radheef.info
ރަދީފު


ދުކު
ނ (1) ވޭން (2) ހިތާމަ (3) ކެކުޅުން (4) ތަދު (5) އުނދަގޫ
ބަރަވެލާ
ނ )ސ ( މަޖާޒު: ލަދުކުޑަކުއްޖާ
ބަރުކޮލި
ނ މުޑަހަނދީގެ ބޮޑެތި ވައްތަރު. މިއީ އަނގަބޮޑު ތުންކުރު ފަތިމަހެކެވެ. މިމަހުގެ މެދުން ފެށިގެން މަތީބައިގައި ހުންނަނީ އަޅިކުލައެވެ ތިރީބައި ހުންނަނީ ހުދުކުލައެއްގައެވެ
ބަރޮސްބަލި
ނ ހުދުބަލި. މިއީ ހަމުގައި ހުދުކުލަ ޖެހުމަށްފަހު ފިތްގަނޑެއްހެންބޯވެ ކަހައި ފެންފައިބާ ބައްޔެކެވެ
ބަކާވެލީމާ
ނ މީރުވަހެއްދުވާ ހުދުކުލައިގެ މަލެއް މިމާ އަޅާގަހުގެ ގަސްގަނޑު ހުންނާނީ ރީނދޫ ކުލައިގައެވެ
ބައިތިއްބުން
މ (1) ބަޔަކު ތަނެއްގައި އިށީނދެ ނުވަތަ އޮށޯވެ ނުވަތަ ކޮޅަށްތިބޭނެގޮތް ހެދުން (2) ތަނެއްގައި ވަގުތީގޮތުން ބަޔަކަށް އުޅޭވޭ ގޮތަށް ހަމަޖައްސައި އެތަނަކަށް އެމީހުންގެންދިއުން (3) ތަޙްޤީޤަށްޓަކައި ރަށެއްގައި ނުވަތަ ތަނެއްގައި އެހެންތަނަކަށް ނުދެވޭ ގޮތަށް ވަގުތީ ގޮތުން ބަންދުކުރުން
ބައްތިސާގު
ނ ފަތްހިމަކޮށް ހުންނަ ހުދުކުލައިގެ ކުރައެއް އަންނަގަހެއް މިއަށް "ވަލުސާގު" "އުއްބައްތިގަސް" މިހެން ވެސް ކިޔައެވެ
ބައްގީ
ނ ބަންދުކުރެވޭގޮތަށް ހަދައިފައި ހުންނަ އަސްގާޑިޔާ
ބަދުރާމަހުކޮލި
ނ )މ ( ކޮލީގެ ބާވަތެއް މިއީ ފަޅުފަޅުގެ ފުން ހިސާބުގައި ވިލުވިލުގައި މަދުމަދުން އުޅޭމަހެކެވެ މިމަހުގެ ބޭރުފަރާތް ހުންނާނީ ހުދުކުލައާއި ކަޅުކުލައިން އެކުލެވޭ މަންޒަރުތަކެއްގެ ސިފައިގައެވެ
ބަޔާނާކުރުން
މ (1) އިންނާންކަމަށް ނުވަތަ ވިއްކާން ކަމަށް ވަޢުދުކުރުވުން (2) އަންހެނަކަށް ޚަރަދުދީގެން ތިމާގެ މައްޗަށް ބޭންދުން
ބަޖިޔާ
ނ ތިނެސްކަން ހުންނަ ލޮނު ހެދިކާ އެއްޗެއް މިހަދަނީ ގޮދަން ފުށުން ރޮށިދަމައި ކުޑަކޮށް އަލިފާނުގެ ހޫނުން ހިއްކާލައި ރޮށިހަތަރު ބަޔަށްބައިކޮށް މިއިން ކޮންމެ ބަޔަކުން ތިންކަނަށް ވާގޮތަށް ގޮށްޓެއް ތައްޔާރުކޮށް އެގޮށްޓަށް ގިލެތުގައި ރޯފިލުވައިފައި ހުރިމަހުން މަސްއަޅައި ބަންދުކުރުމަށް ފަހު ތެލުލައިގެންނެވެ މިފިހެފައިވެސް ހުރެއެވެ
ބާފޮތިފާނަ
ނ ފާނައިގެ ބާވަތެއް މިމަހުގެ ނިގޫފަތުގެ ކޮޅުހުންނަނީ ވަށްކޮށެވެ މަހުގެ ކުލައަކީ އަޅިމުށި ކުލައެވެ ބުރިކަށިމަތީގައި ހުދުކުލައިގެ ލައްތަކެއް ހުރެއެވެ މިމަސްމަރުވުމުން މުޅިމަސް ގަދައަޅި ކުލައަށް ބަދަލުވެ ހަސްނެތިބާވެފައިވާ ފޮތިގަނޑެއްގެ ކުލައަށް ބަދަލުވެދެއެވެ
ބާތުންމަސް
ނ ހަނދީގެ ބާވަތެއް މިއީ ހަލުވިމަހާ ވައްތަރު މަހެކެވެ މިމަހުގެ މަތީބައިގެ ކުލައަކީ ފެހިކުލައަކަށްދާ މުށިކުލައެކެވެ ބަނޑުދޮށް ފަރާތާއި އަރިމަތި ހުންނަނީ ރިހި ހުދުކުލައިގައެވެ ކަރުތާފަތްގަނޑުގެ މަތީބައިގެ ކޮޅުގައި ކަޅުކުލައިގެ ކުޑަލަފެއް ހުރެއެވެ
