radheef.info
ރަދީފު


މިހެން
އ (1) މިގޮތަށް (2) މިވައްތަރަށް (3) މިފާޑަށް (4) މިފަދައިން (5) މިމަގުން (6) މިލެކުން (7) މިޒާތަށް (8) މިސިފައަށް (9) "އެހެން" މިބަހުގެ އިދިކޮޅު
އެދުރުބޭކަލުން
ނ (1) އެދުރުންނަށް މާތްކޮށް ކިޔާގޮތް ޚާއްޞަކޮށް މިހެންކިޔައިއުޅެނީ ކޮށިކޮށީގެ އެދުރުންނާ މެދުގައެވެ (2) ކަންތަކަށް ކުޅަދާނަމީހާ
އޮއި
ނ (1) ކަނޑާއި މޫދު ފަދަ ތަންތާގެ ލޮނުގަނޑު ނުވަތަ ފެންގަނޑު ކޮންމެވެސް އެއްކޮޅަކަށް ދެމޭދެމުން (2) މިދެމޭ ބާރު އާހުގައި ހިނގާ މިފަދަ ބާރަކަށްވެސް މިހެން ކިޔައެވެ
އޮއްސުން
މ (1) އިރު ހަނދު ތަރި ވިލާފަދަ އުޑުމަތިން ފެންނަ ތަކެތި އުދަރެހާ އެޅި ނުފެންނަގޮތްވުން. (2) ގޮސް އަނބުރާ ނުފެންނާނޭ ގޮތެއްގައި އަނބުރައިލުން. (3) ރުއް ގިނަދުވަސްވެގެންގޮސް އެއްޗެއް ނުގަންނަގޮތްވުން މިހެން ވީމާ ކިޔަނީ "ކުރިއޮއްސުމެ"ވެ (4) މަޖާޒު: މީހަކު އަނބުރާ އަންނާން ތާކަށް ގޮސްފައި ދެން ނައުން (5) މީހަކު އަލުން ކުރިނާރާ ގޮތުގައި ދަށަށް ދިއުން
އޮޑިބަންބޮނޑި
ނ މަޖާޒު: ރިހާކުރު ބޮނޑިއެއް މިބޮނޑިއަށްވާގޮތަކީ ފަޅަން އުޅެހަރުކަމުން އަތުން ނުފެޅިގެން ނުކައި ބާއްވަނީއެވެ ދެން އޮންނަ ކެއުމުގެ ވަގުތުގައިވެސް ހަމައެބޮނޑި ނަގާނެއެވެ ނަމަވެސް އެފަހަރުވެސް ނުކެވިގެން ބާއްވަނީއެވެ މިހެންގޮސް އެތައް ދުވަހެއް ވާއިރުވެސް )އޮޑި ބަނދެނިމޭ އިރުވެސް( ބޮނޑިއޮތް ގޮތަށް އޮންނަނީއެވެ
)މީހަކަށް ގޮވުން( އޯލުން
މ )ޏ ސ ( "އޯތް" މިހެން ބުނުން
ވަޅުގަނޑަކަށްވެއްޓުން
މަޖާޒު: މީހަކު ނުރައްކާތެރިކަމަކަށް ހުރަހެޅުން މިހެންބުނެއުޅެނީ އެމީހަކަށް އިންޒާރުކުރުމުގައި ދޭ މިސާލެއްގެ ގޮތުންނެވެ
ވަޅުޖެހުން
މ (1) ފޭހިފައިވާ ދަގަނޑެއް ކުރައްޖެއްފަދަ އެއްޗެއް ބިމަށް ހަރައިގެން ވަޅެއް ހެދުން. މިކަމަށް ވަޅުހެރުން މިހެންވެސް ކިޔައެވެ. (2) ބިމުގައި ފޮރުވިލާވަރަށް ވަޅުލެވުން. (3) މަޖާޒު: ކަމެއް ކުރާންވެގެން ވާހަކަ ދައްކައިލައިފައި ވީނުވީގޮތެއް ނޭނގި އެކަމެއް ހުއްޓުން
ވަކަރުލުން
މ ނިރޮޅުގައި އާރުލުން ފެންފޯއްރުކާއި ކަށިކެޔޮގަހާއި އޮނުފަދަ އެއްޗިހީގެ އާރުލުމަށްވެސް މިހެންކިޔައެވެ
)މުސްކުޅިބަހެއް( މިހެން ބުނެއުޅެނީ ޝަރިޔަތުގައި ކޮންމެ އެއްފަރާތަކަށް ބުރަވާގޮތަށް ނިޔާ ކަނޑައެޅިއްޖެކަމަށް ހީވީމައެވެ ވަކަރުގަނޑު މާވަޑިޔާ ހިތެކެވެ ނިޔާ ފަނޑިޔާރާ ހިތެކެވެ
