radheef.info
ރަދީފު


އަނގަ
ނ (1) ދިރިއުޅޭ ތަކެތި އެއްޗެހި ކައިއުޅޭ ގުނަވަން. (2) އެއްޗެއްގެ އެތެރެޔަށް އެއްޗެހި އަޅާން ކަނޑައިފައި ހުންނަ ތަން. (3) މުލިހި ގަނޑު ފަދަ އެއްޗެހި ފަޅައިގެންގޮސް އެތެރޭން އެއްޗެހި ނުކުންނަތަން (4) އެތެރެއަށް އެއްޗެހި އެޅޭނޭހެން ނުވަތަ އެތެރޭގައި ހުސްތަން އޮންނާނޭހެން ހުންނަ ތަކެތީގެ ތެރެޔަށް އެއްޗެހި އަޅައި ނެރެހެދޭނޭގޮތަށް ކަނޑައިފައި ނުވަތަ ކެނޑިފައި އޮންނަ ތަން
ކަހަފަތި
ނ ވަކި ބާވަތެއްގެ ބޮޑު މަހެއްގެ އަނގައިގެ ތެރޭގައި ހުންނަ ފަތި ކަށިތަކެއް: މިއީ ބޭހަށް ބޭނުންކުރާ އެއްޗެކެވެ މީގެ ތެރޭގައި ހުދުކުލައާއި ކަޅުކުލައިގެ އެއްޗެހި ހުރެއެވެ
ކަށިކޮލި
ނ ކޮލީގެ ބާވަތެއް މިއީ ލޯބޮޑު އަނގަ ކުޑަ މަހެކެވެ މުޅިމަހުގައި ތޫނުކަށިތަކެއް ހުރެއެވެ މިމަހަށް ގޯނާއެއް ކޮށްފިނަމަ މި މަސް ވަށް ބޯޅައެއްހެން ފުއްޕައިލައި ކަށިތައް ކޮޅަށް ޖަހައެވެ މިއީ ވަރަށް ވިހަގަދަ މަހެކެވެ
ކަށިމިޔަރު
ނ މިޔަރުގެ ބާވަތެއް. މިއީ ބޯކޮޅުން މެދު އުރަހައިގެ ބުޑުދޮށުގައި ކަށްޓެއް ހުންނަ ބޯކޮޅު ހިމަ އަނގަ ކުޑަ ދޮޅުރިޔަނެއް ވަރުގެ މިޔަރެކެވެ
ކަނޑިންމާއުޅާގަނޑު
ނ (1) މާލޭކަނޑިންމާ ބަންދުކޮށް ހުޅުވައިއުޅުނު ޒަމާނުގައި ދެފަރާތު ފައިކަށީގައި ޖަހައިފައި ހުރި އަރުގޯލައިގެ އުޅައްގަނޑު (2) މަޖާޒު: އަބަދު އަނގަ ގަދަކުރާމީހާ
ކަނޑުއުނިޔަ
ނ ފަރުމަހުގެ ބާވަތެއް. މިއީ ހަށިގަނޑު ފުޅާކޮށް ހުންނަ މަހެކެވެ. މިމަހުގެ ލޯ ބޮޑުވެފައި އަނގަ ކުޑަވާނެއެވެ. މަހުގެކުލައަކީ ރިހިއަޅިކުލައެވެ. މަހުގެ ކަރުތާފަތްމަތީގައްޔާއި ތުންކޮޅުގައި ނޫކުލައިގެ ތިކިތަކެއް ހުރެއެވެ
ކަނޑުމޫނު
ނ ބޭރުކަނޑަށް ނުކުންނާން އޮންނަ ކަނޑުއޮޅީގެ އަނގަމަތި
ކަނޑުގެރި
ނ ވާލަންމަސް ޢާއިލާގެމަހެއް. މިމަހުގެ ސިފައާއި އުޅުން ވާލަންމަހާއި ވަރަށް ވައްތަރުވާނެއެވެ. މިބާވަތުގެ ފިރިހެންމަހުގެ ނިތްމަތިން މަހުގެ ކުރިއަށްވާ ގޮތަށް ދަޅެއް ފަޅާފައިހުރެއެވެ. އަންހެންމަހުގެ ނިތްމަތި ހުންނަނީ ގޮތްބެއްހެން އުސްވެފައެވެ. މަހުގެ މަތީބައިގެ ކުލައަކީ ގަދައަޅިކުލައެވެ ބަނޑުދަށްފަރާތް ހުންނަނީ ފަނޑުހުދު ކުލައެއްގައެވެ މަހުގެ އަނގަ ކުޑަވާނެއެވެ ހަންގަނޑު ބޯވެފައި ކުދިކުދި ހުޅުނބުތަކެއް ހުރެއެވެ
ކަޅަހަނދި
ނ ހަނދީގެ ބާވަތެއް. މިމަހުގެ ކުލައަކީ ވަރަށް ގަދަ އަޅިކުލައަކަށްދާ ކަޅު ކުލައެކެވެ. މަހުގެ ކަރުތާފަތްގަނޑުގެ މަތީ ކައިރީގައި ކަޅުކުލައިގެ ލަފެއް ހުރެއެވެ އަނގައިގެ މަތީ ތަލީގައި ދެބަރިއަކަށް ދަތް ހުރެއެވެ
ކައިވަތުއިލޮށިނެގުން
