radheef.info
ރަދީފު


ވައިލުން
މ މަޢިދާގައި ހެދޭވައި އަނގައިން ބޭރުކުރުން ގިނަ ފަހަރަށް މިވައި ނުކުންނަނީ އަޑަކާވެސް އެކުގައެވެ
ފޮޅުވައިލުން
މ (1) ހުޅުވައިލުން (2) ނިއުޅައިލުން (3) ވޮލީ ކުޅޭއިރު ބޯޅަ މައްޗަށް ފޮނުވައިލުމަށް އަތުގެ އިނގިލި ތަކަށް ގެންނަ ޙަރަކާތް ގެނައުން (4) ގައިގައި ހިފަހައްޓާފައި ހުރިމީހަކު ގައިން ނައްޓުވައިލުން
ފޮތިއެޅުން
މ (1) އަންނައުނާއި ރިޔާފަދަ ތަކެތި ވީދުމުން އެތަނެއްގެ ބޮޑުމިނުގައި ވަކި ފޮތިކޮޅެއް އަޅައި ފެހުން (2) މަޖާޒު: ކަމެއް ފޮރުވައިލުން
ފްލޭޝްކުރުން
މ ފޮޓޯނަގާއިރު ކުއްލިއަކަށް ގަދައައްޔެއް ފޮނުވައިލުން
ދަންޖެއްސުން
މ މީހަކު މެރުމަށްޓަކައި އެމީހާގެ ކަރުގައި މަޅިއެއް ބައްދައި އެލުވައިލުން
ދަފަރާކުރުން
މ (1) އުނދަގުލެއް ފިލުވުން (2) ކަމަކުން ރައްކާތެރިކުރުން (3) ޖެހިގެން އުޅޭ ދަތިކަމެއް ފިލުވައިލުން
ދަޢުވަތު
ނ (1) ކެއުމަކަށް ގޮވައިލާ ގޮވައިލުން (2) ތަނަކަށް ހާޒިރުވާން ކިޔާ ކިޔުން
ދަޢުވަތުދިނުން
ނ ކެއުމަށް ގޮވައިލުން (2) ތަނަކަށް ހާޒިރުވާން ގޮވައިލުން
ދިމާވުން
މ (1) ބައްދަލުވުން (2) ފެނުން މިސާލު: މިއަދު އޭނާއާ ދިމާވިއެވެ (3) ސީދާވުން (4) ލައްވައިލުން (5) ބުނިގޮތާއެއްގޮތްވުން (6) އެނގުން
ދިޔާކުރުން
މ (1) އެއްޗެއްގައި ހުންނަ އޮލަކަން ކަނޑުވައިލުން (2) އެއްޗެއްގެ އޮލަކަން ނުވަތަ ތަތްކަން ކަނޑުވައިލައި ދިޔާކަން އިތުރު ކުރުން (3) ބައެއް ކަހަލަ އެއްޗެހި ފެންކުރުން
ދުއްވައިލުން
މ (1) ދުއްވުން މިބަސް ލުއިކޮށްބުނާގޮތް މަޖާޒު: (2) ގެއްލުމެއް ދިނުން މިސާލު: އޭނާގެ ދުވަސް ދުއްވައިލައިފި (3) ބޭނުންކޮށްލުން މިސާލު: އެތާގައި އޮތް ފިހުނުމަސް ދުއްވައިލައިފި (4) ފިލުވައިލުން
ދުއްވުން
މ (1) ހަލުއިކޮށް ހިންގުން މިސާލު: )ހ( އަސްދުއްވުން )ށ( ކާރުދުއްވުން )ނ( މީހުން ދުއްވުން (2) ފުރާ ދުއްވާތަކެތި ދަތުރު ކުރުން މިސާލު: ބޯޓްދުއްވުން (3) ސަފުސާންލުން (4) ވިރިކެކޭ އެއްޗެއްގެ ފަށަލައެއްލުން މިސާލު: ތެލީތެރޭގައި ތިމަރަފަށެއް ދުއްވުން (5) ވަސްހިއްޕުން މިސާލު: މީރުވަސްދުއްވުން (6) އެތެރެހަށީގައި ހުރިއެއްޗެއް ކޮންމެވެސް ދޮރަކުން ބޭރަށް ނެރުން މިސާލު: )ހ( ހޮޑު ދުއްވުން )ށ( ހީސްދުއްވުން (7) އެއްޗެއް ވަކިގޮތަކަށް ފޮނުވައިލުން މިސާލު: ބަޑީގެ ވަޒަން ދުއްވައިލުން (8) ފެންހިންގުން މިސާލު:ފެން ދުއްވުން (9) ވަށްއެއްޗެއް އެނބުރެމުން ނުވަތަ ފުރޮޅެމުން ކުރިއަށް ދާނެގޮތް ހެދުން
