radheef.info
ރަދީފު


ވާލު
ނ (1) ދޭއްޗެއް ނުވަތަ އެއްޗެހިތަކެއް އެއްކުރުމަށް ނުވަތަ ފޭވެގެން ދިޔަނުދިނުމަށް ލަކުޑިން އަޅާ ހުރަސް (2) މަލަރުކޮށްއަޅާ އޮބި މިބަހަށް ވާލިވެސްކިޔައެވެ
ކޮން
އ (1) އޮޅުން ފިލުވުމަށް ކުރާ ސުވާލުގެ ކުރިއަށް ގެންނަ ލަފުޒެއް މިސާލު: )ހ( ކޮންބައެއް )ށ( ކޮންތާކަށް )ނ( ކޮންއިރަކު (2) ނ ކަނބޯ
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
ކޮބާ
އކ (1) ނުފެނިގެން އުޅޭ އެއްޗެއް ވީތަނެއް އެނގޭތޯ ނުވަތަ ކަމެއް އޮޅުން ފިލުވާން ސުވާލުކުރުމަށް ބޭނުންކުރާ އަކުރެއް. މިސާލު: )ހ( މަގޭރުމާ ކޮބާ؟ )ށ( ކަލެއާ ޙަވާލުކުރި ކަންތައް ކޮބާ؟ (2) މީހަކު މިވެނި ގޮތަކަށް ކަމެއް ވެދާނެޔޭ ބުނެފައި އޮއްވާ އަނެކަކު އެބަސް ނާހައި އެކަންތައް ކޮށްގެން ކުރީގައި ބުނިމީހާ ބުނިގޮތަށް ކަންތައްވީމާ އެކަމެއް ކުރިމީހާއާއި ދިމާއަށްބުނެ އުޅޭ ބަހެއް މިސާލު: ކޮބާ މަބުނިގޮތަށް ނޫންހޭވީ (3) ނިކަން މިސާލު: ކޮބާދީބަލާ
ކޮއްޓުން
މ (1) މީހެއްގެ ގައިގައި ނުވަތަ އެއްޗެއްގައި އިނގިލިން ނުވަތަ އެއްޗަކުން ކުއްލި ޙަރަކާތަކާއެކު ޖައްސައިލުމަށްފަހު ނައްޓައިލުން (2) ބިއްސާއި މުލިއްސާއި ފޮޅުފަދަ އެއްޗެހީގެ ތުން ތުއްވުން (3) އުކުނޑި ކޮއްޓުން (4) ފުޓުބޯޅައާއި ހޮކީފަދަ ކުޅިވަރު ކުޅޭއިރު ދުރަށް ބޯޅަ ފޮނުވައިނުލައި ގާތުގައި ބާއްވައިގެން މަޑުމަޑުން ޖަހަމުން ޖަހަމުން ގެންދިއުން (5) )ޏ ސ ( ކޮރުން (6) މަޖާޒު: މީހެއްގެ ހަވާލުގައި އޮތްކަމެއް އަވަސް ކުރުމަށް އުޅުން
އަށްޑަން
ނ (1) އަށްދަން (2) ރެޔަކާއި ދުވާލު
އަނގުނު
ނ އުނދޯލީގެ ދެކޮޅުގައި ދަށުން އަޅައިފައި އޮންނަ ދެވާލު އުނދޯލިއެލުވައިފައި ހުންނަނީ މީގެދެކޮޅަށް ދެވައު ލައްވައިފައެވެ (2) ފިލާ ވަކަރު ފަދަ އެއްޗެހި ބަހައްޓާން ހުރަހަށް ބަންނަ ތަކެތި
އަރަތް
