radheef.info
ރަދީފު


ފިޔަ
ނ (1) އުދުހޭ އެއްޗެހީގެ ވަރަ. (2) މާމެލާމެލީގައި ކަރުގަނޑުގެ ވަށައިގެން ބޭރަށް ނުކުމެފައި ހުންނަ ބައިތައް. (3) ފަންކާއާއި ބުރަފަތި ފަދަ ތަކެތީގައި ހިމަދިގުކޮށް ނުވަތަ ކުރުފަލަކޮށް ވަށައިގެން ބޭރަށް ނުކުމެފައިވާ ވައިފޮނުވައިދޭ ނުވަތަ ފެނުތެރޭ އަނބުރައިދޭ ބައި މިފަދަ ތަކެތީގައި ޢާއްމު ގޮތެއްގައި ހުންނާނީ ތިންފިޔައެވެ (4) ފިޔަ އަކުން ނައްޓައިލެވޭ ފަށް
ކަޑަބޮއްޖެހުން
މ (1) ހަލުއި ފިޔަވަޅަށްވުރެ ހަރުކޮށް އަސްދުވުން (2) މާބާރަށް ދުވެފައި ދިޔުން
ކާމަރަނގަ
ނ މޭވާގެ ބާވަތެއް މިއީ ފަސްއަރިއަށް ހުންނަ ވަރަށް ހުތް މީރު މޭވާއެކެވެ މިމޭވާ ހުރަހަށް ފޮތިޖެހުމުން ހުންނާނީ ފަސްފިޔަމަލެއް ހެންނެވެ މީގެއޮށަކީ ވަށްކޮށް ދިގުކޮށް ހުންނަ ކުޑައޮށެކެވެ
ކިރުގަރުދިޔަ
ނ ރީނދުލާއި މަހާއި ފިޔަޔާއި ރޯމިރުހާއި އަޅައިގެން ކާށިކިރުގައި ކައްކާ ލައިގެން ކާ އެއްޗެއް. މި މަހާއި ތަރުކާރީގައިވެސް ކައްކައި އުޅެއެވެ
ކީމިޔާރޮށި
ނ ނާސްތާކުރަން ގެންގުޅޭ ވައްތަރަކު ރޮއްޓެއް މިއީ މަހާއި ފިޔަޔާ ލައިގެން ހަދާ ރޮއްޓެކެވެ
ކުނބުރުކަށިގަނޑު
ނ )ހ ( ފިޔަން ކަށިގަނޑު
ކުރަފަތްފިލާ
ނ ފަތްޕިލާ ވެލީގެ ބާވަތެއް މީގެ ފަތާއި ތޮޅި ހުންނަނީ ކުރަފަތް ތިލައެއް ހެންނެވެ މީގެ މަލުގެ ކުލައަކީ ރީނދޫކުލައެވެ މަލުގެ ފިޔަތައް ހުންނަނީ އެއްފަޅިއަކަށެވެ
ކުރެވި
ނ (1) ރިޔަލާއި ސަތަރިފަދަ އެއްޗެހީގެ އެމުނީގައި ހަރުކޮށްފައި އޮންނަ ވާ (2) ލޮލުގެ އެސްފިޔަ ފަޅައިފައި ހުންނަތަން (3) )ހ ( އަންނައުނުގެ ކަށިފަތީގެ އެންމެ ކައިރިފަށް
ކުރެދިފަނި
ނ މަދިރިހެން ލޭބޯ މެއްސެއް މިއީ ކުނަމެއްސެއްހައި ވަރުގެ އެއަށްވުރެ ތަންކޮޅެއް ފިޔަ ދިގު ބޯހުދު މެއްސެއް މި އުޅެނީ ރަށްރަށުގެ ގޮނޑުދޮށުގައެވެ
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުޅިފާރޮށި
ނ ހަރުފާރޮށި މުގުރައިގެން މިރުހާއި ފިޔައާއި ލުނބޯހުތާއި ރިހާކުރާ އެއްކޮށް މޮޑެފައި ހުންނަ ފާރޮށި
