radheef.info
ރަދީފު


ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ހީނަރުވުން
މ (1) އަނަރޫފަވުން (2) ގަސްގަހާގެހި ހެދުން ދެރަވެގެން އަނަރޫފަވުން (3) މަޖާޒު: ކަންކަން ދާންވާގޮތަށް ކުރިއަށް ނުގޮސް ހުއްޓުން އެރުން
ހީލި
ނ (1) ގިލިގިލި ކޮއްޓީމާ ހަށިގަނޑަށް އެވާގޮތް (2) އުޅަނބޮށީގެ ހީލިކަށިގަނޑުތަނަކު ޖެހުނީމާވާގޮތް (3) ނުރައްކައު އުސްތަންތާގައި މީހުން ހިނގާތަން ފެނުނީމާ ބައެއް މީހުންގެ ދަށްފަޔަށް އެވާގޮތް (4) ހަރުދެއެތިގަނޑު ކޭރުވީމާ އިވޭ ބާވަތެއްގެ އަޑަކުން ބައެއް މީހުންގެ ދަތަށް އެވާގޮތް (5) ޖިންސީ އެދުންވެރިކަން އައުމުން އަންހެނުންގެ ކުރިމަތި ފަރާތަށް އެވާ އިޙްސާސް
ހީލިއެރުން
މ މަޖާޒު: އަންހެނުންގެ ޝަހުވާނީ އެދުން ހިލުން
ހުނިބަޑި
ނ އެއްކޮޅަށް ބިލެތްހުނި އަނެއްކޮޅަށް ދުންފަތް އަޅައިގެން ގެންގުޅޭ އެއްޗެއް
ހުރަސްއެޅުން
މ (1) ކުރިބެއްދުން (2) މަގުބެއްދުން (3) ހުރަސްވަކަރު ބޭއްވުން (4) މަޖާޒު: އަނެކަކު ކުރާން އުޅޭކަމެއް ވިޔަނުދިނުން
ހުބެސުނބެ
ނ އެދުންވެރިކަމާއިއެކީ ވަސްގެން ކުރާލޯބި
ހުކުރު ހެދުން
ނ (1) ހުކުރަށްދާން އަޅާ ހެދުން (2) މަޖާޒު: އަވަހަށް ބަދަލުވާ ބަދަލުވުމާމެދު ދޭމިސާލެއް މިސާލު: އިރުވައި ވިއްސާރައެކޭ ހުކުރު ހެދުމެކޭ އެއްގޮތެވެ
ހުކުރުފަނި
ނ )ސ ( (1) ބިމުގައިއުލޭ ރަތްކުލައިގެ ފަންޏެއް (2) އިހުގައި ކޮންމެ ހުކުރުވިލޭރެއަކު މަޣުރިބުނަމާދުން ފޭބީމާ މިސްކިތްދޮށުގައި ބަހައި އުޅުނު ފަންޏެއް
ހުއްކަރަބެއްދުން
މ )ސ ( ފުސްކަރު ބެއްދުން
ހުއްދަކުރުން
މ (1) އިޒުނަ ލިބިގެންވާ ކަމަކަށް ހެދުން (2) ހަލާލުވާގޮތް ހެދުން
ހުއްޓައިލުން
މ (1) ނުހިނގާގޮތް ހެދުން (2) ނުގުޑާގޮތް ހެދުން (3) ނުހެލޭގޮތް ހެދުން (4) ނިންމާލުން
ހުއްޖަތްހެދުން
މ މަކަރުހެދުން
ހުލިކުރުން
މ (1) ދުންގަނޑު ނުވަތަ ބިޑި ސުއްޓާ ސިގިރެޓު ފަދަތަކެތި ބޮއިބޮއި ހުސްކުރުން (2) މަޖާޒު: އަނެކެއްގެ މުދަލަށް ނުވަތަ ފައިސާއަށް ގެއްލުން ދިނުން
ހުސްކަރުބެއްދުން
މ )ލ ( ފުސްކަރުބެއްދުން މިއީ ހިފުމުގެތެރޭ ގެންގުޅޭ ބެއްދުމުގެ އުކުޅެކެވެ ނުވަތަ ބައްދާ ބެއްދުމެކެވެ
ހުސްކުރުން
މ (1) އެއްޗެއްގައި ނުވަތަ ތަނެއްގައި ހުރި އެއްޗެއް ނުބަހައްޓައި ނެރުން ނުވަތަ ވަކިކުރުން (2) އެއްޗެއްގައި ހުރި އެއްޗެއް ނުހުންނާނޭގޮތް ހެދުން
ހޫނުކުރުން
މ (1) ހޫނުގެ އަސަރު ފޯރުވުން (2) ހޫނުކަން ގެނައުން މަޖާޒު: (3) ރުޅިއެރުވުން (4) ނުރުހުންތެރިކަން އުފެއްދުން
ހެނދުވުން
މ (1) ލޯބިން ވަސްގަތުން (2) ދެޖިންސުގެ ދެމީހުން އެދުންވެރިކަމާއެކީ ލޯބި ކުރުން
ހެރުން
މ (1) ތޫނުއެއްޗެއް ތަނަކަށް ވެއްދުން ނުވަތަ ވަނުން (2) އެއްޗެއް ތަނަކަށް ނުވަތަ އެއްޗަކަށް ގޯޅައިލުން (3) )ސ ( ފެނަށް ގެނބިގެން ދިއުން
ހެއިނެއްތުން
މ ޑޮކްޓަރުން ބަލިބައްޔަށް ފަރުވާކުރުމަށްޓަކައި ޚަބަރު ހުސްވާގޮތް ހެދުން
ހެއްވުން
މ (1) ހިނިއަންނާނޭ ކަމެއްކޮށްގެން އަނެކާގެ ހުނުން ގެނައުން (2) ހެވޭނޭގޮތް ހެދުން