ނ މީހުންގެ ވިސްނުންހުރި ވަރެއް ބެލުމަށް ކޮށް އުޅޭ ސުވާލުގެ ބާވަތެއް މިސާލު: " ކޮއްކޮއެއް ދައްތައެއް ބޭބެއެއް ނެތެވެ އެކަމަކު މިހިރަކުއްޖާގެ ބައްޕައަކީ އަހަރެންގެ ބައްޕަގެ ދަރިއެކެވެ
އަރާއިރުކޮޅު
ނ (1) ދުވާލުގެ ފުރަތަމަ ދަން (2) ހެނދުންކޮޅު (3) )ސ ( އިރުމަތީ ފަރާތް
އަމީރު ރަސްކަން
ނ (1) ވަލީޢަޙުދުކަން (2) ރަސްގެފާނުގެ ޤާއިމްމަޤާމްކަން (3) ރަސްކަމުގައި ހުންނެވި ބޭފުޅަކު އެރަސްކަން އެހެން ބޭފުޅަކާ ޙަވާލު ކުރައްވައިފައި ހުންނަވާ ދަރަޖަ
އަތްބަންތުރަ
ނ ނަކަތްތެރިން ދުވާލު ބަހާފައިވާ ހަތަރުބައިގެ ތެރެއިން އެއްބައިގެ ނަން
އަސާ
ނ (1) ދޮށިމޭނާ ވެލާނާ ހަކުރާ ފާމުދޭރި މާފަތް ދަހަރާ މިބޭބޭކަލުންނާއި ފަނޑިޔާރުކަމާއި މީރުބަޙުރުކަމާއި ރަނަހަމާންތިކަމާއި ފުރަމާލޭގެ ދެޚަޠީބުކަމާއި މިކަންކަން ޙަވާލުކުރައްވާ ބޭބޭކަލުންނަށް ދެއްވާދަނޑި މިހުންނަނީ ކުރަހައި ލާފެންކޮށްފައެވެ (2) ހިފައިގެން ހިނގާ ލަޓިގަނޑު
(3) ތަންވަޅު އިރު
ނ (1) އެއިން ދުނިޔެއަށްއަލިކަމާއި ހޫނުކަންދޭ އެއެރުމުން ދުވާލުވާ އޮއްސުމުން ރޭވާ އެވަށައިގެން ދުނިޔެ އެނބުރޭ މަޝްހޫރުތަރި (2) ވަގުތު
އިލްތިމާސް
ނ (1) ކަމަކަށްއެދި ގޮވާލާ ގޮވާލުން (2) ކަމަކަށް އެދި ހުށަހަޅާ ހުށަހެޅުން
އިސްރާފީލު
ނ ޤިޔާމަތުގެ ތާޅަފިލި ފުންމެވުމާ ޙަވާލު ކުރައްވައިފައިވާ މަލާއިކަތާ
އިސްތިޢުފާ
ކނ ތިމާއާ ހަވާލުވެފައިވާ ކަމަކުން ދުރުވުމަށް )ވަކިވެގަތުމަށް( ހުށަހަޅާ ހުށަހެޅުން
އިސްޕަންޖުކުރުން
މ (1) ހޫނުފެނުން ބޮނޑިތާން ކުރުން (2) ތުވާލު ފަދަ އެއްޗެއް ތެންމައިގެން ގައިސާފުކުރުން
އެހުން
މ (1) ސުވާލުކުރުން (2) ކަންފަތުން އަޑުލިބިގަތުން
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އޮފިސަރު
ނ (1) ސަރުކާރުގެ ކޮންމެވެސް ކަމެއް ބަލަހައްޓާން ޙަވާލުވެފައިވާމީހާ (2) ސިފައިންގެ ނުވަތަ ފުލުހުންގެ ވަކިދަރަޖައެއްގެ ވެރިއެއް
އޮޑިއަށްލުން
މ އަރުވާލުމަށްޓަކައި ނުވަތަ ކުށްވެރި އެއްގޮތުގައި ފޮނުވާލުމަށްޓަކައި ފުރާދުއްވާ އެއްޗަކަށްލުން