radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
ހިތްގަދަކަން
ނއނ (1) އަނެކާއަށް ލިބޭ ހިތާމައަކުން ނުވަތަ ހާނީއްކައަކުން އަސަރު ނުކުރާކަން (2) ކޮންމެ ފަދަ ކަމެއް ކުރުމަށްވެސް ޖެހިލުން ނުވާކަން
ހިތްގަދަވުން
މ (1) އަނެކާއަށްލިބޭ ހިތާމައަކުން ނުވަތަ ހާނީއްކަ އަކުން އަސަރު ކުރާގޮތްނެތުން (2) ކޮންމެފަދަ ކަމެއް ކުރުމަށްވެސް ޖެހިލުންނުވުން
ހިލަ
ނ (1) ޤުދުރަތީގޮތުން ބިމުގައި އުފެދޭ މަޢްދަނީ ހަރުއެއްޗެއް މީގެ ކިތަންމެ ބާވަތެއް ހުރެއެވެ ގިނަބާވަތް ބާވަތް ގަލަށްވުރެން ހަރުވެފައި ބަރެވެ މީގެ ބައެއް ޒާތްޒާތަކީ ނުހަނު އަގުބޮޑު އެއްޗިއްސެވެ ބާވަތްބާވަތުގެ ޖަވާހިރަކީވެސް ހިލައިގެ ތެރެއިން ހިމެނޭ އެއްޗެއްސެވެ (2) ބައެއް ފަރުބަދަ އުފެދިފައި ހުންނަ މާއްދާ (3) ހަށިގަނޑުގެ ތެރޭގެ ގުރުދާފަދަތަންތާގައި އުފެދޭ ކަށިނޫން ހަރުއެތިކޮޅުކޮޅު
ހިލަކަރުދާސް
ނ ލަކުޑިއާއި މަޢުދަނީ ތަކެއްޗާއި އެނޫންވެސް ބައެއް ތަކެތި އޮމާންކުރަން ގެންގުޅޭ އެއްފުށް ރާޅުކޮށް ހަދައިފައި ހުންނަ ކަރުދާހެއް
ހިލަކިހުނު
ނ ބައްޔެއްގެ ނަން. މިބަލީގައި ކުޑަކަމުދިއުން ދަތިވެ ބަނޑުގައިރިހި ކުރިމަތި ފަރާތުން ހިލަ ނުވަތަ ވެލިކަހަލަ އެއްޗެއް އަންނާނެއެވެ. އަޞްލުގައި ކިހުނުބައްޔާއި ހިލަ އުފެދޭ ބައްޔާއި މާބޮޑުގުޅުމެއް ނޯވެއެވެ ނަމަވެސް ދެބަލީގައިމެ އަވަސް އަވަހަށް ކުޑަކަމުދާން ޖެހިފައި ކުޑަކަމުދާއިރު ތަދުވާގޮތްވާތީ ހިލަކިހުނޭ ކިޔާފައިވަނީއެވެ
ހިލާލީދަރިކޮޅު
ނ ރާއްޖޭގައި ރަސްކަން ކުރި 7 އާއިލާގެ ތެރެއިން 3 ވަނަ އަށް ރަސްކަންކުރި ދަރިކޮޅު މިދަރިކޮޅަށް "ބަދުރުއްދީން" ދަރިކޮޅޭވެސް ކިޔައެވެ މިދަރިކޮޅުގެ ފުރަތަމަ ރަސްކަލަކީ ހުޅުލޭ ހިލާލީކަލޯއާއި ގޯލާވެހި ކަނބުލޯގެ އައްސުލްތާން ޙަސަނުލް ހިލާލީއެވެ މިދަރިކޮޅަކީ ރާއްޖޭގައި އެންމެ ގިނަރަސްކަލުން ރަސްކަން ކުރެއްވި އެކަމަކު ހަމަޖެހުން ކުޑަދަރިކޮޅެވެ
ހިލޭމީހާ
ނ (1) ތިމާގެކަމުގެ ގޮތުން އެއްވެސް ގާތްކަމެއްނެތް މީހާ (2) އެއްވެސް ގުޅުމެއް ނެތްމީހާ
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހިޔަންޏަށްމުޑިނުނަގާށޭ
