radheef.info
ރަދީފު


ތަން
ނ (1) ޖާގަ (2) މަންޒިލު (3) އެޑްރެސް
ހީލިކޮއްޓުން
މ ހީލިކަރުވާ ތަންތަން އިނގިލިކުރިން ނުވަތަ އެފަދަ އެއްޗަކުން ކޮއްޓުން
ހުނިހުނގޫ
ނ ބިލެއްގަނޑުގައި ހުނިޖަހައިފައި ހުންނަތަން ހުނިޖަހައިފައި ހުންނަނީ ބިލެތްގަނޑު ހިމަކޮޅުގައެވެ
ހުނިފަތް
ނ (1) ހުނިހުނގޫ (2) ބިލެތްގަނޑުގައި ހުނިޖަހައިފައި ހުންނަތަން
ހުނިލުން
މ (1) ދުފާއިރު ބިލެތުގެކުޅިމަރާން ހުނިކޮޅެއް އަނގަޔަށްލުން (2) އުވަފުރާނައިގެން ނެގޭހިމުންބައި ފެނާއެއްކޮށް އޮލަކޮށް ގިރައި ތަންތާގައި ހޭކުން (3) ބައެއް ބާވަތުގެ ކާތަކެއްޗަށް ކާށިހުނި އެޅުން
ހުނިގެނޑި ދީނި
ނ )ސ ( ހުނިގޮނޑީގެ ތިލަނޫންހާތަން
ހުނިގޮނޑިދޫނި
ނ (1) ހުނިގޮނޑީ ތިލަނޫންހައިތަން. (2) ހިކި ބިމުގެ ވިނަގަނޑުމަތީގައި މަސްކާށި ދޫނިހެން އުޅޭ ހިމަދިގު ހަލުއި ދޫންޏެއް
ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ހުންބަލާ ކަށިގަނޑު
ނ ހޫނުމިން ބެލުމަށްޓަކައި ބިއްލޫރިން ހިމަދިގުކޮށް ހަދާ އެތެރެއަށް ދިރޭރަހަ އަޅާ ބޭރުގައި ދަރަޖަތަކެއް ޖަހައިފައި ހުންނަ އާލާތެއް މީގެ އެއްކޮޅުގައި ދިރޭރަހަ ހަރުލާ ވަރަށް ފަލަކޮށް ހުންނަ ތަންކޮޅެއް ހުންނާނެއެވެ އެތެރޭގައި ވަރަށް ހިމަ ލޯވަޅެއް ހުރެ ހޫނުވުމުން އެލޯވަޅުން ދިރޭރަހަ ދަތުރުކުރާނެއެވެ ފިނިވާއިރަށް ފަލަތަނަށް ދިރޭރަހަތައް ފައިބާނެއެވެ
ހުންގާނުކަރުވަޅު
ނ ދޯނީގެ މައްޔަލުގައި އަޅުވަން ހުންގާނުގެ މަތީކޮޅުން ކަނޑައިފައި ހުންނަތަން
ހުރަސްބިހި
ނ ގައިގެ ތަންތާނގައި ހުރަހަށް ނަގާބިހިގަނޑެއް
ހުރާ
ނ (1) ފަޅުފަޅުގައި އަކިރިއާއި ގަލުން ހިކިފައި ހުންނަ ތަންތަން މިތަންތާނގައި ގަސްގަހާ ގެއްސެއްނުހުންނާނެއެވެ (2) ހުރާގަނޑު (3) ކ އަތޮޅުގެ ރަށެއްގެ ނަން
ހުރާގަނޑު
ނ ހުރައެވެ ކިޔާ ވަރަށްވުރެ ކުދި އެބާވަތުގެ ތަންތަން
ހުރުކު
ނއ )ބދ ( ކިތަންމެ
ހުޅައްފަނި
ނ )ސ ( (1) ކިލާފަނީގެ ބާވަތެއް މިހުންނާނީ ކިލާފަންޏަށްވުރެ ކުލަގަދަކޮށް އެއަށްވުރެ ތަންކޮޅެއް ފަލަކޮށެވެ ތުންކޮޅު ހުންނާނީ ހުރަހަށް ބުރިކޮށްލީމާ ހުންނަހެންނެވެ (2) ފެންހަރުފަ
ހުޅި
ނ (1) ޒީނަތަށް ބޮލުއިސްތަށިގަނޑުން ޖަހާ ގޮށް (2) ގުޅަކޮށް ހައްޔަރުކޮށްފައި އޮންނަ އިސްތަށި ގަނޑު (3) އަންހެނުންގެ ރުމާއޮޅާން ކައްޗޭ ބޯފަދަ ތަކެތީގައި ފޮތީން ބަންނަ ބޮނޑި (4) ބައެއް ދޫނީގެ ބޮޅުގައި ވަކީން އުފުލިފައި ހުންނަ ފަތްކޮޅު (5) ސިންގާ އަސްފަދަ ތަކެތީގެ ކަނދުރާމަތީގައި ވަކީން ދިގުކޮށް އޮންނަ ކެހެރިގަނޑު (6) )ޏ ސ ( ނާޅި ލާހިފަދަ ތަކެތީން މިނާއިރު އުސްތުނބަށް ހުންނަތަން (7) ރާޅު އުފުލިގެންދާއިރު ވަކީން އުސްކޮށް ހުންނަތަން
ހުޅުނބުފިލާ
ނ ފަތްޕިލާވެއްޔެއް މިއީ ވިނަހުންނަ ތަންތާ ގައި ހެދޭގަހެކެވެ މީގެ ފަތްހުންނާނީ ކޮޅުވައްކޮށް ކުދިކުދި ކޮށެވެ ފަތްބުރަނދަގޮޑީފަތާ ވަރަށް ވައްތަރުވާނެއެވެ މިފަތުގެ ދިޔަ ދުޅަވާތަންތާގައި ވަށައެވެ
ހުޅުވުން
މ (1) ލެއްޕިފައިހުރި އެއްޗެއްގެތެރެ ހާމަކޮށްލުން (2) ފޮށިފަދަ ތަކެތީގެ ހުޅުލައި ހަރުކޮށްފައި ހުންނަ މަތި ހާކުރުން (3) ޖެހިފިތިފައި ހުންނަ ދެއެއްޗެއް ފޭކޮށްލުން މިސާލު: )ހ( ކަތުރު ހުޅުވުން )ށ( ޗާކުފިޔޮހި ހުޅުވުން (4) ފިހާރަ މަދުރަސާ މަޢުރަޟް ފަދަތަންތަން ހަދާ ނިމިގެން އެތަންތަން ހިންގާން ފެށުން (5) އޮފީސް ފަދަ ތަންތާގެ މަސައްކަތް ހިނގާން ފެށުން
ހުއްދަބަލައިދިއުން
މ ގަނޑުވަރުތެރޭ ބޭފުޅުންނާއި ދައުލަތުގެ ކުރިޔަށް ތިއްބެވި ބޭފުޅުން ތިއްބަވާ ތަންތާނގެ ކައިރީގައި ތިބޭމީހުން އެބޭފުޅުން ތިއްބަވާ ތަންތާނގެ އެތެރެފެންނަވަރުގެ އުސްތާކަށް އަރަން ޖެހިއްޖިއްޔާ އެކަމުގެ އިޒުނަ ހޯދަން އެތަންތަނަށް ދިއުން
ހުވަނދެކޮތަނެ
ނ )ގ ( ހުވަނދުކޮތަން
ހުދުހިއްތަން
ނ ބަނޑުފުށް ހުދުކޮށް ހުންނަ ހިއްތަން