radheef.info
ރަދީފު


ދޮން
ނ (1) ކުލައެއްގެނަން )މަޑުރީނދޫކުލަ( (2) ބައެއްކަހަލަ މޭވާ ދޮންވީމާ ހުންނަ ކުލަ (3) މީހުންނަށް ނިސްބަތް ކުރާއިރު ކަޅުގެ އިދިކޮޅު (4) މީހުންގެ މޫނުގައިދޭ ބޮސް (5) ބައެއް މޭވާ ހަރުވެގެންވާ ފައްކާ (6) މަޢުދަނީ ތަކެތި މާބޮޑަށް ވާހޫނު
ދޮންވެލި
ނ ހުދުކުލައިގެ ހިމުންވެލި
ދޮންވެލިފިނޮޅަކަށް ހެދުން
މ މަޖާޒު: ރަށެއް ސުންނާފަތިކޮށްލުން
ދޮންވެލިފިނޮޅަކަށްވުން
މ (1) ރަށެއް ގިރަމުންގޮސް އެރަށަކުން ރުއްގަސް ހުސްވުން (2) މަޖާޒު: ރަށެއްހަލާކުވެ ސުންނާފަތިވުން
ދޮންވެލިފިނޮޅު
ނ މޫދުން ހިކިފައިވާ ރުއްގަސްނެތް ދޮންވެލިގަނޑު
ދޮންވެލިތުނޑި
ނ ރަށަކާ ގުޅިގެން ދުރަށް ދެމިފައިވާ ދޮންވެލިގަނޑު
ދޮންމަށަ
ނ )ސ ( (1) ހުދުކުލައިގެ އާނު (2) ބިންގަނޑު ކޮންނަމުން ދާއިރުފެނާ ކައިރީގައި އޮންނަ އާނު
ދޮންމަނިކު
ނ ދިވެހި ފިރިހެނުންނަށް ކިޔާނަމެއް
ދޮންމަނިކެ
ނ ދިވެހި އަންހެނުންނަށް ކިޔާނަމެއް
ދޮންމަންމަ
ނ ބައްޕައިން ނުވަތަ އިނދެގެންއުޅޭ މަންމަނޫން މީހާ
ދޮންމަންޖެ
ނ އަންހެނުންނަށް ކިޔާ ވަނަމެއް
ދޮންމައިދައިތަ
ނ ފިރިމީހާގެ ނުވަތަ އަނބިމީހާގެ ދޮންމަންމަ
ދޮންމަދު
ނ މިދިލިގަހުގައި އަޅާވައް ދޮންވީމާ ކިޔާގޮތް
ދޮންމަސް
ނ ފަޅުފަޅާއި ފަރުފަރުގެ ބޭރުގައި އުޅޭމަހެއް މިމަހަކީ ނަނު ފައްތާއިރު ވަރަށްގިނައިން ބޭނޭމަހެކެވެ މިއީ ވަރަށް މީރު މަހެކެވެ މިމަހުގެ ދެއަރިމަތީގައި ހިމަ ރޮނގުތަކެއް ހުންނާނެއެވެ
ދޮންމަޑިމިޔަރު
ނ މަޑިމިޔަރުގެ ވައްތަރެއް
ދޮންމަޑިމިޔަރޮ
ނ )ސ ( ދޮންމަޑިމިޔަރު
ދޮންމަޑިމޭރެ
ނ )ޏ ( ދޮންމަޑިމިޔަރު
ދޮންމާމަ
ނ (1) ކާފަ އިން ނުވަތަ އިނދެގެންއުޅޭ މާމަނޫން މީހާ. (2) މާފަ އިން ނުވަތަ އިންނަ މާމަނޫން މީހާ
ދޮންމާފަ
ނ )ޏ ސ ( މަންމަގެ ދޮންބައްޕަ
ދޮންމިޔަރު
ނ މިޔަރުގެ ބާވަތެއް. މިއީ އާދައިގެ ވަރަކަށްފަލަ ތުންކޮޅަށް ދިގުކޮށް ހުންނަ މިޔަރެކެވެ
ދޮންމީހުން
ނ (1) ގައިގެކުލަ އަލިމީހުން (2) މަޖާޒު: ޔޫރަޕު މީހުން