radheef.info
ރަދީފު


އެކި
ނއ އެކެއް މިސާލު. އެކިމީހުން އެކިގޭގެ އެކި ރަށްރަށް
ކައްޗާއެޅުން
މ (1) އެއްލައިފައި އޮންނަ ގުޑިއާއި މަޑިފަދަ ތަކެތި ކައްޗާދުވާން އަރިވުން (2) މަޖާޒު: މީހާ ހުންނަގޮތަށް ނުހުރެ އެކި އަތްއަތަށް ދިއުން
ކަމަރު
ނ (1) އުނަގަނޑުގައި އަޅާން ގެންގުޅޭ ބަކަލުގައި އެކި ވަރުވަރަށް ހަމަޖެއްސޭގޮތަށް ހަދައިފައި ހުންނަ ބަންދު (2) އެކިއެކި ބޭނުމަށްޓަކައި މޫނުމަތި އަޅުވައި ނެއްޓޭނޭހެން ހަދައިފައި ހުންނަ ބަންދު މިސާލު: )ހ( އަތުކުރީގަޑީކަމަރު )ށ( ތަންމަތިބަންނަކަމަރު
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކަފަހަނޑޫ
ނ ދަންޑެހެލު ބޭކަލުންނަށް ވީއްލިފައި ހުންނަ ކަލާސީ މީހާއަށާއި ހަވަރުގެ އެކިއެކި މަސައްކަތް ކުރަންވީމާ ދޮށިމޭނާ ބޭކަލަކު ބޮޑުބޭކަލުންނަށް އަންގާން ފޮނުއްވުމަށް ހުންނަ މީހާއަށް ދީއުޅުނު ބަނޑު ހަނޑޫ
ކަސްފާނަ
ނ ފާނައިގެ ބާވަތެއް މިއީ ބޮލާއި ހަށިގަނޑުގައި ގަދަކުލައެއްގެ ލައްތަކަކުން އެކިގޮތްގޮތަށް ކުރެހުން އެޅިފައި ހުންނަ މަހެކެވެ ކުދިކުދި ތިކިތަކެއް މުޅިމަހުގައި ހުރެއެވެ ނިގޫފަތުގެ ބުޑުދަށުގެ މަތީ ކައިރީގައި ކަޅުކުލައިގެ ލަފެއް ހުރެއެވެ ނިގޫފަތް ހުންނަނީ ވަށްކޮށެވެ މަހުގެ ކުލައަކީ ފަނޑު މުށިކުލައެވެ
ކަޑަ
ނ (1) އެކިއެކި ބޭނުމުގައި ބިމަށްޖަހާ ކުރުދަނޑިބުރި )މިހުންނާނީ އެއްކޮޅު ފޭއްސައިފައެވެ ( (2) އަންހެނުންގައި ހުންނާންވީ ބަނިޔާދަންކަމުގެ އިދިކޮޅު (3) އޮޑިދޯނިފަހަރު ފައްސިޔަ ބޮޑުވެގެންގޮސް ދެފުށުވައި އެޅޭގޮތްވުމަށް ކިޔާނަން
ކާރުބާރު
ނ ގިނަމީހުން އެކި ކަންތައްތަކުގައި ހަލުއިކޮށް ހެލިފެލިވެ އުޅޭ އުޅުން
ކާޅު
ނ (1) ކަޅު ކުލައިގެ ދޫންޏެވެ. މިއީ އިންސާނުން ކައިބޮއި އުޅޭ އެއްޗެއްސާއި ހަޑި ކުނި ބުންޏާއި ފުޅަ ތަކެތިވެސް ކައި އުޅޭ. ދަހި ލަދުކުޑަ އެއްޗެކެވެ. މީގެ ތުން ވަރުގަދަވެފައި ކަޅުވާނެއެވެ. ކާޅަކީ އެއްސިފައަކަށް ހަރަކާތްތެރިވެއުޅޭ އެކިއެކި ހިލަމަށްސިހޭ ހޭބަލާ ދޫންޏެކެވެ (2) ނއ މަޖާޖު: ލަދުކުޑަ (3) ބަނިޔާދަންކަން ނެތް
ކާލި
ނ (1) އެކިއެކި ބޭނުމުގައި ހުރަސްކޮށް ބަނދެފައި އޮންނަ ދެގަނޑެތި. މިސާލު: )ހ( އުއި ވަށާ ކާލި. )ށ( ވާ އަޅާން އުޅި އަނބުރާ ކާލި. (2) ރާރުކާއި ބިލެތް ކަނޑާހަރުފަދަ އެއްޗެހީގައި ބަންނަ ގަޅި (3) )ހ( ފޮތްގޮނޑި (4) ކޭލި
ކާލިގަނޑު
ނ (1) ކޯއްޓޭގެ ދެބުރިދޭތެރޭގައި ހުންނަ ބުރަފަތި. (2) އެކިގޮތްގޮތަށް ބުރަފަތިކޮށް އަޅާ ރޮނގު. (3) ރާރުކާއި ބިލެތްހަރުފަދަ އެއްޗެހީގައި ބަނދެފައި ހުންނަ ގަޅި ގަނޑު