)ހަރުބަހެއް( ކަމަކަށް ނުވާކަހަލަ ކަމަކާމެދު ބިރުގަތުމަށާ އެއްވެސް ޙަޤީޤަތެއްނެތް ކަންކަމާ ޖެހިލުމުން ދޫކޮށްލުމަށް ބުނެއުޅޭ ބަހެއް
ހީނާ
ނ މީރުވަސްދުވާ މާ އަންނަ ފަތްކުދި ގަހެއް. ހުދުހަމާއި ނިޔަފައްޗާއި ނުރަ ރަތްކުރާން މިގަހުގެ ފަތްބޭނުންކުރެއެވެ. މިގަހުގެފަތާއި މަލާއި އޮށް ބޭހަށް ބޭނުން ކުރެއެވެ. މީގެފަތްބޮޑު ވަތްތަރެއްވެސް ހުރެއެވެ މިވައްތަރަށް ކިޔަނީ ސުވޭހު ހީނާއެވެ
ހީބިހި
ނ ބިރުގަތީމާ ނުވަތަ ހީކަރުވައިގަތީމާ ބިހިތަކެއްހެން އިސްތަށިބުޑުތައް އުފުލޭއުފުލުން ހީލިކެރުވީމާވެސް މިހެންވެއެވެ
ހުނިހަކުރުފަތަފޮޅި
ނ އެތެރެޔަށް ހުނިހަކުރު އަޅައިގެން ހަދާ ފަތަފޮޅިއެއް މީގެ އެންމެމޮޅު ގޮތަކީ އާވީންކެއްކުމެވެ އަދި ފިހެތެލުލައިވެސް ހަދައެވެ
ހުންކޮށި
ނ މައިދާގެ ވައަތްފަރާތު މަތީގައި އޮންނަ ގުނަވަނެއް ބައެއް ހުމުގައި މިގުނަވަން ބޮޑުވެ ބަނޑަށް އުނދަގޫވެސްވެއެވެ
ހުރުން
މ (1) ނެތުމުގެ އިދިކޮޅު (2) އެއްޗެއް ކޮންމެވެސް ތަނެއްގައިވުން
ހުޅުއެޅުން
މ އެއްރަށަކުން އަނެއްރަށަކަށް އަންގާން އަލިފާންދެއްކުން މިކަން ކޮށްއުޅެނީ ކޮންމެވެސް ބޮޑު ޚަބަރެއް އެންގުމަށެވެ
ހުޅުފަނާދިއުން
މ ރޭގަނޑު މަސް ހިފަން ދާއިރު މަސް ގާތަށް ގެނައުމަށްޓަކައި ފަންހުޅިއެއްގައި ރޯކޮށްގެން ނުވަތަ އެހެންވެސް އައްޔެއް ހިފައިގެން މޫދަށް އެރުން
ހުޅުފަން
ނ ރޭގަނޑުގައި ފަޅުން މަސްހިފާމީހާ އޭނާގެ ގާތަށް މަސްގެންނާން ރޯކޮށްގެން ގެންގުޅޭ ފަން ނުވަތަ އެފަދަ ކޮންމެވެސް އައްޔެއް
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ހުއިފަތުނައި
ނ މޫދުގައި ހުއިގަސްތަކު ތެރޭއުޅޭ ނައެއްކަހަލަ އެއްޗެއް މީގެކުލަވެސް ހުއިފަތާ އެއްކުލަވާނެއެވެ
ހުވަން
ނ (1) އަށާވީސް ނަކަތުގެ ތެރެއިން ތޭވީސްވަނަ ނަކަތް (2) އިރުވައި މޫސުމުގެ ހަތަރުވަނަ ނަކަތް (3) އެއްޗެއްގެ ޚަބަރު މިބަސްގިނައިން ކިޔައި އުޅެނީ "ހިލަން" މިބަހާއި ގުޅުވައިގެންނެވެ މިސާލު: އޭނާގެ ހުވަން ހިލަންވެސް ނުވެޔޭ ބުނެފިނަމަ އެއީ އޭނާގެ އެއްވެއް ޚަބަރެއް ނުވެއެވެ (4) )ޏ ސ ( ނަގުލުވައި