radheef.info
ރަދީފު


ވީމާ
އ ސަބަބު ނުވަތަ ދަލީލު ދެއްކުމުގެ ގޮތުން ބަސް ގުޅަން ބޭނުން ކުރާ އަކުރެއް މިސާލު: އެއީ އަޚްލާޤު ނުބައި މީހެކެވެ ވީމާ އެކުގައި އުޅުން ރަގަޅެއް ނޫނެވެ
އަދާމަﷲ
ރަދުން ހަވަރަށް އެއްޗެއް އެންގެވީމާ ނުވަތަ ސަލާމުގެ ބަސްފުޅު އިއްވެވީމާ އޭގެ ޖަވާބުގައި ދަންނަވާގޮތް
އަލިފާންބެރު
ނ އިހުގައި ތަންތާ އަލިފާން ރޯވީމާ އެކަން މީސްތަކުންނަށް އަންގާން ނާބުސްޚާނުން ޖަހާބެރު
އާނޅެޔޯ
އ މީހަކު ރަށަކަށް އައިމާ ނުވަތަ ކަމެއްގައި ކާމިޔާބު ވީމާ މަރުޙަބާގެގޮތުގައި ގޮވައިލާ ބަހެއް ސާބަހުގެ މާނައިގައި ވެސް މިބަސް ބޭނުންކުރެއެވެ
އާނޅޭ
އ (1) ޢަޖާއިބުކަން ފައުޅުކުރުމަށާއި އުފައު ފައުޅުކުރުމަށް ބައެއް މަޤާމުގައި ބުނާ ބަހެއް. (2) އިންތިޒާރުކޮށްހުރިކަމެއް ތިމާއެދޭ ގޮތަށް ނުވަތަ އެއަށްވުރެވެސް ރަނގަޅަށް ވީމާ ބުނާ ބަހެއް
އާއޮޑިކުރުން
މ (1) ދޯނިފަހަރު މަސްބޭނުން ދަށްވީމާ އެހެލައިފައި ދޯނި ބަނދެގެން އަލަށް ބާލާއިރު ކުރާ ކަންތައް ކޮށްފައި ބޭލުން (2) މަޖާޒު: އަނބިމީހާ ވަރިކޮށްފައި އަނެއްކާ އިނުން
އާވި
ނ (1) އުދާސް. (2) ދިޔާއެއްޗިއްސާއި މިނޫން ތަކެއްޗަށް ހޫނުވީމާ އެއިން އުހެދޭގޭސް. (3) ބައެއް ތަކެތީން ނަގާ ލުއިތެލެއް. މިސާލު: ބޮޑު އާވި ފޮނިތޮށި އާވި
އާމީން
އ (1) ދުޢާ އިޖާބަކުރައްވާ ދޭވެއެވެ. (2) ތިމާއަށް ލިބޭ އުނދަގުލެއް ފިލައިގެން ދިޔައިމާ ނުވަތަ ތިމާގެ އެދުމެއް ފުރިހަމަވީމާ ބުނެއުޅޭ ބަހެއް (3) ޤަބޫލުވުމާއެކު ވާއެއްބަސް
އިރަށްދޮންކޮށްލުން
މ އިރުއަރާން ކައިރިވީމާ އިރުގެ އަލި އުދަރެހުން ފައުޅުވެލުން
އިރުވައިއޮއި
ނ އިރުވައިވީމާ އިރުމަތީ ފަރާތުން އަޅާއޮއި
އިރުވާހުދު
ނ މާކަނާ ފާޑުގެ އެއަށްވުރެ ކުޑަ ހުދުދޫންޏެއް. ހުޅަނގުވީމާ ރަތްރީނދޫ ކުލައިގެ ފަތްތަކެއް މީގެ ހުޅިގަނޑުންނާއި ބުރިކަށިމަތިން ފައުޅުވެއެވެ. އިރުވައި ވީމާ އެފަތްތައް ހުދުވެދެއެވެ
އިބިލީހުގުއި
ނ ނިޔަފަތި ދިގުވީމާ ނިޔަފަތި ދަށަށް ވަދެފައި ހުންނަ މިލަޔަން ކިޔާނަން
އީދުގަސް
ނ ބައެއް ރަށްރަށުގައި ޢީދުވިލޭރޭ ގަހެއްގައި ހިކިފަން ނުވަތަ ހިކިފަތް އެލުވައިގެން ހަދާ އެއްޗެއް ފަތިސްވީމާ މިއެލުވި އެއްޗެތީގައި ރޯކޮށްލަނީއެވެ
