radheef.info
ރަދީފު


އެތި
ނ (1) ޖިސްމާނީ ތަކެތި (2) ނަންނޭގޭ (3) އިންސާނުން ފިޔަވާދެން ހެއްދެވިހައި ތަކެތީގެ ތެރެއިން ކޮންމެ ވައްތަރަކަށް އޭގެ ނަމުން ނުބުނެ ކިޔާގޮތެއް
ބާސްކިހިލި
ނ ކުޅިޖެހުމުގެ އުކުޅެއް މިއީ ދަނޑިކޮށީ މީހުން ކުޅިޖަހާއިރު ދެމީހުން ދެމީހުންނަށް ޖަހާ އެތި ފަހަރެކެވެ
ބިހި
ނ (1) ގައިގެހަމުން އުފުލޭ ކުދިކުދި ތަންތަންކޮޅު މީގެ އެތައްވައްތަރެއް ހުރެއެވެ. މިސާލު: ދާބިހި ފެންބިހި ހަރުބިހި އުން. (2) ރޯގާގެ ގޮތުގައި ފެތުރޭ )ގައިގެހަމުންނަގާ( ބަލިބަލި. މިސާލު: ހިމަބިހި ފާނަބަސަންދު ކަށިވިދުރި (3) މޫނުގައި ޖަހާ އޮށާޅަ (4) ގަސްގަހުގެ ފަތުގެ ދަށުގައި ހުންނަ އެތިއެތިކޮޅު (5) ބައެއްތަކެތި ފެނުކެއްކީމާ ނުވަތަ ހޫނުކުރީމާ އުފުލޭ ކުދިކުދި ތަންކޮޅުކޮޅު (6) ޒިންކާއި އެލްމެނިޔަމް ފަދަ ތަކެއްޗަށް ލޮނުގެ އަސަރުކުރުމުން އުފުލިފައި ހުންނަ ހަރު ތަންކޮޅުކޮޅު
ބިންތެޅި
ނ ބިންގަނޑު ހަރުކުރާން ތަޅާ އެތިގަނޑު
ބިތްތެރި
ނ (1) އަރިއަރިޔަށް އޮތް ބޮޑު އެތިގަނޑެއްގެ ފަރާތެއް (2) އަރިމަތި (3) ފިލައިން ހަދައިފައި ހުންނަ ބޮޑެތި ބިތްގަނޑުގަނޑު
ބިލެތްއާލާތް
ނ ބިލެތްއަރުވަން ހަދައިފައި ހުންނައެތި
ބިސް
ނ (1) ބައެއް ބާވަތުގެ މަސްމަހާ މެއްސާއި ދޫނި ސޫފާ ސޫފީގެ ދަރި ގަރުބަގަތުމަށްފަހު މައިއެތީގެ ހަށިގަނޑުން ބޭރުގައި އޮވެގެން އޭގެ އަމިއްލަ ޒާތުގައި ނޭވާލައި އުޅެވޭ ވަރުވަންދެން އެއެއްޗެއްގެ ތެރޭގައި އޮންނަ އެތި. ޢާންމު ގޮތެއްގައި މިއީ ތޮށްޓެއްގެ ތެރޭގައި އޮންނަ ލޮނދިގަނޑަކާއި ގޮބޮޅިޔެއްގެ މައްޗަށް އެކުލެވިގެންވާ އެއްޗެކެވެ (2) އަންހެނާގެ ނުވަތަ އަންހެންއެތީގެ ހަށިގަނޑުގެ އެތެރޭގައި އުފެދޭ ދަރިމައިވުމުގެ ސެލް (3) ބައެއް ކަހަލަ މޭވާއާއި ދިވެހި ހަކުރު ނުބައިވެގެން އުފެދޭ ކުދިކުދި ފުއްފުއް
ބުރަކި
ނ (1) ދުއްވާ އެއްޗެއް ނުވަތަ ފުރޮޅެއްފަދަ އެއްޗެއްގެ ދުވެލި ނުވަތަ އެނބުރުން މަޑުކުރަން ނުވަތަ ހުއްޓާލަން ބޭނުންކުރަން ހުންނަ އެތި (2) އެމުގެ ބާވަތެއް މިއީ ހިމަދިގުކޮށް ބޯކޮޅަށް ހުންނަ މަހެކެވެ
ބުރަފަތިކުރުން
މ ހިމަދިގު އެއްވަރުގެ ދެއެތިކޮޅު ކާލިވާނެހެން ހެދުން
ބުރަފަތިވުން
މ ހިމަދިގު އެއްވަރުގެ ދެއެތިކޮޅު ކާލިވުން
ބުރުން
މ (1) އެއްޗެހިތަކަކުން އެތިއެތިކޮޅު ކުއްލިއަކަށް ވިހުރުވުން މިސާލު: )ހ( ކުނޑިބުރުން )ށ( ހިރަފުސްބުރުން (2) ވައިގެތެރެއަށް އެއްޗެއްގެ އަސަރު ފެތުރިގެންދިއުން މިސާލު: )ހ( ހިރަފުސްބުރުން )ށ( ދުންބުރުން (3) މެހިމާބުރުފަދަ ތަކެތި އެއްޗެއްގެ ވަށައިގެން ނުވަތަ އެއްޗެއްގެ ކައިރީގައި އުދުހުން މިސާލަކަށް: މެހިބުރުން
ބުޅިހަދު
ނ މަސްދޯނީަގއި ބުޅިއަޅާން ހުންނައެތި
ބުއްލަބުޑި
