radheef.info
ރަދީފު


ވ
ތާނައިގެ ނުވަވަނަ އަކުރު
ހަނޑޫ
ނ ގޮވާމުގެ ބާވަތެއް މިއާއްމު ގޮތެއްގައި ބޭނުންކުރަނީ ބަތްކައްކާށެވެ
ހަނޑޫކަނޑާމޯ
ނ ވަނަށް އަޅައިގެން ހަނޑޫތަޅަން ގެންގުޅޭ އެތި މިހުންނަނީ ދެކޮޅު ފަލަކޮށް މެދުގައި ހިފާތަން ހިމަކޮށް ކުރެދިންލިޔެފައެވެ
ހަނޑޫކެނޑުން
މ ހަނޑޫވަނަކަށް އަޅައިގެން މޯލުންތަޅައި ސާފުކުރުން
ހަނޑޫފޮޅުން
މ ބަތްޕޮޅިއަކަށް އަޅައިގެން ހަނޑުލުގެ ކުނޑިއާއި ނިޔާއި ބުރި ހަނޑުލާއި މޫހަނޑޫލާ ވަކިވާގޮތް ހެދުން
ހަނަ އަނބުރައިލުން
މ ތަޅައިގަތްގަތުން ކުއްޖެއް ނުވަތަ މީހެއް ނުވަތަ އެއްޗެއްގެ ދުވަސް ދުއްވައިލުން
ހަނަފަސް
ނ (1) ދޫވެލިގަނޑު (2) ތެތްކަމެއްނުވާ ހިކިފަސް
ހަނަފަސްބިން
ނ (1) ވެލިގަނޑު ދޫކޮށް ހުންނަބިން (2) ތެތްކަމެއްނުވާ ހިކިފަހުން ހެދިފައިވާބިން (3) ގަސްހެދުމުގެ ބާރު ނުހުންނަ ތެތްކަންނެތް މަޑު ފަސްގަނޑު
ހަނަފަސްކަން
ނއނ (1) ފަސްގަނޑު ދޫވާކަން (2) ތެތްކަމެއްނެތި ފަސްހިކޭކަން
ހަނަފަސްވުން
މ (1) ފަސްގަނޑު ދޫވުން (2) ތެތްކަމެއްނެތި ފަސްހިކުން
ހަނާ
ނ (1) އަލިފާނުގެ ހޫނުން ތަކެތި ކުރާ މުރަނަ. (2) ހަވާދުލައިގެން ހިކިކޮށް މަސްހަދާގޮތް. (3) ފުރާނަހުރި އެއްޗެހި ކޮންމެވެސް ހޫނަކުން ނުވަތަ ބަނޑުހައި ކަމުގެ ސަބަބުން ވާ މަރު ނުވަތަ މަރުވުމާ ކައިރިވާވުން (4) ދުރުގައި ހުރެގެން ކައިރިޔަށް އައުމަށް ކުރާ އިޝާރާތް
ހަނާހުނިވުން
މ (1) ކުދިކުދިވުން (2) މާބޮޑަށް އަނިޔާވުން
ހަނާކަފަ
ނ ކަފައިގެ ބާވަތެއް މިކަފަ އޮށްކަފަޔަށްވުރެ އޮށް މަދުވެފައި ފިލުވަން ފަސޭހަވާނެއެވެ މިގަހުގެ ފަތްވެސް އޮށްކަފަ ފަތަށްވުރެ ކުދިވާނެއެވެ
ހަނާކުރިހަވާދު
ނ ހަނާކޮށްފައިހުރި ހަވާދު
ހަނާކުރިމަސް
ނ ކޮތަނބިރި ދަވިއްގަނދު ދިރި ހިކިމިރުސް އަސޭމިރުސް ފޮނިތޮށި ކާފޫރުތޮޅި ނާނދާ ވަރަށް ހަނާކޮށްގެން މުގުރައި މިހަވާދުލައިގެން ކައްކާ މަސް
ހަނާކުރިފޯއް
ނ ފޯއް ކޮށައި އަވީލައި މުރަނަވީމާ އުނދުންމައްޗަށް އުދައިގެން މުރަނަކޮށްފައި ހުންނަ ފޯއް
ހަނާކުރުން
މ (1) ހިކިތަވާގައި އަލިފާނުގެ ހޫނުން ތަކެތި މުރަނަކުރުން. (2) ކޮތަނބިރި ހަވާދު ދަވައި ހިމުންކޮށްގެން ހިކިކޮށް މަހުގައި ރިހަކެއްކުން
ހަނާއެޅުން
މ (1) އަތްތިލައިން ނުވަތަ އިނގިލިތަކުން އަންނާން އެންގުން (2) އަތުގައި އޮތް ކޮންމެވެސް އެއްޗަކުން މިފަދަ އިޝާރާތެއްކުރުން
ހަނާވުން
މ (1) ހިކިތަވާގައި އަލިފާނުގެ ހޫނުން ތަކެތި މުރަނަވުން (2) މަޖާޒު: ފުރާނަހުރި އެއްޗެއްސަށް މަރުވުންފަދަ ގެއްލުން ލިބުން
ހަނި
ނ (1) ތަނަވަސްކަން ކުޑަ (2) ފުޅާމިން ކުޑަ މިސާލު: މިއީ ކާރަކަށް ދެވޭ ވަރަށް ވުރެވެސް ހަނި މަގެކެވެ (3) ފުޅަލުގެ އިދިކޮޅު
ހަނިހަނި
ނ (1) އެހެން މީހުންނަށް ނޭނގޭ ގޮތަށް އަންގާއެންގުން (2) ވަރަށް ހަނި