އޫނ
އ (1) ނޫނެކޭ ބުނުމުގެ ބަދަލުގައި ބުނެއުޅޭގޮތެއް. (2) ކީކޭހޭ އެހުމުގެ ގޮތުން ބުނެއުޅޭ ބަހެއް. (3) އޯތްޔޭ ބުނާން ބޭނުންކުރާ އަކުރެއް. (4) ރުޅިއައިސްގެން "ތިޔަހެން ނުހަދާށޭ" ބުނުމުގެ މާނައިންވެސް މިހެން ކިޔަތެވެ. (5) އެކަންތައް ދެނަހުރިނަމަ ނުކުރާނޭކަމެއް ކޮށްކޮށްހުއްޓައި އަނެކެއްގެ ފަރާތުން ތިމާއަށް އެނގޭ ވަގުތު ބުނާ ގޮތެއް. (6) ނިދާފައި އޮންނަމީހާއަށް ގޮވީމާ ހޭ ލެވެމުންދާއިރު އަނގައިން ބުނާގޮތެއް. މިމާނަތައް ދޭހަވާނީ ބުނާރާގުންނާއި ބުނެވޭ ދިގުކުރު މިނުންނެވެ
އޫނއެޅުން
މ ޙާލުދެރަވެ ނުވަތަ ނިދާފައިވާ މީހަކަށް ގޮވީމާ ކިރިޔާ އާނއެކޭ ބުނުން
އެންވަށިބޮނޑި
ނ )ހ ( މަސްދޯނިފަހަރަށް އެންވަށިލާ ގޭގެއިން އިރުވައި ހުސްވީމާ އެދޯނިން މަހަށްދާ މީހުންނަށް ދޭކެއުން
އެކުނި
ނއ ދިވެހީންގެ ގުނުމުގައި ޢަދަދުކިޔާއިރު ފައްސިހި ތިންދޮޅަސް ފަނަސް ފަސްދޮޅަސް ފާނހިތި މިއިންކޮންމެ ޢަދަދަކަށް އެކެއްމަދުވީމާ ކިޔާގޮތް. މިސާލު: އެކުނި ފައްސިހި އެކުނި ތިންދޮޅަސް
އެވަރުވުން
މ (1) އެގޮތްވުން (2) އެހިސާބަށް ކަން ކުރެވުން މިސާލު: މީހަކު ތާކަށްގޮސް އުޅެއުޅެ އެއްކަމެއްވެސް ނުވެގެން އައިމާ އޭނާ ދެރަކޮށްލުމުގެ ގޮތުން "މަދިޔަނަމަވެސް އެވަރުވެއްޖައިހޭ" ބުނެއުޅެއެވެ ދެމީހަކު ދޫނުކޮށް ހިފަމުންގޮސް މާބޮޑަށް ވަރުބަލިވީމާ "އެވަރުވީއިރުވެސް ދުލެއް ނުކުރެއޭ" ބުނެއުޅެއެވެ
އެވްރޭޖް
ނ (1) އެކިވަރަށްހުރި އަދަދުތަކެއް އެއްކޮށް އެއްކުރި އަދަދުތަކުގެ އަދަދުން ގެއްލީމާ ނިކުންނަ އަދަދު. މިސާލު: ދިހަޔަކާ ނުވަޔަކާ ދޭކާ މިތިން އަދަދު އެއްކޮށްލީމާ އަންނަ ޖުމްލައަކީ އެކާވީހެވެ މިއެއްކުރެވުނީ ތިން އަދަދެވެ ވީމާމިޖުމްލަ ގެއްލާންވީ ތިނަކުންނެވެ ތިނަކުން ގެއްލީމާ ނިކުންނާނީ އެތިންއަދަދުގެ އެވްރޭޖެވެ އެއީ ހަތެކެވެ (2) މެދުމިން
އޭރުން
ކއ (1) އެހިނދުން (2) އެވަގުތުން (3) އެހެންވީމާ
އޮބިގަނޑުމަތީފެންފުހުން
މ އޮބިގަނޑުމަތީ އަޅާބޭސް އަޅައިފައި އޮއްވައި ވުޟޫކުރާން ވީމާއޭގެ މަތީފެން ފުހުން