑުން ނުވަތަ ކޯރުން އުފެދޭ ހަލަބޮލިކަމުން ގޮނޑުދޮށާއި ހަމައަށް އައިސް ބީއްސާލާ ފެނުގެ ކޮއްޕާ ކޮއްޕުން. (6) ދަގަތްފާނާއި ކަރަންޓުގެ ދަތުރުކުރާ ހަކަތައިގެ ބައިތައް (7) ރޭޑިޔޯއިން އަޑުދުރަށް ފޮނުވަން ބޭނުންކުރާ ކަރަންޓުގެ ބާނި (8) އަޑު ދަތުރުކުރާއިރު ހުންނަ ފަށަލަ ފަށަލަ (9) ނއ އޮމާންކަމުގެ އިދިކޮޅު
ރިހަބަތްކޭން
ނ މައުލޫދަށް ކައްކާ ކޭމުގެ ބާވަތެއް. އާންމުކޮށް މިކޭމުގައި ހުންނާނީ ފެންބަތާއި ބަރަބޮލު ރިހައާއި ކިރެވެ. މިކިރަކީ ހަނޑުލު ފުށުގައި ފޮނިކޮށް ކައްކާފައި ހުންނަ އެއްޗެކެވެ. މިއީ ހިޔަރަކާތް މާލޫދާއި ގަނޑުމާލޫދާއި ރަންމާލޫދު ފަދަ މާލޫދުތަކަށް ކައްކާއުޅުނު ކޭމެކެވެ
ރިކޯޑުކުރުން
މ ކަމެއްގެއަޑު ނުވަތަ މަންޒަރު ނުވަތަ މަޢުލޫމާތު ފަހުން ބޭނުންކުރެވޭ ފަދަ ގޮތަކަށް ތަފާތު ވަސީލަތްތަކުން ރައްކާކުރުން
ރިވާ
ނ މީހަކުދެއްކި ވާހަކައެއް ނުވަތަ ހިނގިކަމެއް އެދެއްކިގޮތަކަށް ނުވަތަ އެހިނގިގޮތަކަށް ބުނާ ބުނުން
ރިވާކުރުން
މ މީހަކު ދެއްކި ވާހަކައެއް ނުވަތަ ހިނގިކަމެއް އެދެއްކި ގޮތަކަށް ނުވަތަ އެހިނގިގޮތަކަށް ބުނުން ޢާއްމުކޮށް މިބަސް ބޭނުންކޮށްއުޅެނީ ކީރިތި ރަސޫލާގެ ސުންނަތަށް ނިސްބަތްކޮށެވެ
ރިވާވުން
މ މީހަކު ދެއްކި ވާހަކައެއް ނުވަތަ ހިނގިކަމެއް އެދެއްކި ގޮތަކަށް ނުވަތަ އެހިނގިގޮތަކަށް ރައްދުވުން
ރިވެލި
ނ (1) ހިޔަނި. (2) ގޭގޭ ދޮރުން ބޭރަށް ނިކުމެފައި ހުންނަ އަލި (3) ކަނޑުގެ ބާނިތަކަށް އިރުންއެޅިފައި ހުންނަ ދަޅަ
ރިޕޯޓަރު
ނ (1) ޚަބަރު ފަތުރާ ވަސީލަތްތަކަށް ޚަބަރުހޯދައި ލިޔުމަށް ވަޒީފާދީފައި ތިބޭ މީހުން (2) އެކަމަށް ކަނޑައަޅާ ފައިތިބޭ މީހުން
ރުޑު
ނ ގައިގެ ތަނެއްގައި ކޫރުމެއް އެޅޭ ކަހަލަ ގޮތަކަށް އެއްޗެއް ކޭއްތުނީމާ އެޅޭ ކޫރު
ރެސް
ނ (1) ތަނަކަށް ބަޔަކު އެއްވާއެއްވުން (2) ރޮނގު (3) ކައިރިފަށް (4) ފަންގެލުން ފަދަ ކަންތަކަށް ގުޅައިފައި އޮންނަ ފަންވަތް (5) )ސ ( ރެނދު
