radheef.info
ރަދީފު


ފޮތި
ނ (1) ފޭރާން. (2) ރޮދިން ވިޔެފައި ހުންނަ އެއްޗެއް. މިއީ ފޭރާމަށާއި އެހެނިހެން ބޭނުންތަކަށް ގެންގުޅޭ އެއްޗެކެވެ. (3) ބޯކިބާ އަނބު ފަޅޯ ފަދަ އެއްޗެހި ކަފައިފައި ހުންނައިރު އެއިން ބައެއް. (4) މަޢުދަނަކުން ނުވަތަ ލަކުޑިން ތުނިކޮށް ވަކި ސައިޒަކަށް ހަދައިފައިވާ އެއްޗެއް. (5) މަޢުދަނަކުން ނުވަތަ ލަކުޑި ފަދަ އެއްޗަކުން ދިގުކޮށް ނުވަތަ ތުނިކޮށް ވަކިކޮށްލެވޭ ބައެއް (6) ބައެއް ތަކެތި ކައްކާ އޮލަވީމާ އޭގެ ތެރެއަށް އުނދުޅިއާއި ދޭފަތް ފަދަ އެއްޗެއްލައިފައި ނެގީމާ އެއިން ފައިބާ އެތިއެތިކޮޅު
ބޮޑުބުމަރު
ނ ފިލާފޮތި ބުމަރު. މިއީ ނަނުގަނޑު ބުމަރަށް ވުރެ މާބޮޑު ބުމަރެކެވެ. މިބުމަރު ޖަހަނީ ނަނުގަނޑުގެ އެއްކޮޅު ބުމަރުގައި އޮޅަމުންގޮސް މަތީ ކައިރިޔާ ހަމަވީމާ ބާކީ އޮންނަ ކޮޅު ފިލާ ފޮތީގެ މެދުގައި ހުންނަ ލޯވަޅަކުން މަގަތު ފަރާތަށް ލައްވައި ފިލާ ފޮއްޗާއެކު ހިފަހައްޓައިފައި ބާރަށް ދަމައިގަތުމާއެކު ބުމަރު ހިފަހައްޓަން ޖައްސައިފައި ހުރި އިނގިލި ނައްޓައިލަނީއެވެ މިބުމަރު އެނބުރެމުންދާއިރު ވަރަށް ރީތި ބޫން އަޑެއް އިވޭނެއެވެ
ބޮޑުފެހި
ނ އިހުގައި ބޯވަޅު އެޅި ލިބާސް ލައިއުޅުނު ފޭރާމެއް މިއީ ކަޅު ފެހިކުލައިގެ ފޮއްޗެއްގައި ހިމަރޮނގު ބަޔެއްގެ މެދުތެރޭގައި އެއަށްވުރެ ކުޑަތަންކޮޅެއް ފުޅާ ރޮނގެއްހެން ހުންނަ ފޮއްޗެކެވެ ރޮނގުބައި ހުންނާނީ ކަޅުފެއްސަށްވުރެ އަޅި ފެހިކުލައެއްގައެވެ މިގޮތަށް ރޮނގު ހުންނަ ރަތްކުލައިގެ ފޮތިވެސް ހުރެއެވެ އެއަށް ކިޔަނީ ބޮޑުފެހީގެ ރަތެވެ
ބޮޑުފެއްސަންގޮތްހެދި
ނ ބކ. އިހުގައި ބޯވަޅު އެޅި ލިބާސް ލައިއުޅުނު ފޭރާމެއް. މިއީ މުޅި ފޮތިގަނޑު ކަޅުފެހި ނުވަތަ ރަތްކުލައިގައި ހުރެފައި ބޮޑުފެހީގެ ރޮނގުބަޔާ ވައްތަރު ގޮތަކަށް ރޮނގުބައި ހުންނަ ފޮއްޗެކެވެ
ބޮޑުފޮތިކެނޑުން
މ (1) ހިލާތަކެތި ވަރުވެގެންއައިސް ދޭފަތް އުފުލާލީމާ ފޮތިފޮއްޗަށް ވެއްޓޭ ވަރުވުން (2) އޮލަވުން (3) ހިލާތަކެތި ކުނިނުވާ ވަރުވުން
ބޮޑުދޮލަނގުކޮޅު
ނ (1) ހިތިވިލޭރޭ ފަރިއްކޮޅު ގެންދާއިރު އެންމެ ކުރީގައި ހުންނަ މީހާގެ ބޯމަތީގައި ބަހައްޓައިގެން ގެންދާ ބޮޑު ދޮލަނދު މިހުންނަނީ މުކައްބަ ޖަހައި ހުދުފޮތިން ބަނދެފައެވެ (2) ބޮޑުދޮލަނގު މިބަހަށް އެންމެ މާތްކޮށް ކިޔާގޮތް