މ ހުނަރުވެރިކަމުގެ ކުޅިވަރެއް. މިކުޅިވަރުގައި ކައިވަތެއްގެ ދިގުމިނުގެ ތިންއިލޮށިކޮޅު ކޮންމެ ދެއިލޮށިކޮޅު ދޭތެރޭ ކައިވަތެއްގެ ދުރުމިން ހުންނާނޭހެން ހަމަތާކު ބާއްވާފައި ފުރަތަމަ އިލޮށިކޮޅުގެ ދެކޮޅުގައި ދެފައިގެ ބޮޑުވާއިގިލިކުރި ޖައްސައިގެން އުޑަފައިން އިށީނދެ ދެއަތް ދެފައިގެ ދޯނގިދޮށުން ކުރިމައްޗަށްނެރެ މެދުގައިއޮތް އިލޮށިކޮޅުގެ ދެކޮޅުގައި ދެއަތުގެ ބޮޑުވައި އިނގިލި އެޅުމަށްފަހު ކުރިމަތީގައި އޮތްއިލޮށިކޮޅު އަނގައިން ނެގުން
ކައިދާ
ނ (1) އަހުގެ ލަގަން ހަރުކުރާން އަނގަޔަށް ލައްވައިފައި އޮންނަ ދަގަނޑުގަނޑު. (2) ޙަވާލުވެފައިވާ ކަމެއްގެ މައްޗަށް ލިބޭ އުޖޫރައެއް. (3) އެކިއެކި ދެރުމަށާއި އާދަކާދައިގެ ގޮތުން ނަގާތަކެތި
ކައިދާ އެޅުވުން
މ (1) ލަގަން ހަރުކުރާން އަނގަޔަށް ދަގަނޑު ގަނޑެއްލެއްވުން (2) މަޖާޒު: ކިޔަމަން ކުރުން (3) ކިޔަމަންވާނެ ގޮތް ހެދުން (4) ކޮންމެ ގޮތެއްވިޔަސް އެއްޗެއް ބުނަން ނުކެރޭނެގޮތް ހެދުން
ކައްވާދުކެނޑުން
މ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރުން. (2) ބައެއްމަސައްކަތް ކުރާއިރު ފޮތިފަދަ އެއްޗެހީގައި ފާހަގަކުރުމަށް ވީ އަކުރެއްހެން ތަންކޮޅައް ކަނޑައިލުން (3) މަޖާޒު: ތުންފަތް އަނގައިގެތެރެއަށްލައި ލައްޕައިލުން
ކައްވާދުއެޅުން
މ )ބ ( ތިރީ ތުންފަތް އަނގައިގެތެރެޔަށް ވާނޭހެން އަނގަލެއްޕުން
ކައްޓެޅި
ނ ފަރުމަހުގެ ބާވަތެއް މިއީ ދިގުކޮށް ފަތިކޮށް ހުންނަ މަހެކެވެ އަނގައާއި ލޯބޮޑެވެ މަހުގެ ދަތްތައް ކޮޅަށް އޫވެފައި ވަރުގަދައެވެ މަހުގެ ކުލައަކީ ގަދަމުށިކުލައެވެ މުޅި މަހުގައި ވައިލެޓު ކުލައިގެ އޮފެއް ހުރެއެވެ
ކަވާޖެހުން
މ ކުރަފަތަކުން ޖަހައި ލޭކޮށައިލުމަށްފަހު އެތާނގެ ހަންގަނޑުގައި ކަވާފުޅި ހިއްޕައި ފުޅީގައި ހުންނަ ލޯވަޅުގައި އަނގަޖަހައި ނުބައިވެފައި ހުންނަ ލެޔާއި ނުބައި މާއްދާތައް ދަމައިގަތުން
ކަމަޅިފެޅުން
މ ކުއްލިއަކަށް އަނގަޔާއި ނޭފަތުން މާގިނައިންލޭ އައުން މިހެން ވެއްޖެނަމަ ގިނަ ފަހަރަށް މަރުވެދެއެވެ
ކަސްމަތި
ނ (1) ފުރާދުއްވާ އެއްޗެހީގެ އަނގަމަތީގެ ކިއްސަރު (2) ބޮލުން އިސްތަށިފެޅި ހިސާބުގެ ކައިރިފަށް (3) ކައިރިފަށް
ކަޑުއޮރި
ނ ގަލު އޮރިޔަށްވުރެ ފުޅާކޮށް އަނގަކުޑަކޮށް ހުންނަމަހެއް މިއީ މަސްމީރު ފަރުމަހެކެވެ
ކިހައް
ނ (1) މިރިޔާއި ކިހަކާއި އަދި ކުރުނބާގެ ކުރީ ކޮޅުގައި އޮންނަ ކެވޭ ޅަތަން (2) ކިހާއް (3) ކިހަވައް (4) ނއ ކޭމާ އަނގަ ކުރަކިވެފައި ކަރުތެރެ ބައްދާގޮތް ހުންނަ
ކިހައްރަހަ
ނ ކޭމާ އަނގަ ކުރަކިވެފައި ކަރުބައްދާގޮތް ހުންނަ ރަހަ