ވައިއެނބުރުން
މ (1) ޖެހޭވައި އެކިދިމަދިމާއަށް ބަދަލުވުން މިހެންވަނީ ދެމޫސުން ބެދޭ ދުވަސް ވަރަށެވެ (2) މަޖާޒު: ކަމެއްރާވާގޮތް ނޫން އެހެން ގޮތަކަށް ބަދަލުވުން
ވައިދިނުން
މ ވިހާން ބަނޑުގައި ރިހޭމީހާ ވޭންވަރު ފިލުވުން ބައެއް ޖަނަވާރާ މެދުވެސް މިބަސް މިހެން ބުނެއެވެ
ވައްބަހުންޖެހުން
މ މީހަކު ކުރާ ކަމަކާއިމެދު އެހެން މީހުންނަށް އެކަމެއް އޮޅުން ނުފިލާނޭ ގޮތަކަށް އެމީހާއާއި ދިމާއަށް އެއްޗެއް ބުނުން މިހެން ގިނައިން ބުނަނީ އެމީހާ އާއި ދިމާޔަށް ބުނިއެއްޗެއް ނޫންކަމަށް ހަދައިފައެވެ
ވައްކަކުޅު
ނ )ގ.( (1) ވައްފުފުޅި މިބަސް "ވައްކަކޮޅެ" މިހެންވެސް ކިޔައެވެ (2) ދޮންދޫނީގެ ތެރޭގައި ފިޔައިގައި ކަޅުތިކެއްޖަހައިފައި ހުންނަ ވައްތަރުގެ ދޮންދޫނި
ވަދެފުރޮޅިދިއުން
މ ކުޅިޖެހުމުގެ ތެރޭގައި ދެމީހުންގެ ދެކަނޑީގެ ނުވަތަ ދެ ލޮންސީގެ ކުރީކޮޅު ޖައްސައިގެން ތިބެ އޭގެ ދަށުން ދިއުން ހިފުމުގެ ތެރޭގައި ކަކާތައް އަރައި ފުރޮޅެންކުރާ ޙަރަކާތަކަށްވެސް މިހެން ކިޔައެވެ
ވަދެގަތުން
މ (1) )ވެދެގަތުން( ކުޅިޖަހަން ނުކުތުމަށްޓަކައި ކަނޑި ނުވަތަ ލޮންސި ފަދަ އެއްޗެއް ހިފައިގެން ފަސްގަނޑަށް ނުކުމެ ކުރުނީސް ކުރުން. ހިފުމުގެ ތެރޭގައި ކުރާ ކަމަކަށްވެސް މިހެން ކިޔައެވެ. (2) ތަނަކަށް ނުވަތަ ކަމެއްގެ ތެރެއަށް ގަދަކަމުން ނޫންނަމަ ކުއްލި ގޮތަކަށް ވަނުން (3) ތިމާއާ ނުބެހޭކަމެއްގެ ތެރެއަށް ވަނުން
ވިއާއްދަ
ނ ވިއާގި މިބަހަށް ވިޔާގި މިހެންވެސް ކިޔައެވެ
ވިލޭރޭ
ނ ދުވަސްވަންނަރޭ. )ދުވަހަށްފެށޭރޭ( މިސާލު: ހުކުރުވިލޭރޭ ހޯމަވިލޭރޭ އަދި ޚާއްޞަ ރޭރެއަށްވެސް މިހެން ކިޔައެވެ މިސާލު: ހިތިވިލޭރޭ
ވެލިމަށި
ނ މޫދުގައި ހެދޭ ހުދުކުލައިގެ ވެލިގަހެއް. މިގަސް ހެދެނީ ވެލަށްދެމޭ ގޮތަށެވެ މިގަހުގެ ފަތަކަށް ހުންނަނީ ވެލި ފޮއްޗެވެ މިގަހަށް "ވެލިފޮތި ގަސް" މިހެންވެސް ކިއައެވެ
މަރަށްތެޅުން
މ (1) މީހެއް ނުވަތަ އެއްޗެއް ފުރާނަދާވަގުތު ލިބޭ ވޭނެއްގެ ސަބަބުން ތެޅޭ ތެޅުން. (2) ލިބޭ ހާނީއްކައެއްގެ ސަބަބުން ފުރާނަދާއިރު ތެޅޭ ތެޅުން. (3) މަޖާޒު: ކަމަކަށް އަވަސް އަރައިގަނެގެން އުޅޭ އުޅުން. )މިހެން ބުނެ އުޅެނީ ކަމެއް ބޭނުންވެގެން އުޅުމުގައި މާބޮޑަށް ކެތްތެރިކަން ކުޑަވެގެން އުޅުމަށެވެ
މަރާބާޑި
ނ ތަޅާފޮޅުން )ތަޅާފޮޅުމުގެ ކުޅިވަރަކަށްވެސް މިހެން ކިޔައެވެ