radheef.info
ރަދީފު


ދަށް
ނ (1) މަތި މިބަހުގެ އިދިކޮޅު މިސާލު: އޭނާ ދަށްމަޤާމަކަށް ބަދަލުކޮށްފިއެވެ (2) ދެރަ މިސާލު: ފެންވަރު ދަށް (3) މަތިން އަޅާއެއްޗެއްގެ އެތެރެ މިސާލު: ރިޔާދަށުގައި ތިބިމީހުން (4) މަތިފަރާތްނޫން އަނެއްފަރާތް މިސާލު: އެސިޓީ އޮންނާނީ އެފޮތުގެ ދަށުގައި (5) އަނދެގެން ހުންނަ ނުވަތަ ލައިގެންހުންނަ އެއްޗެއްގެ އެތެރެ
ކައިރުބޮލި
ނ ރިހާކުރުބޮލީގެ ސިފައަށް އެއަށްވުރެ ބޮޑުކޮށް ހުންނަ ގާތްގަނޑަކަށް 3 އިންޗިވަރުގެ ބޮއްޔެއް. މީގައި ހުންނާނީ ގަދަމުށި ކުލަޔާ ކިސުޑިކުލައިގެ ތިއްތިއްޖަހައިފައެވެ. ބަނޑުދަށް ފަރާތް ހުންނަނީ ރިހާކުރު ބޮއްޔާ އެއްގޮތަށެވެ
ކައްޓަފުޅިމިޔަރު
ނ މިޔަރުގެ ބާވަތެއް. މިމިޔަރުގެ ސިފަ ހުންނަނީ ކައްޓަފުޅިޔާ އެއްގޮތަކަށެވެ. މިޔަރުގެ މަތީބައިގެ ކުލައަކީ ގަދައަޅި ނުވަތަ އަޅިމުށި ކުލައެވެ ބަނޑުދަށް ހުންނަނީ ހުދުކުލައިގައެވެ
ކަފާސްލުން
މ ލިޔާދަވާދަށް ކަފާސްއެޅުން
ކަޑަނެބަތެ
ނ )ގ ( އަންހެނުން މާލޫދުގެ ފަށާ ކޭމަށް ގެންދާ ބޮނޑިބަތެއް މިބޮނޑިބަތް ހުންނާނީ ވަރަށް ރީތިކޮށް ފަތުން އޮމާން ކޮށްފައެވެ މިމާލޫދަށް ކިޔައިއުޅެނީ އަންހެނުން މާލޫދެވެ މިމާލޫދު ކިޔުއްވަނީ ރަށުގެ ހުރިހާ އަންހެނުން ބައިވެރިވެގެންނެވެ
ކިހިލިފަތި
ނ އަތުބުޑުގެ ދަށް ފަރާތުގައި އޮންނަ އަޑިކޮޅު
ކިހިލިފަތްދޮށް
ނ އަތުބުޑުގެ ދަށް ފަރާތުން ކިހިލިފައްޗާއެކު އެ ހިސާބުގަނޑު
ކިރުނު
ނ އަތްކަންކުރާ މީހުނާއި ދަގަނޑުތަޅާ މީހުން ތަޅާ އެތިގަނޑު ތަޅަން ބާއްވާ ދަގަނޑުގަނޑު މީގެ ތެރެއިން އަތްކަން ކުރާ މީހުން ބޭނުންކުރާ ކިރުނު ހަދައިފައި ހުންނަނީ ހަތަރު އަރިޔަށް ހަތަރު ފަސް އިންޗީގެ އުސްމިނުގައި އޮންނަ ލަކުޑި ގަނޑެއްގެ މެދަށް ދަގަނޑުބުރިޔެއް ޖަހައިގެންނެވެ
ކިރުޅިޔަމަސް
ނ ފަރުމަހުގެ ބާވަތެއް މިއީ ކުދިއައިން ހަދައިގެން ފަޅުތެރޭގައާއި ވިލުވިލުގައި ދިރިއުޅޭ މަހެކެވެ މަހުގެ ކުލައަކީ ގަދައަޅިކުލައެވެ ބަނޑުދަށް ފަރާތުގައި ހުންނަނީ މަޑުއަޅިކުލައެވެ މަހުގެ ދިގަށް ހުންނަ ހުޅުނބު ބަރި ދެމެދުގައި ރަންކުލައިގެ ރޮނގެއް ހުރެއެވެ
ކިފާޔަތުގެ ސުންނަތް
ނ ޖަމާޢަތެއްގެ ފަރާތުން އެކަކު ކުރީމާ ސުންނަތް ޙާޞިލުވާ ނުކޮށްފިނަމަ އެންމެން ސަވާބުން މަޙުރޫމުވާ ސުންނަތް މިސާލު: ފަރުޟު ނަމާދަށް ވަގުތުގައި ބަންގިދިނުމަކީ ކިފާޔަތުގެ ސުންނަތެކެވެ
ކުރިކިހާއްފިލާ
