radheef.info
ރަދީފު


ފަޅައި
ނ )ބދ ( މޫދު
ފަޅައި
ނ )ބދ ( މޫދު
މަސްމުގުރާން
ނ އެމުގެ ބާވަތެއް. މިއީ ކަންފަތްގަނޑުގެ ދިގުމިން ބޮލުގެ ދިގުމިނާ އެއްވަރު ލޯބޮޑު އަނގަކުޑަ އެއްޗެކެވެ މިއެމުގެ މަތީ ކޮތަރިބަޔާއި ބަނޑުދޮށްފަރާތު ކޮތަރިބައިގައި ހުޅުނބު ފަޅައިފައި ހުންނާނެއެވެ މިއެމުގެ މަތީބައި ނޫވާނެއެވެ އަރިމަތި ރީނދޫވާނެއެވެ ލޮލުން ފެށިގެން ނިގޫފަތުގެ ބުޑާ ހަމައަށް ފުޅާފަށެއް ހުންނާނެއެވެ
މުތުނި
ނ (1) ކުރުކުރުގެ މަތީގައި ގަސްފަޅައިފައި ހުންނަތަން. (2) ކާށިގާނާއިރު ނާށީގެ ފުލުގައި ނުގޭނި އޮންނަ ތަންކޮޅު (3) ކަޅުބިލަމަހުގެ ސިކުނޑި (4) )ސ ( އޮށްޓަރެއް )ކުދިބަތް އޮށަށްވުރެ ބޮޑެތި ގަދައޮފެއް ހުންނަ އޮށްޓަރެއް
މުޑުވައްކުރުން
މ (1) މުޑުވައް އިންދައިގެން އެއިން ގަސްފަޅައި އެގަހުގެ އެންމެ ޅަދައުރު ދަންދެން ރަނގަޅަށް ބެލެހެއްޓުން (2) ކުކުޅުހާލާއި ގެރި ބަކަރި ފަދަ ބައެއް ސޫފާސޫފި ޖޯޑުކޮށްގެން ދަރިކޮޅެއް އުފެއްދުން
މޫ
ނ (1) ގަސްގަހާ ގެއްސާއި ވެޔޮވެލާވެލީގެ ބުޑުން ފަޅައިގެން ބިމުގެ ތެރެއަށް ދެމިފައިން ހުންނަ ބައި. (2) ގަހަށް ކާނާ ހޯދައިދިނުމާއި ގަސް ބިމުގައި ހިފިހުރުމުގެ ބާރެއްކަމުގައި ހިމެނޭ ބައި (3) ހަށިގަނޑުގައި އުފެދޭ ބަލިބަލީގައި މަސްގަނޑުގެ ތެރެއަށް ފެތުރެމުން ހެދެމުންދާ ރޮދިފަށްތަކެއްހެން ހުންނަބައި
މޫދުކައްޓަލަ
ނ މޫދު ކައްޗޭ. )މުޅި ގައިގައި ކަށިފަޅައިފައި މޫނުމަތި މާގަނޑެއްގެ ސިފައިގައި ހުންނަ ކަޅުކުލައިގެ ދިރޭ އެއްޗެއް( މިއުޅޭނީ މޫދުގައެވެ
މޫދުމައު
ނ މޫދުގެ ވެލިގަނޑު ތެރޭން ފަޅައިގެންހެދޭ މަލެއްގެ ސިފައިގައިހުންނަ އެއްޗެއް
ފަރުހަކި
ނ ފަޅުފަޅާއި ފަރުފަރާއި ކަނޑުގައި ހުންނަ ގާގަލުގައި ފަޅައިފައި ހުންނަ ރިނދަ
ފަތް
ނ (1) ގަހާއިވެޔޮ ހެދެމުންދާއިރު އޭގެ އަރިމަތިން ނުކުންނަމުން ދާ ތަނޑެއް ހުންނަ އެއްޗެއް. ގަސްގަހުގެ ހިޔާ އޮންނަނީ މީގެ ސަބަބުންނެވެ. މިވަރަށް ތަފާތު ގޮތްގޮތަށް ތަފާތު ކުލަކުލައިގައި ހުރެއެވެ. ޢާއްމުކޮށް ހުންނަނީ ފެހިކުލައިގައެވެ. (2) ބައެއްގަސް އުފެދިފައި ހުންނައިރު ގަސްގަނޑެއް ނެތި ބުޑުން ފަޅައިފައި ހުންނަ ތަފާތު ކުލަކުލައިގެ އެކި ސިފަޔަށް ހުންނަ އެއްޗެހި. (3) ދީނީ ގޮތުން ނުވަތަ ޤާނޫނީ ގޮތުން ލިޔެވޭ ބައެއް ޒާތުގެ ލިއުން. މިސާލު: ހިބަފަތް. އަތޮޅުވެރިކަމުގެ ފަތް. (4) ދޫންޏާއި ކުކުޅުހާފަދަ ތަކެތީގެ ފިޔައިގައްޔާއި މުޅިގައިގައި ފަޅައިފައި ހުންނަ އެއްޗެހި (5) މަޖާޒު: ބޮލުގައި ހުންނަ އިސްތަށި
ފަޑާލުން
މ )ޏ ( ފަޅައިލުން
ފެންފާޅުކުރެއްވުން
މ މާބަނޑުމީހާގެ ބަނޑުން ފެންބޭރުވުން މިއީ ވިހަންވެއްޖެކަމުގެ ޢަލާމަތެކެވެ މިފެނަކީ ކުއްޖާ އޮންނަ ދުލީގައި ހުންނަ ފެނެވެ ވަރަށް މަދު ފަހަރަކުނޫނީ މިދުލި ފަޅައިގެންދާނެއެވެ
