radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ހިތްހިތެކޯގޮވުން
މ (1) ހިތަށްއެރި ގޮތެއް ހަދާށޭގޮވައިލުން (2) ބޭނުންމީހަކު ބޭނުން ވަރަކަށް ގެންދާށޭ ގޮވައިލުން
ހިލުން
މ (1) ހަލަމުން ކައްކައި އޮލަކުރުން ނުވަތަ މިގޮތަށް ކައްކައި ހިއްކުން މިސާލު: )ހ( މެޓާހިލުން )ށ( ހަކުރުހިލުން (2) މީހާ އާދައިގައި ހުންނަ ވަރަށްވުރެން އަނގަގަދަވެ ސަމާސާ ބޮޑުވުން (3) ބަޔަކު ސިހިގެން ގޮތްގޮތަށް އުޅެގަތުން (4) ބަޔަކު ޤަވާޢިދާ ޚިލާފަށް ނުކުމެގެން އުޅެގަތުން (5) ނަގިއްޔާއި ފަނާފަދަ ބުރަތަކެތި އޮތްތަނުން ގުޑައިލުން (6) ފާޅުވެގަތުން މިސާލު: )ހ( ލޭނާރު ހިލުން )ށ( ރޯގާ ހިލުން )ނ( ކުރަފިހިލުން (7) ދިރޭބޮލި ފަޅުތެރޭން ހޮވުން (8) އޮށްވަޅު ކުޅުމުގައި ގޮނޑީގެ ވަޅެއް ހުސްކޮށްނެގުން
ހިޔަނިދާ
ނ ގޮޅިދެވަރަށް ބަންނަ އެންދަމާ ދަލުގެ ހަތަރުފަރާތުގައި މެދުތެރެއަށް ވުރެން ގޮޅި ނުވަތަ މަޅި ބޮޑުކޮށް އޮންނަބައި
ހިޔަޅު
ނ ހަށިގަނޑު ބުޅަލެއްވަރުވާ ޖަންގަލީ ޖަނަވާރެއް މިއީ ވަރަށް މަކަރުވެރި އެއްޗެކެވެ
ހިޔަމަ
ނ ބަނޑުދޮށް ނޫން ހުރިހާގޮތަކުން ވަރަށް މުރަނަ ތޫނުދިގު ކަށިތަކެއް ފަޅައިފައިވާ މޫދުގެ ދިރޭ އެއްޗެއް
ހީހުން
ނ ހުމެއްގެ ނަން. މި ހުން އަންނަނީ ވަރަށް ގަދަޔަށް ހީކަރުވައިފަ އެވެ. ހީ ފިލުމާއެކު އުދާސްކުރަން ފަށަ އެވެ. މިހުން އަންނަ ވަގުތު ދާނީ ބަދަލުވަމުންނެވެ
ހީނލުން
މ ކުޑަކޮށް ދަތްފެންނަ ވަރަށް ހުނުން
ހީރުވަހައި ގޮވުން
މ )ގ ( ކުއްލިއަކަށް ބިރުގަނެގެން ސިއްސައިގެންގޮސް ވަރަށް ބާރަށް ތޫލިކޮށް ބޭއިޚްތިޔާރުގައި ހަޅޭއްލެވުން
ހީލިކަށިގަނޑު
ނ އުޅަނބޮށި ހުޅުގައްޔާއި ކަކުލުގައިވާ ކަށިގަނޑެއްގެކޮޅު އެކަށިގަނޑު ތަނެއްގައި ޖެހޭގޮތަކުން ބައެއްފަހަރު ވަރަށް ހީލިކަރުވާނެއެވެ
ހުނިހައް
ނ ފޫއެނބުރީގެ ވައްތަރެއް މިއީ ދޮންކުލައިގައި ހުންނަ ވަރަށް ތުނި ބޮއްޔެކެވެ
ހުނިފެންބޮއިގެންއުޅުން
މަޖާޒު: (1) ލަދުޙަޔާތް ކެނޑޭ ވަރަށް މީހަކާ ހިތާވެގެން އުޅުން (2) ހެހެސްގަތުން
ހުންބަލާ ކަށިގަނޑު
ނ ހޫނުމިން ބެލުމަށްޓަކައި ބިއްލޫރިން ހިމަދިގުކޮށް ހަދާ އެތެރެއަށް ދިރޭރަހަ އަޅާ ބޭރުގައި ދަރަޖަތަކެއް ޖަހައިފައި ހުންނަ އާލާތެއް މީގެ އެއްކޮޅުގައި ދިރޭރަހަ ހަރުލާ ވަރަށް ފަލަކޮށް ހުންނަ ތަންކޮޅެއް ހުންނާނެއެވެ އެތެރޭގައި ވަރަށް ހިމަ ލޯވަޅެއް ހުރެ ހޫނުވުމުން އެލޯވަޅުން ދިރޭރަހަ ދަތުރުކުރާނެއެވެ ފިނިވާއިރަށް ފަލަތަނަށް ދިރޭރަހަތައް ފައިބާނެއެވެ