ކާޑު
ނ (1) ކެއުމަށް ބޭނުންކުރާ މައިގަނޑު ބާވަތްތައް ކަމުގައިވާ ހަނޑޫ ހަކުރު ފުށް. (2) އެކިއެކި ބޭނުމުގައި ރީތިމިނަކަށް ހަދައިގެން ގެންގުޅޭ ބޯކަރުދާސްކޮޅު. މިސާލު: )ހ( އެޑްރެސްކާޑު. )ށ( ޕޯސްޓުކާޑު. )ނ( ދަޢުވަތުކާޑު. )ރ( ހެޔޮއެދުންތަކުގެ ކާޑު. (3) އިލެކްޓްރޯނިކް ބައެއްތަކެތީގެ ޚިދުމަތް ލިބިގަތުމަށްޓަކައި ބޭނުންކުރުމަށް ޕުލާސްޓިކުން ނުވަތަ މަޢުދަނީ އެއްޗަކުން ތުނިކޮށް ފަތިކޮށް ހަދައިފައި ހުންނަ އެއްޗެއް. މިސާލު: )ހ( ފޯނުކާޑު. )ށ( ކުރެޑިޓްކާޑް. )ނ( ތަޅުދަނޑިކާޑު. )ރ( އަވަސްފައިސާ ކާޑު. (4) މުދައު ކޮންޓްރޯލްކޮށްގެން އުޅޭ ތަންތާނގައި އެގެއަކަށްތަކެތި ގެންނަންވީ ޢަދަދު ލިޔެފައިވާ ކަރުދާސްކޮޅު. (5) މުދައު ކޮންޓްރޯލް ކޮށްގެން އުޅޭ ތަންތާނގައި މީހަކަށް ނުވަތަ ބަޔަކަށް ކޮންޓްރޯލް ޤަވާޢިދުން ދޫކޮށްފައިވާ ކާބޯތަކެތީގެ ކޮއްތު. (6) ކޮމްޕިއުޓަރުފަދަ އެއްޗެހީގައި އެކިއެކި ވާޖިބުތައް އަދާކުރުމަށްނަގައި ބަދަލު ކުރެވޭގޮތަށް ޖަހައިފައި ހުންނަ ބޯޑު (7) )ބދ ( ފިރިހެން ހަށި
ކިއެވުން
މ (1) އެއްޗެއް ކިއުން. (2) އުނގެނުން. (3) ޢިލްމުދަސްކުރުން. (4) އެކިއެކިބޭނުމަށްޓަކައި ދުންބަހައްޓައިގެން ހަދާފަންޑިތަ ހެދުން
ކިއެވެލި
ނ (1) އެކިއެކި ކަންކަމަށް ކިޔަވާން ޚާއްޞަކޮށްފައިވާ އާޔަތްތަކާއި ދުޢާތައް (2) ފަންޑިތަ ހެދުމުގެގޮތުން ކިޔަވާ ކިޔެވުން
ކިލާސް
ނ (1) މަދަރުސާގައި ކިޔަވައިދިނުމަށް އެއްކޮށް ތިބެން ކަނޑައަޅައިފައިވާ ކުދީންގެ ބައެއް (2) ފަސިންޖަރުން ދަތުރުކުރާ ރޭލާއި މަތިންދާ ބޯޓް ފަދަ އެއްޗެހީގައި ދަތުރުކުރެވެން ހުންނަ އެކި ފެންވަރުގެ ބައިބައި
ކިލާސް މުދައްރިސް
ނ ފަށާތަޢުލީމާއި ޘާނަވީ ތަޢުލީމުގެ ކިލާހާއި ބެހޭ އެކިކަންތައްތައް ބަލަހައްޓާ އިސް މުދައްރިސް
ކީމިޔާ
ނ (1) މާއްދާއެއް އެކިގޮތްގޮތަށް ބަދަލުކޮށްގެން އޭގައިވާ ޚާއްޞަ ތަބީޢަތް ހޯދަން އެނގޭ ޢިލްމު (2) ހެދިކާގެބާވަތެއް މިއީ ފުށްގަނޑު މޮޑެ އެތެރެޔަށް މަސް އަޅައިގެން ތެލުލައިފައި ހުންނަ ކުޅި ހެދިކާ އެއްޗެކެވެ
ކުށްޓަރި
ނއ އެކިއެކި ކަންތަކާ ވާކުށްވެރި މިބަސް ގިނައިން ބޭނުންކުރަނީ ކުދިކުދި ކުށުން ކުށްވެރިވީމައެވެ
ކުނބު
ނ ރިޔާ ނެގުމުގެ ބޭނުމުގައި ފުރާދުއްވާ ތަކެތީގެ މެދުތެރޭގައި ޖަހައިފައި ހުންނަ ދިގުދަނޑި ރިޔާ ނުނަގާ އެއްޗެތީގައިވެސް އެކިއެކި ބޭނުމަށްޓަކައި މިޖަހައިފައި ހުރެއެވެ
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