ރެޕްރެޒެންޓޭޓިވް
ނ (1) ދައުލަތެއް ތަމްސީލު ކުރުމަށްޓަކައި އަނެއްޤައުމަކަށް ނުވަތަ އަނެއް ފަރާތަކަށް ފޮނުވުމަށް ޤައުމެއްގެ ވެރިޔަކު އައްޔަން ކޮށްފައިވާ މީހާ (2) އެމްބެސެޑަރ
ބަނދި
ނ (1) ވަޒަން ބަހުރުވައިގެ އެންމެ ކުރީގެ ވައްތަރު )މިއީ އެއްގޮތަށް ހުއްޓޭ ބަސްތަކަކުން އެކުލަވައިފައި އޮންނަ ފަތިވަރެކެވެ ( (2) އިހުޒަމާނުގައި ވަޒަން ހަމަވާގޮތަށް ހަދައިގެން ވަޒަން ބަހުރުވައިން ރާގަކަށް ކިޔާއުޅުނު ބަސްފަތިވަރެއް
ބަނޑުއިލި
ނ އޮޑިދޯނި ފަހަރުގެ އަޑި ބަނުމާއި މަތި ހެދުމުގައި ގަދަކުރުމަށްޓަކައި ބޭރުން ޖަހާ އިލީގެ އިތުރަށް އިހިތަކަށާ އިންނަފަތްތަކަށް އެތެރެ ފަރާތުން ޖަހާއިލި
ބަންޑާރަ ޙަސަނަށް މޫދުހިތަކަށް ލިބުން
(މިސާލުބަހެއް) އެހެން މީހަކަށް ބާރެއް ނުވަތަ ނުފޫޒެއް ނުފޯރުވޭގޮތަށް އެއްޗަކާއިމެދު ނުވަތަ ތަނަކާމެދު ފެންނަގޮތަކަށް ޢަމަލުކުރުމުގެ ބާރާއި އިޚްތިޔާރު މީހަކަށް ލިބުމުން އެކަމަށް ނިސްބަތްކޮށް ބުނެއުޅޭ ބަހެއް. މިއީމަލާމާތުގެ ގޮތުން ބުނެއުޅޭ ބަހެކެވެ.
ބަޅެއްގެ ނަގޫ ސަންފާ އޮނަކަށް ލައިފައި އޮތަސް ތެދެއް ނުވާނެއެވެ
(މުސްކުޅިބަހެއް) ނުބައި އާދަތައްހިފި އަޚުލާގު ނުބައިވެފައި ހުރިމީހަކަށް ނަޞޭހަތެއް ދިނަސް، ކިތައްމެ ނަމޫނާއެއް ދެއްކިއަސް އެއާދަތަކަކާ ވަތްކެއް ނުވެވޭނެއޭ ބުނުމަށް ބުނެއުޅޭ ބަހެއް.
ބައިބައިވުން
މ (1) ބައިވުން މިބަހުގެގިނަގޮތް (2) ވަކިވަކިވުން (3) އެއްބައިވަންތަކަން ކެނޑުން (4) ރޫޅިގެން ދިއުން
ބައިބުރުކޮކާމަސް
ކޮކާމަހުގެ ބާވަތެއް. މިމަހުގެ ކުލައަކީ ފެހިކުލައެވެ. މަހުގެ ކަރުތާފަތުގެ މަތީގައި ނޫކުލައިގެ ރޮނގުތަކަކާއި ފާޅުކަން ބޮޑު ލައްތަކެއް ހުރެއެވެ. މީގެ ކުދިމަހުގެ ދެފަރާތުގައި ހުދު ކުލައާއި މަޑުނޫކުލައިގެ ހަނދުފަޅި ބުރަށް ހުންނަކުރެހުންތަކެއް ހުރެއެވެ