ހުރާގަނޑު
ނ ހުރައެވެ ކިޔާ ވަރަށްވުރެ ކުދި އެބާވަތުގެ ތަންތަން
ހުޅުނބުފިލާ
ނ ފަތްޕިލާވެއްޔެއް މިއީ ވިނަހުންނަ ތަންތާ ގައި ހެދޭގަހެކެވެ މީގެ ފަތްހުންނާނީ ކޮޅުވައްކޮށް ކުދިކުދި ކޮށެވެ ފަތްބުރަނދަގޮޑީފަތާ ވަރަށް ވައްތަރުވާނެއެވެ މިފަތުގެ ދިޔަ ދުޅަވާތަންތާގައި ވަށައެވެ
ހުޅުބަލިފެލާ
ނ )ޏ.ސ.( ޗަސްބިމުގައި ހެދޭ ވިނައެއް )މިވިނަގަސް ހެދެނީ ބަދަބަދައަށެވެ. ވެލެއްހެން ހެދޭ މިވިނަގަސް ބިންމަތީ ދުވަމުން ދާއިރު ބަދަވަޅުތަކުން މޫފައިބަމުންދާނެއެވެ މިއީ ވަރަށް އަވަހަށް ހެދޭ އަދި ގިނަވާ ވިނައެކެވެ މިގަސް ބިމުން ލުހެލަން އުޅެފިނަމަ ބަދަވަޅުތަކުން ބިންދަ ބިންދައިގެންދާތީ "ހުޅުބަލިފެލާ" އޭކިޔަނީއެވެ
ހުއިފަތުމަސް
ނ ފަރުމަހުގެބާވަތެއް މިބާވަތުގެ ބޮޑެތިމަސް ދިރިއުޅެނީ މާކަނޑުގައެވެ ފަޅުތެރެއަށްވަދެއުޅޭ މީގެކުދިމަސް ދުވެއުޅެނީ އަރިއަށް ތިބެގެން ވަރަށް މަޑުމަޑުންނެވެ މިގޮތަށް މިމަސްދުވާއިރު ހީވަނީ މަރުވެފައިވާ ހުއިފަތް ކޮޅެއް އޮޔާ ދާހެނެވެ މަހުގެ ކުލައަކީ ގަދަމުށިކުލައެވެ މަހުގެ ނިގޫފަތް ހުންނަނީ ވަށްކޮށެވެ
ހުދުހުތްޕިލާ
ނ ތިރިކޮށް ހެދޭގަހެއް. މީގެ ކޮންމެ ފަތްވަޅެއްގައި ހުދުކުލައިގެ ކުޑަކުޑަ މާބޮޑިއެއް ހުންނާނެއެވެ. ފަތްހުންނާނީ ދެކޮޅަށް ހިމަކޮށް ވަރަށް ކުދިކުދިކޮށެވެ މީގައި ކިރު ވަރަށް ގިނައެވެ
ހުދުރަން
ނ ހުދުކުލަގައި ހުންނަ ވަރަށް އަގުބޮޑު މަޢުދަނެއް. މިއީ ނާދިރު ހަ މަޢުދަނުގެ ތެރޭގައި ހިމެނޭ އެއްޗެކެވެ މިވިރެނީ 5 3771 ޑިގްރީ ސެންޓިގްރޭޑަށް ހޫނުކަންގޮސް ގެންނެވެ
ހުދުރޮނޑު
ނ ރޮނޑުގެ ބާވަތެއް މިރޮނޑުގެ ހަށިގަނޑު ހުންނަނީ ހުދުކުލައިގައި ވަރަށް އޮފުގަދަކޮށެވެ ހަންގަނޑުގެ ކޮތަރިން ތިރިއަށްހުންނާނީ ހުދުކަލައެވެ ބޮލާހަށިގަނޑާ ގުޅުނު ހިސާބުގައި ހުރަހަށް ކަޅުކުލައިގެ 2 ރޮނގު ހުންނާނެއެވެ ބުރަކަށީގެ މަތީ ކޮތަރިބައި ފެށޭހިސާބުގައި ކަޅުކުލައިގެ ކައްޓެއް ހުންނާނެއެވެ
ހުދުކާޅު
ނ (1) ހުދުފަތް ހުންނަ ކާޅު. މިއީވަރަށްމަދު އެއްޗެކެވެ. (2) މަޖާޒު: ތިމާގެ މީހަކު ނުވަތަ ރައްޓެއްސަކު އެތައް ދުވަހަކު ނައިސްހުރެފައި ގެއަށްއައިމައި ހިތްހެޔޮކަމާއިއެކު ސަމާސާއަށް ބުނެއުޅޭ ބަހެއް މިބަސް ބުނެއުޅޭ ގޮތަކީ "އައްދޭ! ހުދުކާޅެއްދޯ!" (3) ނާދިރުއެއްޗެހި