ދޫކުރުން
މ (1) ބަންދެއްގައިވާ މީހަކު މިނިވަންކުރުން (2) ވީއްލުން މިސާލު: ވީއްލުން (3) ކަމަކުން އެއްކިބާވުން މިސާލު: ދުންފަތުގެ އިސްތިޢުމާލު ކުރުން ހުއްޓާލުން (4) ދިނުން މިސާލު: ޕާސްޕޯޓް ދޫކުރުން (5) އަތުގެ ތެރެއިން ފިރުއްކުން މިސާލު: ނަނު ދޫކުރުން (6) ލުޔެއްދިނުން (7) ވާންކަން ކަނޑުވައިލުން (8) ހިފެހެއްޓުމުގެ އިދިކޮޅު (9) ދެކޮޅު ނެހެދުން މިސާލު: ކަލޭ ޖެހޭނީ ބޮޑެތި މީހުންނަށް ދޫކުރާށެވެ
ދޫކޮށްލުން
މ (1) ވީއްލުން މިސާލު: )ހ( ރޯދަ ވީއްލުން )ށ( ބަންދެއްގައިވާ މީހަކު ދޫކޮށްލުން (2) ގުޅުން ކަނޑައިލުން (3) ކަމަކުން އެއްކިބާވުން މިސާލު: ދުންފަތުގެ އިސްތިޢުމާލު ކުރުން ދޫކޮށްލުން (4) ދުރުހެލިވުން މިސާލު: ނުބައި ޢަމަލެއް ދޫކޮށްލުން (5) ހުއްދަކުރުން މިސާލު: މަނާވެފައި ނުވަތަ ހިފެހެއްޓިފައި އޮތްކަމެއް ދޫކޮށްލުން (6) ލުޔެއްދިނުން (7) ވާންކަން ކަނޑުވައިލުން (8) ހިފެހެއްޓުމުގެ އިދިކޮޅު (9) މިނިވަންކުރުން
ދެފަށްލާޖެހުން
މ ލިޔެ ލާޖެހުމުގައި ލާފަށެއްގެ މައްޗަށް އެހެން ކުލައެއްގެ ލާފަށެއް ދުއްވައިލުން މިހެން ހަދަނީ ކުރެހުމަށްޓަކައެވެ
ދޮރުމޮހުން
މ މަޖާޒު: (1) ހުޅުވައިލުން (2) ކަމަކަށް މަގުފަހިކުރުން
ތަންހަރުކުރުން
މ އެކިއެކި ކަންތަކަށް ހުއްޓުން އަރުވައިލުން
ތަޅުވައިލުން
މ (1) ހަލުވައިލުން (2) ގުޑުވައިލުން މަޖާޒު: (3) ވާހަކައެއް ފަތުރައިލުން (4) މީހެއްގެ ކިބައިން ވަކިވާހަކައެއް ހޯދަންވެގެން އޭނާލައްވައި ވާހަކަދެއްކުވުން
ތަޣައްޔަރުކުރުން
މ (1) ފެންފަދަ އެއްޗެއް އެހެން އެއްޗަކާ އެއްކުރުން (2) އަސްލުގޮތް ކަނޑުވައިލުން (3) އެއްޗިހިތަކެއް އެއްކޮށްގަޑުބަޑު ކުރުން
ތާހިރުކުރުން
މ (1) ސާފުކުރުން (2) ކުނިމިލައާއި ނުސާފުކަމުން ސަލާމަތްކުރުން (3) ނަޖިސް ފިލުވައިލުން
ތާހިރުވުން
މ (1) ސާފުވުން (2) ކުނިމިލައާއި ނުސާފުކަމުން ސަލާމަތްވުން (3) ކުޑަކަމު ނުވަތަ ބޮޑުކަމުގޮސް ނިމިގެން ނަޖިސް ފިލުވައިލުން