ބިސްރޮނޑު
ނ ރޮނޑުގެ ބާވަތެއް މަހުގެ ކުލައަކީ ކަޅު ކުލައެވެ ބަނޑުދަށް ފަރާތުގައި ހުދުކުލައިގެ ބޮޑެތި ލައްތަކެއް ހުރެއެވެ ތުނބުގެ ވަށައިގެން ހުންނަނީ ގަދަ ރީނދޫ ކުލައެވެ މަހުގެ މޫނުމަތީގައި ކައްޗަށްވާގޮތަށް ރީނދޫ ކުލައިގެ ކުރެހުމެއް ހުރެއެވެ
ބިސްބޮލި
ނ ބޮލީގެ ބާވަތެއް މިބޮލީގެ ބޭރު ހުންނަނީ ހުދުކުލައިގައެވެ އެތެރެ ފުށުގައި ހުންނަނީ ދަނބު މުށިކުލައެވެ ބޮލީގެ ކުރީ ކޮޅާއި ފަހަތުކޮޅު ދުރަށް ނުކުމެފައި ހުރުމާއެކު މައްޗަށް ފުރޮޅިފައި ކަހަލަ ގޮތަކަށް ހުރެއެވެ
ބިޑިއެޅުން
މ (1) ބިޑިން އަތްފައި ބަންދުކުރުން މިއީ ދަގަނޑުން ހަދައިފައި އުޅާގޮތަށް ދެއަތުގައި އަޅުވާ ތަޅުލާ އެއްޗެކެވެ (2) ދަގަނޑު ހޮޅިފަދަ އެއްޗެހި އެއްކޮށް ހަރުކުރުމަށް ތަޅު އެޅުވުން
ބުރުދާވަކަރު
ނ އުސްކޮށްހެދޭ ގަހެއްގެ ލަކުޑި. މިގަހުގެ ފަތުގެ ތަނޑިދިގުވާނެއެވެ ފަތް ހުންނަނީ ތުނޑުތުނޑުލައިފައެވެ މިއީ ހުދުކުލައިގެ މަލެއްއަޅާ ގޮފިބަލިގަހެކެވެ މިގަހުގެ އާރު ހުންނަނީ ދޮންމުށިކުލައެއްގައެވެ އާރުގައި މާޒާން ކުރެހުންހުރެއެވެ އާރުގެ ބޭރުއޮޅުފަށްހުންނަނީ ދޮންހުދުކުލައެއްގައެވެ ލަކުޑިގަނޑު މަށައިލުމުން މީރުވަހެއް ދުވާނެއެވެ
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ
ބެރެބެދިދަންބޮޑު
ނ ދަންބޮޑުގެބާވަތެއް މިއީ ބެރެބެދިކުލައާއި އެއްފަދަ ރަތްކުލައެއް ހުންނަ ކުޑަވަރެއްގެ މަހެކެވެ ހުޅުނބުތަކުގެ ކައިރިފަށައި ކަރުތާފަތުގެ މަތީ ކައިރިފަށް ގަދަމުށިކުލައެއްގައި ހުރުމާއެކު ނިގޫފަތް ހުންނަނީ ހުދުކުލައިގައެވެ
ބެއްދުން
މ (1) އެކަތި އަނެއްޗާއި ގުޅުވުން (2) މީހެއްގައި ނުވަތަ އެއްޗެއްގައި އޮޅުލައިގަތުން (3) އެއްޗެއްގައި މަޅިއެއް އަޅުވައި ބާރުކުރުން (4) މުށްލައްޕައި ބާރު ކުރުން (5) ނިވާކުރުން (6) މަސްތަކެއް ދަލަކަށް ނުވަތަ ކޮށިގަނޑަކަށް ވައްދައި ބަންދުކުރުން (7) ބަންދުކުރުން (8) ކުރިމަތި ބަންދުކޮށްގެން ކުރިޔަށް ދިޔަނުދިނުން (9) ދައްކާ ވާހަކައަކުން އަނެކަކު ދެރަކޮށްލުން )01( ކަޑައްތު ކުރުން
ބޭނޑު
ނ ކަނޑުމަތީ ދޫންޏެއް. މިއީ ފިޔަގަނޑު ވަރަށް ތޫރިކޮށް ހުންނަ ދޫންޏެކެވެ. މިދޫނީގެ ފިޔައިގެ މަތީ ފަރާތާއި ބޮލާއި ކަނދުރާ މަތީގައި ހުންނާނީ ކަޅުކުލައާއި ގާތް ގަދަ މުށިކުލައެވެ. ބަނޑުދޮށް ހުންނާނީ ހުދުކުލައިގައެވެ. ފަޔާއި ތުނބުގައި ހުންނަނީ ކަޅުކުލައެވެ. މިދޫނީގެ ބޮޑުމިނަކީ ގާތްގަނޑަކަށް ފަނަރަ ނުވަތަ ސަތާރަ އިންޗިއެވެ