radheef.info
ރަދީފު


އިހު
ނ (1) ވޭތުވެދިޔަ ޒާމާން (2) މިހާރުގެކުރި
ނިވާއެޅުން
މ އަލި ނުވަތަ ވައިހުރަސްވާގޮތް ހެދުން
ނިދިންހޭލުން
މ ހިތާއި ސިކުނޑިއާއި ހަޑިގަނޑަށް ލިބޭ ވަރުބަލިކަން ފިލުވައި އަރާމު ދިނުމަށްޓަކައި ތަބަޢީގޮތުން ހަށިގަނޑަށް އަންނަ ވަގުތީ ބަދަލު އައުމަށްފަހު އިހުހުރި ޙާލަތަށް ރުޖޫޢަވުން
ނިދިބަރުކެއުން
މ (1) ނިދީގެ އުނދަގޫތައް ލިބުން (2) ލޮލާއި ބޮލާއި ހަށިގަނޑަށް ނިދީގެ ގަދަ އިހުސާސްތައް ކުރަމުން ދިއުން
ނިދިމޯޅި
ނ (1) ނިދާ ތެދުވާއިރު ހަށިގަނޑަށް ލިބިފައިހުންނަ މޯޅިކަން (2) ނުފިލާ ހުރިނިދީގެ އަސަރު
ނީރުން
މ (1) އެއްޗެއްގެ ދެރަކަމުންނޫނީ އެއެއްޗެއް ފޫވެއްޓިގެން އޭގައިހުރި ދިޔާއެއްޗެއް މަދުމަދުން ނުކުތުން (2) ދިޔާ އެއްޗެއް މަދުމަދުން ނުކުތުން (3) ލީކުވުން
ނީވާބަތް
ނ އިނގިއްޔެއްގެ ފަލަމިނުގައި ފޯލިކޮށް ވަށައި ކެޔޮފަތަށް ލައިފައި ހުންނަ ބޮނޑިބަތެއް މިއީ އިހުގައި ބޯފޮޅި ދުވަސް ދުވަހު ބޯފޮޅިޔާއެކު ގަނޑުވަރު ތެރެއިން މިސްކިތަށް ގެންދާބަތެކެވެ
ނީދަނޑި
ނ އޮޑިފަހަރުގެ ކުނބުގެކުރީގައި ސާމޯރުޖަހަން ހިމަކޮށްފައިހުންނަ ތަންކޮޅު
ނުއިބޭސް
ނ ކަޅުދަނބުކުލައިގައި އެތިއެތިކޮޅަށް ހުންނަ ކުލަޖައްސާން ގެންގުޅޭ އެއްޗެއް މިހަދަނީ ކުދި ހިތިގަހުގެ ފަތް ފެނުއަޅައިގެންނެވެ މި ބޭހަށްވެސް ލައިއުޅެއެވެ އިހުޒަމާނުގައިވެސް ނުލުގެ ބަދަލުގައި ބޭނުން ކުރަނީވެސް މިއެވެ
ނުވަރޭފެން
ނ ވިހާތާ ނުވަދުވަސްވުމުގެ ކުރިން މިހެން ކިއުނުގޮތަކީ އިހުގައި މީހަކު ވިހައިފިނަމަ ނުވަދުވަސް ވާދެން ދުވާލަކު ތިންފަހަރު ނުވަތަ ފަސްފަހަރު އެމީހާ ފެންވަރުވާތީއެވެ މިފެންވަރުވާނީ ހޫނު ފެނުންނެވެ
ނުވާގެހީބަނދި
ނ އިހުގެ ފަންޑިތަވެރިން ގެންގުޅޭ ބަންޖެއް
ނުދޮންނަފޮތި
ނ (1) ކުކުޅުބިސް ކުލައަކަށްދާ ކުޑަކޮށް ތެޔޮގޮތް ހުންނަ ދެރަފޮއްޗެއް އިހުގައި މިފޮތި އަންނަންވެސް ގެންގުޅެއެވެ (2) އަންނަފޮތި
ނޫފަންނަދަރި
ނ ދެމަފިރިންކުރެ މީހަކަށް ލިބިފައިހުރި އަނެކެއްގެދަރި މިގޮތަށް ކިޔައި އުޅެނީ އިނދެގެން އުޅޭއިރުއެވެ
ނެއްޓުން
މ (1) ހަރުވެފައި ނުވަތަ ހަރުކޮށްފައި ހުރި އެއްޗެއް ވަކިކުރުން (2) އަޅުވާފައިހުރި އެއްޗެއް ނެގުން (3) ތަތްކޮށްފައިހުރި އެއްޗެއް ވަކިކޮށްލުން (4) ބޮލުގައި އެޅިފައިވާ ކަމަކުން ރެކިގަތުން (5) އޮޅުލުމުގައި ބައްދާފައިވާ ބެއްދުމުން ސަލާމަތްވުން (6) ނެށުން މިބަސް ކުރުވުމުގެ މާނާގައި ބުނާގޮތް (7) އެޅުވުމުގެ އިދިކޮޅު
ނެގިމަޑުވުން
މ (1) ނެގިގެންގޮސް ރިޔަލުން ވައި ހުސްވާ ވަރަށް ނެގުން. (2) މަޖާޒު: މީހަކު ކަންކަމުގައި ޙަރަކާތެރިކަން ކުޑަވެ ލަސްވެފައިހުރުން.
ނޮޅުން
މ (1) ކުދިގަސްތަކެއް އުފުރުން (2) ގަހަކުން ފަތްވަކިކުރުން (3) ތަނޑުން ފަތް އުފުރުން (4) ތޮށިދޫ މޭވާއާއި ތަރުކާރީގެ ތޮށި ފިލުވުން (5) ބަކަރި ކުކުޅުފަދަ ތަކެތީގެ ހަން ފިލުވުން (6) ދޫނިސޫފާސޫފީގެ ފަތް އުފުރުން (7) ވީދާ ވަކިއަޅާހެދުން (8) ކުކުޅުބިސްފަދަ ތަކެތިން ތޮށި ފިލުވުން (9) ހަށިގަނޑުން ފޮޅިފައިހުންނަ ހަންކޮޅުކޮޅު ނެއްޓުން
ރަހައެނގުން
މ (1) އެއްޗެއްގައިލަނީ ފޮނިރަހަކަން ލޮނުރަހަކަން ހުތްރަހަކަން ނުވަތަ ކުޅިރަހަކަން ހިތިރަހަކަން އިހުސާސްވުން (2) މަޖާޒު: އަންހެނެއްގެގޮތް ބާވަތް އެނގުން
ރަށުކަންތައް
ނ ފޮއްސިވެ ދުޅަވާ ބައްޔަށް އިހުގެ ފަންޑިތަ ވެރީން ކިޔައި އުޅުނު ނަމެއް
ރަށްމެދަށް ނެރުން
މ (1) އިހުގައި ކުށްވެރިވެގެން އަދަބު ދިނުމަށްޓަކައި ރަށްމެދަށް ގެނައުން (2) މަޖާޒު: ފަޟީޙަތް ކުރުން
ރަށްމެދު
ނ އިހުގައި ރައްޔިތުންގެ ކަންތައް ކުރާން މީހުންއެއްވާ މައިދާން
ރައިވަރުބައި
ނ ރައިވަރުގެ ހަމަޔާ ގާތްގޮތަކަށް ބަސްތަކަކުން އެކުލަވާ ލައިފައިހުންނަ ޅެން ބަހުރުވައެއް މިސާލު: ބުރުނީރައިވަރުބައި މާކެޔޮޅުކަމު ރައިވަރު