ނ އޮޑިފަހަރުގެ މަތީ ރިޔަލުގެ ބުންފަރުމާނުގެ ކޮޅުގައިޖަހައިފައި ހުންނަވާ އައްސައިފައި ހުންނައެތި މިއީ ހުންގާނުގޭ ގެދެފަރާތުގައި މައްޗަށް އުފުލިފައި ހުންނަގޮތަށް ހަރުކޮށްފައި ހުންނަ ދެގަނޑު ވަކަރެކެވެ
ބެރު
ނ (1) މިއުޒިކުގެ އާލަތެއް މިއީ އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެކެވެ މީގެ އަޑު ނެރެނީ ޖަހައިގެންނެވެ (2) މިޔުޒިކުގެ ހަމަޔާ ގުޅޭގޮތަށް ވަކި ތަރުތީބަކުން ޖަހާ އަޑު (3) ކަރަންޓު ބޭނުންކޮށްގެން ނުވަތަ އެނޫންވެސް ގޮތަކުން ބެރުގެ އަޑު ނެރެން ހަދައިފައިވާ އެތި
ބޭރުކިހިލި
ނ ދަނޑިކޮށީގެ ދެމީހުން ކުޅީގައި ޖަހާއެތި ފަހަރެއް މިއެތި ފަހަރުން އަނެކަކު ރެކޭނީ ބާސް ކީއްޔަށް ވާގޮތަށް ދަނޑި ހިފަހައްޓައިގެން ހުރެ އެއިން ޖައްސައިގެންނެވެ
ބޭސް އުށް
ނ މާމުއި ކުޅަނދުރުގެ ހަތައިން ނަގައިގެން ހަދާ އުށެއް މިހުންނަނީ މަޑުދޮން ކުލައެއްގައި އެތިއެތިގަނޑަށެވެ މިއީ ދިވެހިބޭހަށާއި ފާލީސްކުރުމަށް ބޭނުންކުރާ އެއްޗެކެވެ
ބޮނޑި
ނ (1) ފޮތިފަށްތަކެއް އޮޅައިގެން ހަދައިފައި އޮންނަ ހަރު ގުޅައެއް. މިއީ ގަނޑު ފިއްލާކުޅޭއިރު ފޮރުވަން ހަދައިފައި އޮންނަ އެއްޗެކެވެ. (2) ބޮނޑިކުޅުމަށް ގެންގުޅޭ ރަބަރު ބޯޅަ. (3) މަހުގެ ކަށިފަތިކަހައިގެން ނަގާ މަހުން ގުޅަވަށައިގެން ކައްކައިދިލަ ޖައްސާފައި އޮންނަ ގުޅަ. (4) އެއްކޮށް ބަނދެފައި އޮންނަ އެއްބާވަތެއްގެ އެއްޗެހި މިސާލު: )ހ( ބިލެތްބޮނޑި )ށ( ރޯނުބޮނޑި )ނ( ފަންބޮނޑި (5) ފޯލިކޮށް ހަދައި ބޭރުގައި ފަތްލައިފައި ހުންނަ ފޮނި ހެދިކާއެއްޗެއް: ޢާއްމުކޮށް މިހަދައި އުޅެނީ ގަބުޅި ހުންޏާއި ދިވެހި ހަކުރާ އެއްކޮށް ހިލައިގެންނެވެ. މިސާލު: ހުވަދޫބޮނޑި. (6) މީހުންނާއި ޖަނަވާރުގެ ގައިގައި ޖަހާ އެތިފަހަރު. (7) ލިބޭކެހި ނުވަތަ ދޭކެހި (8) ފޮނިބޯކިބާ (9) )ސ ޏ ( ބޭނޑި )01( ވެށުން
ބޮއިލުން
މ (1) ދިޔާއެތި ފޮދެއް ދިރުވައިލުން (2) އެއްޗެއްލޮވެލުން (3) މޫދުގައި ނުވަތަ ކަނޑުގައި ބޮއިހަރުކުރުން
ބޮއްލޮއްލޯ
ނ )ސ ( (1) ތަނެއްޒީނަތްތެރިކުރާއިރު ފަންވަތުންނާއި ގަސްގަހުގެ ފަތުން ހަދައިފައި އެލުވާއެތި (2) ފުށުންހަދާފޮނިކާއެއްޗެއް
ބޮޑުދަތި
ނ ބޮޑެތި އެއްޗެހި ތިއްބާން ބިމަށްޖަހައިފައި ހުންނަ އެތިގަނޑެއްގައި ހަރުކޮށްފައި ހުންނަ ދަތި
ބޯށިގަނޑު
ނ ވިހައިގެންއުޅޭ މީހުންނަށްދޭ ދިވެހި ބޭހެއް. މިއީ ބޯށިގަހުގެ ޅަމާގަނޑުގެ އޮށާ ކުއްޅަފިލާ ލުނބޯ ނިޔަނދުރު ފަޅޯ މިގަސްގަހުގެ ޅަމުލާ ކުދިކުދިކޮށްކޮށައި މަތިކަރާ ބޭހާ ކަނަހަނދުނާ ފޮނިތޮށި ކާފޫރުތޮޅިޔާ އެއްކޮށްމޮޑެ ފުޑައި ހިމުންކޮށް ޅަރުކުގެ ކުރުއްޕަތަކަށް އަޅައި ބަނދެ އުނދުނުގެއަޅި ގަނޑުތެރޭގައި ވަޅުލައިގެން ފޮޅިކޮށް އަވީލައި ހިއްކައިގެން ހަދާ ބޭހެކެވެ ދުވާލު ދެއިރު މީގެ އެތިކޮޅެއް މާމުއިގާ ވިރުވައިގެން ބޮއެވެ