(4) )ޅ( ބޯވަޅުގައި އަޅާއެއްޗެހި ބޯވަޅު
ނ (1) އަންހެނުންގެ އާދައިގެ ދިވެހި ލިބާހު ކަރުވަޅުގެ ކައިރީގައި އަޅައިފައި ހުންނަ ހިރުތަކަކާއި ޖަހައިފައި ހުންނަ ބަގިޔާތައް މީގައި ކަސަބާއި ބާދަލަޔާއި ފަށުޔާއި އުއިބޭނުންކުރެއެވެ (2) އަންހެނުންގެ ހެދުމުގެ ކަރުގައި ވަށައިގެން ގޮތްގޮތަށް އަޅައިފައި ހުންނަ ފޮތިކޮޅު (3) ފޮތިބޯވަޅު
ބޯފޮތި
ނ (1) ބޯކޮށް ހުންނަ ފޮތި (2) މަޖާޒު: މީހުން ހައްލަންހަދާދޮގު
ޅިޔަ
ނ (1) ލަކުޑިގަނޑުގައި އުއިނާރާ އޮންނަތަން (2) ގަސްގަނޑުގެތެރެއަށް ތޮށި ވަދެފައި އޮންނަތަން (3) މަސްގަނޑުތެރޭ ހުންނަ ފަށްފަށް (4) ވަކިބާވަތެއްގެ ކުރެހުމަކައި ލިޔުމެއްގެސިފަ (5) މަސްގަނޑުބުރިވެ ވަކިނުވާވަރަށް ވަޅިން އަޅާތަން (6) މަސްގަނޑުގައި ހުރަހަށްއަޅާ ދެޅިޔަދޭތެރޭގެ ފޮތިވަރު (7) ބައެއްތަކެތި ވަކިނުކޮށް ކަފައިފައި ހުންނަ ކެފުން
ކަށިކެޔޮފޮތި
ނ (1) ކަށިކެޔޮވަކުން ތުނިކޮށްނަގާ ފޮތިވަރު (2) ހާލުގެ ދަށުކެޔޮފޮތި
ކަށިވެލި
ނ (1) ފޮތިވެލި އެކުލެވިފައިވާ ރާޅުކޮށް ހުންނަ ހުދުކުލައިގެ ވެލި (2) )ސ ( ފޮތިވެލި
ކަށިފަތި
ނ (1) ފޭރާމުގެ ކައިރި ފަށުގައި ވަކިގޮތަކަށް އެހުންނަ ފަށް އަތްދުތް ހުންނަ ފޭރާމުގައި މިފަށް ހުންނާނީ އަތްދުތުގެ ތިރީގައެވެ (2) އަމުނައިފައިވާ ކަށިތަކެއް (3) ކަށިފޮތި
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނޑިކި
ނ އަންހެނުން އަންނަ ކަޅުފޮތި
ކަނޑުތުރަފަތް
ނ (1) މަސާރީ (2) އެނދުވަށައިގެން ދަމާ ފޮތިގަނޑު
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންނެޔޮ
ނ ބޯއަޅަން ނުވަތަ ތަންމަތީގައި ބަހައްޓަން ގެންގުޅޭ ފޯލިކޮށް ހުންނަ އެއްޗެއް. މިގިނައިން ހުންނަނީ ފޮތިންފަހައި އެތެރެޔަށް ކަފަ ނުވަތަ އެހެން ކޮންމެވެސް އެއްެޗެއް ލައިފައެވެ
ކަންފަތް
ނ (1) އަޑުއިވޭގުނަވަން. (2) އިހުޒަމާނުގެ ބޮޑުބަޑީގެ މެދަށްވުރެ ފަހަތުގައި ފޯލިކޮށް ދެފަރާތަށް ނެރެފައި އޮންނަތަން. (3) ކަންފަތް ތާކިހަލުގައި ކަންފަތް ނިވާކުރާން ދެފަރާތުގައި އެލިފައި އޮންނަ ފޮތިގަނޑު
ކަރުފަށްފިލާ
ނ ކަރުފޮތި
ކަރުފޮތި
ނ މަސްދޯނީގެ ފިލާގަނޑުގެ ފަހުފޮތި
ކަރެފޮއްތާ
ނ )ގ ( މަސްދޯނީގެ ފިލާގަނޑުގެ ފަހުފޮތި