ނ ވެލަށްހެދޭ ފަތްޕިލާވެލީގެ ބާވަތެއް މިއީ ކުރިގޮބޮޅީގެ ރަހަ ކަހަލަ ރަހައެއްލާ ފަތެކެވެ ފަތުގެ ކުލައަކީ މަޑުފެހިކުލައެވެ މި ފަތް ހުންނަނީ ކޮޅަށް ހިމަކޮށް މެދަށް ފުޅާކޮށެވެ މިއީ ވަރަށް ތުނި ފަތެކެވެ މިވެލުގައި ވައިލެޓު ކުލައިގެ ކުދިކުދި މާތަކެއް އަޅައެވެ
ކުޅިވަރަށްދުއްވައިލުން
މަޖާޒު: ކަމެއްގެ ޙަޤީޤީ ބޭނުމަށާއި މަޤްޞަދަށް ވިސްނައިލުމެއްނެތި އެކަމެއް ކުރުމަށް ދޭންވާ ސަމާލުކަން ނުދީ ވަގުތު ބޭކާރުކުރުން
ކުކުޅުދުށިން
ނ )ޅ ( ދުށިމުގެ ބާވަތެއް މިއީ ފިނދުފަތް ފެޅި ހިސާބުގައި ހުރަހަށް ހުދު ބަންދެއް ހުންނަ ދުށިމެކެވެ ބަނޑުދަށް ފަރާތް ހުންނާނީ ކަޅުކުލައިގައެވެ އާދައިގެ ދުށިންމަށްވުރެ ތަންކޮޅެއް ބޮޑުވާނެއެވެ
ކުދީނާ
ނ ބިމުންމައްޗަށް ވަރަށް ކުޑަކޮށް ހެދޭ ގަހެއް. މިއީ ޒަވިވަހެއްދުވާ އާވި ކުޅިރަހައެއްދޭ ފެހިކުލަގަދަ ފަތެކެވެ. މިފަތް ހުންނަނީ ދެކޮޅު ވަށްކޮށް މެދަށް ފުޅާކޮށްނެވެ. ހަވާދާއި ޝަރުބަތާއި ސަޓަނި ހެދުމަށާއި ބޭހަށްވެސް މިފަތް ބޭނުންކޮށް އުޅެއެވެ
ކުޑަމަޅު
ނ )މ ( މަސްދޯނިފަހަރުގައި ދަށްމަޅުވަތުގެ ކޮޅުފަހަށް އޮންނަމަޅުމަތި
ކޭތަ
ނ (1) އިރާއި ބިމާ ދެމެދަށް ހަނދުވަދެ އިރުގެ ބައެއް ނުފެންނަގޮތް ވާވުން (2) އިރާއި ހަނދު ދައުރުވުމުގައި އެއްދަނޑިއަކަށް ދިމާވާ ހިނދު ހަނދަށް އެޅޭ ބިމުގެ ހިޔަނި
ކޭތަހިފުން
މ (1) އިރާއި ބިމާދެމެދަށް ހަނދުވަނުމުގެ ސަބަބުން އިރުންބައެއް ނުފެންނަ ގޮތްވުން ނުވަތަ ހަނދަށް ބިމުގެ ހިޔަނި އެޅުމުގެ ސަބަބުން ހަނދުގެ ބައެއް ނުފެންނަ ގޮތްވުން (2) މަޖާޒު: ހިލޭ އަންހެނަކާއި ފިރިހެނަކާ ޢާއްމުކޮށް ފެންނަ ހިސާބުގައި ބައްދައިގަނެގެން ތިބުން
ކޮށާވަޅި
ނ ލަކުޑިއާއި ނާށި ފަދަ ތަކެތި ކޮށައި މަށަން ގެންގުޅޭ ތުނޑު ތޫނު އަތްމަތީ ވަޅިޔެއް. މީގެ ތިލަ ހުންނާނީ ބޯކޮށް އެއްފަރާތުގައި މިޔައަޅައިފައެވެ މުށްގަނޑު ވަށްވާނެއެވެ އޮންނާނީ މެދަށް ހިމަކޮށް ފުލަށް ފަލަކޮށެވެ
ކޮޅަށްހުރުން
މ (1) މީހަކު ތެދުވެހުރުން (2) ކޮއްޅުން ހުރުން (3) އެއްކޮޅު ތާކުޖެހިފައި އަނެއްކޮޅު މައްޗަށް ވާގޮތަށް އެއްޗެއް ތެދަށްހުރުން
ކޮޅުކުރުން
މ (1) އެއްޗެއް ނަގައި ތެދަށް ބެހެއްޓުން (2) ކަމެއް ނިންމުން (3) ރިޔާނަގައިގެން ދުއްވާތަކެތި ވަޔާދިމާއަށް ނެގެހެއްޓުން (4) ފިރިހެން ހަށީގައި ވާގިޖެއްސުން
ކޮޅުފައި
ނ (1) ދަށްފައި (2) ފައިގެ ކުރީކޮޅު ]މިބަސް ކިޔައި އުޅެނީ ފައިގެ އެ ހިސާބުން ކުރާއަމަލަކާ ގުޅުވައިގެންނެވެ މިސާލު: )ހ( ކޮޅުފައިން ޖެހުން )ށ( ކޮޅުފައިލުން