radheef.info
ރަދީފު


މޫނު
ނ ބޮލުގެ އިސްތަށި ފެޅި ހިސާބުން ދަތްދޮޅީގެ ދަށާ ދެކަންފަތުގެ ދެމެދުގައިވާ ހިސާބު
ދޮޅިޖެހުން
މ ހަމައެކަނި މޫނު ފެންނަގޮތަށް ނަމާދުފޮށާ ބޮލުގައި އެޅޭނެގޮތް ހެދުމަށްޓަކައި ދަތްދޮޅިއާ ހަމައިން ތިރިއަށް ތަންކޮޅެއް ފަހައިލުން ނުވަތަ ދަތްދޮޅިން ފެށިގެން ތިރިއަށް ފަހައިލުން
ފުށްޖަހާމާ
ނ (1) މޫނުގައި ފުށްޖެހުމަށް ހަދަިއފައި ހުންނަ މާ (2) މަޖާޒު: ރީތި އަންހެނުން ނުވަތަ ރީތި ފިރިހެނުން
ފުށްޖެހުން
މ (1) މޫނުގައި ނުވަތަ ގައިގައި ފުށްހޭކުން. (2) ފުށް އެރުން
ފުރަމޭވުން
މ މޫނުބޯވެ ބަނޑުބޮޑުވެ މުޅިމީހާ ރީނދޫވުން
ފުއްވުން
މ (1) މަޢުދަނީ ތަކެތިން ހަދާގެވެހި ކަންވާރުތަކާއި ގަހަނާތަކުގެ ކުރެހުންތައް އުސްކޮށް ހުންނާނެހެން ބެހެއްޓުން (2) ތައްގަނޑަކަށް އޮއްބައިގެން ފުފޭގޮތް ހެދުން (3) ބޮޑާހޭކުން (4) ތިމާ ރުޅި އައުމުން ކަންބޮޑުވާ ފަދަ ފަރާތަކަށް މާބޮޑަށް ނުރުހުމުގެ ކުލަ މޫނުމަތިން ދެއްކުން
ފުފުން
މ (1) އެއްޗަކަށް ވައިޖެހުމުގެ ސަބަބުން އެ އެއްޗެއް ބޮޑުވުން. (2) ކާއެއްޗެހި ފިހުމަށް ފުށްގަނޑު މޮޑޭއިރު އަޅާ އެއްޗެއްގެ ސަބަބުން އެ އެއްޗެއް ފިހެވެމުން ދާއިރު އުފުލުން. (3) ދިރޭ އެއްޗެއް މަރުވެގެން ގިނައިރުވުމުން ފިލުނދުވެގެން ބޮޑުވުން. (4) ހައްޔަރުގައި އިނުމުގެ ސަބަބުން ނުވަތަ ގިނައިން ކެއުމުގެ ސަބަބުން ބަނޑު ބޮޑުވުން (5) މަޖާޒު: ރުޅި ގަދަވެގެންގޮސް ރުޅީގެ އަސަރު މޫނުމަތިން ފާޅުވުން
ފުސްމޫނުހެދުން
މ ނުރުހުމާއި ފޫހިކަމުގެ އަސަރު މޫނުމަތިން ދެއްކުން
ފެށުން
މ (1) އަޒަލު (2) ކަމެއްގެ ޙަރަކާތް ހިނގައިގަތުން (3) "ނިމުން" މިބަހުގެ އިދިކޮޅު (4) ކަމަކަށް އިސްނެގުން (5) ޖަލްސާ ކޮންފަރެންސް ފަދަ ތަންތަން ހުޅުވުން (6) މަޒުމޫނު ބަޔާން ފަދަ ތަކެތީގެ ތަޢާރުފު
ފޮންޏެއްދިނުން
މ )ހ ( (1) ދޮނެއްދިނުން (2) ކުޑަކުދިންގެ މޫނުގާ ލޯބިން ވަސްގަތުން (3) ހަނދުވައިލުން
ފޮޅުން