ކުކުޅުމާދޫނި
ނ ކަނޑުމަތީ ދޫންޏެއް މިއި ސިނައަސްދޫންޏާއި ވައްތަރުގޮތަކަށް ހަށިގަނޑު ފަލަކޮށް ގަދަފަދަކޮށް ހުންނަ ދޫންޏެކެވެ މީގެ ތުން ހުންނަނީ ބޮޑު ހޯގުޅާގެ ތުންހެން ކުރީކޮޅު ލެނބިފައެވެ މިދޫނީގެ ދެފިޔަ ހުޅުވައިލުމުން ވަރަފަތްބައިގެ މެދުތެރެއިން ހުދު ފަތްބަރިއެއް ފެނެއެވެ ބިސްއަޅާ އުމުރުގެ ދޫނީގެ ކުލައަކީ ގަދަދިހުން މުށިކުލައެވެ ބޮޑެތި ނުވާއިރު ކުލައަކީ ގަދަ އަޅިކުލައެވެ
ކުދިރަތްމާ
ނ ހަތަރު ފިޔަޔަށް ހުންނަ މަޑުރަތް ކުލައިގެ ކުދިމަލެއް މިއަޅާގަހުގެ ތަނޑުގަނޑު ހުންނާނީ ހަތަރު އަރިއެވެ
ކުލަހެދުން
ނ އެބައެއްގެ ޔުނިފޯމް ފިޔަވައި އެހެނިހެން ހެދުން
ކޮރުކޮކާ
ނ ކަޅުމުށިކުލައިގެ ވަރަށް ކުޑަކޮކާލެއް މީގެ ފިޔައިގައި ހަށިގަނޑާގުޅޭ ހިސާބު ހުންނާނީ ގަދަ ދަނބުކުލައެއްގައެވެ ފިޔައިގެ ވަރަށް ފަނޑުހުދު ތިކިތަކެއް ހުރެއެވެ
ކޮރުތަކުރުލަވަ
ނ ދަނޑިބެރާއި ދުންމާރީގެ ލަވައެއް މިއީ ހުކުރު ދުވަހު ހަތްފިޔަވަޅު ބެރުގެ ތިންބައި ލަވަ ތެރޭގައި ޖަހާ އުޅުނު ލަވައެކެވެ
ކޮކާ
ނ (1) ހަށިގަނޑު ކުޑަ ފިޔަގަނޑުބޮޑު އުދުހޭ ސޫތްޕެއް މިއުޅެނީ މާމަލުގެ ފޮނިބޮއިގެންނެވެ މީގެ ވަރަށް ގިނަ ވައްތަރު ހުރެއެވެ މީގެ ފިޔަގަނޑު ތަފާތު ކުލަކުލައިގައި ހުރެއެވެ (2) މޫދުގައި އުޅޭ ފަތިމަހެއް (3) ކޮކާލުގެ ސިފައިގައި ހަދައިގެން އެއްލާން ގެންގުޅޭ ބާވަތެއްގެ ގުޑިޔެއް (4) ބާވަތެއްގެ ބޮއްޔެއް
ކޮއްޔަ
ނ (1) )ޅ ( ފިޔަނުފަޅާ ޅަކާޅު (2) )ސ ( ކުއްޖާ
ކޮތަރު
ނ ދޫނީގެ ބާވަތެއް މިއީ ފައިކުރު ބޯކުޑަ ކަރުދޮށަށް ރީތި ކުލަކުލައަރާ ފިޔައިގެ ބާރުގަދަ ދޫންޏެކެވެ މިޢާންމުކޮށް ހުންނަނީ ހުދުކުލައިގައާއި މުށިކުލައިގައާއި އަޅިކުލައިގައެވެ
ކޮޓަފާޅި
ނ ގޭގެޔާއި ގުޅިގެން ފަނުން ނެރެފައިހުންނަ ތިރިކޮޓަރި ނުވަތަ ފިޔަފާޅިކޮޓަރި
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން