radheef.info
ރަދީފު


މަދު
ނ (1) ގިނައިގެ އިދިކޮޅު (2) ލުއި (3) ކުޑަ (4) ބައެއްފާޑުގެ ގަސްގަނޑާއި ގޮފީގެ އެތެރޭގައި ހުންނަ މަޑުބައި (5) ކަށީގެ އެތެރޭގައި ހުންނަ މަޑުބައި (6) ބައެއް ބާވަތުގެ އޮށުގެ އެތެރޭގައި ހުންނަ މަޑުބައި (7) އުނި މިބަހުގެ އެއްވަނަ ދެވަނަ މާނަބަލާ! (8) މިދިލިގަހުގެ މޭވާ
އަޅައިކެނޑުން
މ (1) ލޭން ދޭނުގެ ހިސާބުގައި އަރަނީން ދަރަނި ކަނޑައިލުން (2) ގިނައަދަދަކުން މަދު އަދަދެއް ކަނޑައިލުން
އަކުނިވައި
ނ ލޭމަދުވުމުގެ ސަބަބުން ހެދޭ ހޫނުވަޔަކުން އަރާ ބާވަތެއްގެ ތަދެއް މިތަދު އެރީމާ އެތަނެއްގައި ހުންނަމަހާއި ނާރުތައް އެއްފަރާތަކަށް ދެމި ހަރުވާގޮތްވެއެވެ
އަތްމަތިދަތި
ނއ (1) ދިރިއުޅުންދަތި (2) ފައިސާމަދު
އަތްދަތި
ނ (1) އަތްމަތީދަތި (2) ނއ އަތުގައި ފައިސާމަދު
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އަޑިވުން
މ (1) ހަމަތަނަށްވުރެ ތިރިވުން (2) އެއްޗަކަށް އަޅާފައިހުރި އެއްޗެއް މަދުވުން
އަޝްރަފުލް މަޚްލޫޤާތު
ނ (1) ހުރިހާ މަޚްލޫޤުން ކުރެ އެންމެމާތް މަޚްލޫޤުން (2) އިންސާނުން (3) ސަލާމާއި ޞަލަވާތްލެއްވި މުޙައްމަދު ނަބީ ކަލޭގެފާނު
އިރުވައިކަންޒޫރި
ނ އިރުވައި ބަޑިހެލީމާ ކިޔަވާ ކަންޒޫރި މިކިޔަވަނީ ބަޑިހެލުމަށްފަހު އަންނަ ފުރަތަމަ ހުކުރު ދުވަހު މެދު ޒިޔާރަތް ދޮށުގައި ދެންއަންނަ ހޯމަދުވަހު ލޮނުޒިޔާރަތް ދޮށުގައި ބޮޑުކިޔެވެނީންނެވެ މިކިޔަވާ މީހުންނަށް ކެއުން އޮވެއެވެ
އިއްޔެގެމެންދުރުގެކުދިން
ނ ޒުވާންކުދިން މިހެން ބުނެ އުޅެނީ ދުވަސްވީ މީހުން އެއަށްވުރެ ދުވަސް މަދު މީހުންނާ މެދުގައެވެ
އިތުރުކަލޭގެފާނު
ނ ސަލާމާއި ޞަލަވާތްލެއްވި މުޙައްމަދުނަބީ ކަލޭގެފާނު
އިސްކޫލް
ނ މަދުރަސާ
އިސްކޫލްފޮތް
ނ މަދުރަސާ ކުދިން ލިޔެ ހިސާބުޖަހާން ގެންގުޅޭ ފޮތް މިފޮތުގައި ހުންނާނީ 04 ޞަފުޙާ ނުވަތަ 08 ޞަފުޙާއެވެ
އިސްލާންދީން
ނ އީމާންކަމުގެ ގޮތުން މާތްﷲ ގެ އެއްކައުވަންތަކަން ޤަބޫލުކޮށް އެކަލާނގެ ކިބަފުޅަށް ކިޔަމަންވެގެން ތިބޭމީހުންގެ ދީން މިހާރު މިބަސް ގިނައިން ބޭނުންކުރަނީ ސަލާމާއި ޞަލަވާތްލެއްވި މުހައްމަދުގެފާނުންގެ ދީނަށެވެ
އިސްޕަންޖުކޭކު
ނ (1) ކޭކުގެ ބާވަތެއް (2) ބަޓަރު ނުވަތަ މާޖިރީން ފަދަ އެއްޗެއް ނާޅައި ނުވަތަ މިއިން ބާވަތެއް ވަރަށް މަދުން އަޅައިގެން ހަދާ އިސްޕަންޖު ގޮތަށް ހުންނަ ލުއިލުއި ކޭކޭއް
އުނި
ނއ (1) ގިނަމިނުންމަދު (2) ފުރިހަމަނޫން (3) ނ މީރުވަސް ދުވާ ހުދުކުލައިގެ އަށްފިޔަ މަލެއްއަޅާ ރާއްޖޭގެ މަޝްހޫރުގަހެއް (4) މިގަހުގެ ލަކުޑި
އުނިކުރުން
މ (1) މަދުކުރުން (2) ކުޑަކުރުން
އެންދެރި
ނ ކަނޑުގައިހެދޭ ފަތް ނުހުންނަ ކަޅުކުލައިގެ ގަހެއް. މިގަހުގައި މުތްހުންނަ އިތާވެސް ހުރެއެވެ. ވަރަށް މަދުމަދުން މީގެ ހުދުކުލައިގެ ގަސްވެސްހުރެއެވެ. މީގެ ލަކުޑިއަކީ ވަރަށް އަގުހުރި ތަދުއެއްޗެކެވެ
އެކަތިގަނޑަށްވުން
މ (1) އެކައްޗަކަށްވުން (2) މާބޮޑަށް އެކުވެރިވުން (3) އަންނައުނު މަދުވަމުން ގޮސް އެންމެ ހެދުމަކަށްވުން
އެކުނި
ނއ ދިވެހީންގެ ގުނުމުގައި ޢަދަދުކިޔާއިރު ފައްސިހި ތިންދޮޅަސް ފަނަސް ފަސްދޮޅަސް ފާނހިތި މިއިންކޮންމެ ޢަދަދަކަށް އެކެއްމަދުވީމާ ކިޔާގޮތް. މިސާލު: އެކުނި ފައްސިހި އެކުނި ތިންދޮޅަސް
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