މ (1) މާމަލުގެ ފިޔަތައް ހުޅުވުން. (2) ގޮވާމާއި ހަވާދު ފަދަ ތަކެތީގެ ކުނޑި ފިލުވުމަށް ނުވަތަ އޭގެ އެކިއެކި ބައިބައި ވަކިކުރުމަށް ބަތްޕޮޅި ނުވަތަ ދޮލަނގެއް ފަދަ އެއްޗަކަށް އަޅައިގެން ވަކިގޮތަކަށް ޙަރަކާތްކުރުން (3) ތަނެއްގައި ހުރި ހިރަފުހާއި މަކުނުވާ ފަދަ އެއްޗިހި ފޮތިގަނޑެއް ނުވަތަ އެނޫންވެސް އެއްޗަކުން ތަޅައިގެން ސާފުކުރުން (4) ހަނާކުރާއިރު ގޮވާމުގައި މާޖެހުން (5) ތަންތަނުން ދަވާދު ދަބަރު ފަދަ އެއްޗިހި އުފުލި ކެނޑިކެނޑިގެން ނެއްޓުން (6) އެކިއެކި ގޮތްގޮތް ދިމާވެގެން ގައިގެ ހަން ތޮށިތަކެއްހެން ނެއްޓެމުން ދިއުން (7) ތަނަކަށް އެޅިފައި ނުވަތަ ތަނެއްގައި ހަރުލައިފައި ހުންނަފެން އަތުގެ ނުވަތަ އެނޫންވެސް އެއްޗެއްގެ ޙަރަކާތުން ބުރުވައިލުން (8) ނޭފަތުގައި ހުންނަ އަރިދަފުސް ނެރެ ސާފުކޮށްލުން (9) މަޖާޒު: އުފަލުން ގޮސް މޫނުމަތި އުޖާލެވެގެން ދިއުން
ފޮއްސި
ނ މޫނު ނުވަތަ މުޅިމީހާ ދުޅަވެފައި ހުންނަހެން ފެންނަގޮތަށް ބޯވެފައި ހުންނަ ހުރުން
ފޮއްސިވުން
މ (1) މޫނު ނުވަތަ މުޅި ހަށިގަނޑު ވަކިގޮތަކަށް ދުޅަވެފައި ނުވަތަ ބޯވެފައި ހުރުން
ފޮޓޯމަޒުމޫނު
ނ ފޮޓޯއިން ކަމެއް ސިފަކޮށްދީ ނުވަތަ ބުނެދީފައިވާ މަޒުމޫނު
ދީދާރު
ނ (1) ސޫރަ (2) ސިފަ (3) މޫނު
ދެކުނުފަރާތް
ނ (1) އިރުމައްޗަށް މޫނުލައިގެން ހުންނަމީހާގެ ކަނާތް ފަރާތް. (2) އިރުހިނގާ ދަނޑިން ނުވަތަ ރަށެއްގެ ނިސްބަތުގައި ދެކުނަށް އޮންނަތަން (3) މަޖާޒު: އިހުގައި ގޭގޭގައި އަންހެނުން އުޅޭ ފަރާތް
ދޮން
ނ (1) ކުލައެއްގެނަން )މަޑުރީނދޫކުލަ( (2) ބައެއްކަހަލަ މޭވާ ދޮންވީމާ ހުންނަ ކުލަ (3) މީހުންނަށް ނިސްބަތް ކުރާއިރު ކަޅުގެ އިދިކޮޅު (4) މީހުންގެ މޫނުގައިދޭ ބޮސް (5) ބައެއް މޭވާ ހަރުވެގެންވާ ފައްކާ (6) މަޢުދަނީ ތަކެތި މާބޮޑަށް ވާހޫނު
ދޮންދިނުން
މ (1) މޫނުގައި ނުވަތަ ހަށިގަނޑުގެ އެހެންވެސް ތަނެއްގައި ބޮސް ދިނުން (2) ހެނދުވުން
ތަކަހޮޅި
ނ ގަނޑުވަރުތެރޭ އަންހެން ބޭފުޅުންގެ ފައިންޕުޅުގައި ތުރުކުރައްވާ ރަނުގެ ގަހަނާއެއް. މި ހަދައިފައި ހުންނަނީ ކުރެހުން އެޅި މޫނުމައްޗެއް ލައިފައި މަލެއްގެ ސިފައަށް ހަދައިފައި ހުންނައެއްޗިހިން ގަތައިފައެވެ
ތޫނުފިލި
ނއ (1) ކަޅިރަވައާއި މޫނުމަތި ރީތި (2) މޫނުމަތީގައި މީހުންގެ ހިތްދަމައިގަތުމުގެ ބާރުހުރި
ތޫނުފިލިކަން
ނއނ (1) ކަޅިރަވައާއި މޫނުމަތި ރީތިކަން (2) މޫނުމަތީގައި އަނެކުންގެ ހިތްދަމައިގަތުމުގެ ބާރުހުންނަކަން