radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ބަހަނާދެއްކުން
މ (1) ތިމާ ބޭނުންގޮތާ އެއްގޮތަށް ކަމެއް އަނބުރާލަންވެގެން ވާހަކަދެއްކުން (2) ކަމަކުން ރެކެންވެގެން ސަބަބުދެއްކުން
ބަހަރުގައީ
ނ ފެންމަތީ ކުނބުގެ އެންމެދިރުބާކޮޅުން ނަވުގެ ދެފަރާތު ކަންކައްޓަށް ހުންނަވައިރު
ބަހީ
ކ ތިމާކުރާ ކަމެއްގައި އަނެކަކު ބައިވެރިކުރުމަށް ބުނެއުޅޭބަހެއް މިސާލު: ސައިބޮމާބަހީ
ބަހުންމެޓާކަމުންރެކޭ
މަޖާޒު: ކަމެއްކުރާން ބާރުލައި ފޮނިކަނޑައިފައި އެކަންކުރުމުން ދުރުވެގަންނަމީހާ
ބަށި
ނ (1) ތަރުކާރީގެ ބާވަތެއް. މީގެ ކިތަންމެ ބާވަތެއް ހުރެއެވެ. މިސާލު: ދަނބުބަށި ހުދުބަށި ދިގުބަށި (2) ފަނުން ހައަރިޔަށް ވިޔެގެން ތައްޔާރުކުރާ އެއްޗެއް )މިއީ އިހުޒަމާނުގައި އަންހެނުންގެ ޚާއްޞަ ކުޅިވަރެއް ކުޅުމަށްޓަކައި ފަނުން ވިޔާއެއްޗެކެވެ ( (3) ދިވެހި އަންހެނުން ކުޅެއުޅޭ ކުޅިވަރެއް
ބަނބު
ނ )ޅ ( (1) ބަނބުކެޔޮތޮޅި (2) އެންމެ ޅަ ބަނބުކެޔޮ
އިނގޭ
އ މީހަކު ގާތު އެއްޗެއް ބުނެފައި އެމައްޗަށް ޞުލްޙަވެރިކަމާއެކު ބުނެއުޅޭ ބަހެއް މިސާލު: )ހ( ކޮންމެވެސް އަންނާތި އިނގޭ )ށ( އަހަރެންވެސް ދާނަން އިނގޭ
އިނާމު
ނ (1) ރަނގަޅު ކަމެއްގެ ބަދަލުގައި ދޭހަދިޔާ (2) ކަމެއްކުރީމާދޭ ހަދިޔާ
އިންތިހާ
ނ (1) ކޮޅުނެތްކޮޅު (2) ކަމެއްގެންދެވޭން އޮތް އެންމެމަތީ ދަރަޖަ (3) އެކމެއްދާންއޮތް އެންމެދުރުހިސާބު
އިންތިޒާމު
ނ (1) ކަމެއް ބަލާން ވީގޮތަށް ބަލަހައްޓާ ބެލެހެއްޓުން (2) ތަރުތީބު ހަމަޖައްސައި ހަމަޖެއްސުން
އިންތިޒާމުކުރުން
މ (1) ކަމެއް ބަލާންވީގޮތަށް ބެލެހެއްޓުން (2) ތަރުތީބު ކުރުން (3) ކަމެއް ހަމަޖެއްސުން
އެތެރެފުށް
ނ (1) އެތެރެ ފަރާތް (2) މަޖާޒު: ކަމެއްގެ ޙަޤީޤަތް
އެތްދަތް
ނ އެތުގެ އަނގައިން ބޭރަށް ނުކުމެފައި ހުންނަދެދަތް މި ދެދަތް ހުންނާނީ ހޮނޑުގެ ދެފަރާތުން ފައިބައިފައެވެ
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެލާޗާ
ނ އެއްފުށުގައި ފަށުވި އަނެއްފުށުގައި އުއިލައިގެން ވިޔެފައި ހުންނަ ފޭރާމެއް
އެގާރަ
ނ (1) އެއްދިހައެކެއް (2) (11) ދިހަޔަކާ ބާރަޔާ ދެމެދުގެ ޢަދަދު
އެގްރީމެންޓް
ނ (1) ދެމީހަކު ނުވަތަ ދެބަޔަކު ނުވަތަ ދެދައުލަތެއް ކަމަކާމެދު އެއްބަސްވެފައި ލިޔެ ދެފަރާތުން ސޮއިކުރާ ލިޔުން (2) މުޢާހަދާ (3) އިޤްރާރުނާމާ
މ (1) މުޢާހަދާކުރުން (2) ދެމީހަކު ނުވަތަ ދެބަޔަކު ނުވަތަ ދެދައުލަތެއް ކަމަކަށް އެއްބަސްވެފައި ލިޔެ ދެފަރާތުން ޝޮއިކުރުން އެގްރީމެންޓްކުރުން
އެސްމައު
ނ އޮށްބޭހުގެ ތެރޭގައި ހިމެނޭ އެއްޗެއް. ވަށްކޮށް ފަތިކޮށް އެއްފަރާތަށް ކުޑަ ފުއްޕުމެއް ލައިފައި އަދި އެފުއްޕުމާ ދިމާއިން އަނެއްފަރާތުގައި ކުޑަ އަޑިކަމެއް ހުންނަ ހުދުކުލައިގެ ހަރު އެއްޗެއް އޭގެ ކައިރިފަށުގައި ދެފަޅި ތަތްކޮށްފައި ހުންނަ ކަހަލަ ގޮތެއް ހުންނާނެއެވެ އަދި ގޭނީމާ ތެރަސްކަންވެސް ހުންނާނެއެވެ
އެޑްރެސް
ނ (1) ހުންނަ ތަން. (2) މީހަކު ނުވަތަ އެއްޗެއް ހުންނަ ތަން. (3) ސިޓީއާއި ޕާރސަލް ފަދައެއްޗެހީގެ ބޭރުގައި އެއެއްޗެއް ފޮނުވަންވީތަން އަންގައި ދިނުމަށް ލިޔެފައި އޮންނަ ލިއުން (4) ޚުޠުބަތުލް އަރުޝި (5) ޚާއްޞަ މުނާސަބަތެއްގައި ނުވަތަ ޚާއްޞަ ގޮތެއްގައި އެއްވެފައި ތިބި ބަޔަކަށް ދިނުމަށް ތައްޔާރުކޮށްފައިވާ ތަޤްރީރު (6) މީހަކު ކުޅަ މޮޅު ކަމެއްގެ މުނާ ސަބުތުގައި އޭނާއަށް ފޮނުވާ ޝުކުރާއި މުބާރިކްބާދީގެ ލިޔުން (7) މީހަކު ތަނަކަށް ދިއުމުން އޭނާއަށް ކިޔާ މަރުޙަބާ