ތޮށަލި
ނ (1) ރުކުގެފަން މެދުން ފަޅައިލައިފައި ފަންވަތްތައް އެއްވަތުމަތިން އަނެއްވަތު ދަށުން ނަގައި ވިޔެފައި ހުންނަ އެއްޗެއް މިއީ ގޭގޭގެ ބިތުގައި ޖެހުމަށާއި ފުރާޅުގައި ލުމަށް ބޭނުންކުރާ އެއްޗެކެވެ (2) ރުކުގެ ފަން މެދުން ފަޅައިލައިފައި ދެފަޅީގެ އޮށިގަނޑު ދެފަރާތަށް ހުންނަގޮތަށް ދެފަޅިއެއްކޮށް ވިޔެފައި ހުންނަ އެއްޗެއް މިއީ މަސް ބެހެއްޓުމަށް ވިޔެފައި ހުންނަ އެއްޗެކެވެ
ފިނދު
ނ (1) އާދަމުގެ ދަރިންނާއި ޖަނަވާރާއި ދޫނި ސޫފާސޫފީގެ ބޮޑުކަމު ނަޖިސް ނުކުންނަ ދޮރާއި ކުޑަކަމު ނަޖިސް ނުކުންނަ ދޮރު. (2) ތެލަނގަ އާއި މަޑިފަދަ އެއްޗެހީގެ ފަހަތުކޮޅުގައި ގުޅާނަގޫ. (3) އިންސާނުންނާއި ޖަނަވާރުގެ ފިނދުމަސްގަނޑު. (4) އެއްލާގުޑީގެ ތެރޭގައި ހިމެނޭ ވާލުގެ ފަހަތުކޮޅުން ދެފަޅިއަށް ފަޅައިފައި ހުންނަތަން. (5) ކުކުޅު ހާލާއި ދޫނީގެ ފިނދުފަތްގަނޑު.
ފިޔަދިގުވުން
ނ (1) ދޫނި ސޫފާސޫފީގެ ފިޔަފަޅައިގެން އުދުހޭ ވަރުވުން (2) ފިޔަ ކޮށައިފައި ހުންނަ އެއްޗެހީގެ ފިޔަފަޅައިގެން އުދުހެވޭ ވަރުވުން
ފީނި
ނ (1) އެއްބުޑަކަށް ފަޅައިފައި ހުންނަ ގިނަ ގަސްތައް. މިސާލު: )ހ( އޮނުފީނި )ށ( ކެޔޮފީނި (2) ކައިރި ކައިރިން ނިރު ނިކުމެގެން ހެދިފައި ހުންނަ ގަސްތައް (3) ފީނުން މިބަހުގެ ނިމިނިމުނުކަން
ފީނިވަރު
ނ އެއްތަނަކުން ބޮނޑިއަކަށް ފަޅައިގެން ހެދިފައި ހުންނަ އެއްވައްތަރެއްގެ ގަސްތައް
ފުނާބޮލި
ނ ފުނަލުގެ ދަތްހުންނަހެން ތިން އަރިމަތިން ދަތްތަކެއް ފަޅައިފައިހުންނަ ބޮއްޔެއް
ފޮށިފެޅުން
މ (1) މީހުންގެ ފޮށި ފަދަ ތަކެތި ފަޅައިގެން ވައްކަން ކުރުން. (2) މަޖާޒު: ފަށުވި ފަންނުގެ ތެރޭގައި ހިމެނޭ އަނެކެއްގެ އުފެއްދުމެއް ނުވަތަ އުފެއްދުމެއްގެ ބައެއް ތިމާގެ އަމިއްލަ އެއްޗެއްގެ ގޮތުގައި ބޭނުންކުރުން
ފޮނިލޯލި
ނ ބޭހަށް ބޭނުންކުރާ ކުދިވިނައެއް. މީގައިވަރަށް ކުދިކުދި މާތަކެއް އަޅައެވެ. ފަތް ކޮއްޗޭފަތާ އެއްގޮތެވެ. ނަމަވެސް މިފަތުގައި ބޯކޮށް ކެހެރި ފަޅައިފައި ހުރެއެވެ
ފޮޅުކަނޑައިގެން ދިއުން
މ ނަގާފައިވާ ނުވަތަ ލާފައިވާ ފޮޅެއް ފަޅައިގެން ދިއުން
ދަޅު
ނ (1) ޖަނަވާރުގެ ބޮލުން ފަޅައިފައިހުންނަ އެއްޗެއް މިއީ އަމިއްލަ ދިފާޢަށް ބޭނުންކުރާ ހަތިޔާރެކެވެ މިއެކިއެކި ސިފަސިފައިގައިހުރެއެވެ އެންމެ ޢާންމު ވައްތަރަކީ ކޮޅަށް ތޫނުކޮށް އުލެއްހެން ހުންނަދަޅެވެ މިޢާއްމުގޮތެއްގައި ފަޅަނީ ބޮލުގެ ދެފަރާތުންނެވެ (2) އެއްޗެހި އެޅުމަށް މަޢުދަނީ އެއްޗެހިން ނުވަތަ ޕްލާސްޓިކުން ހަދައިފައި ހުންނަ ކުދި ކަންވާރު މި އެކި ސިފަސިފައިގައިހުރެއެވެ (3) ބދ މޮޅު (4) މާބޮޑަށްވާހަރު