radheef.info
ރަދީފު


ކޮންމެ
ނއ (1) ގިނަ އެއްޗެހިތަކެއްގެ ހުރިހައި ތަކެތި ވަކިވަކިން ބުނެދިނުމަށްޓަކައި ބޭނުންކުރާ ބަހެއް މިސާލު: ކޮންމެ ފޮތެއްގައި ނަންބަރުޖަހާށެވެ (2) ގިނަ ބައެއްގެ ތެރެއިން ހުރިހައި މީހުން ވަކިވަކިން ބުނެދިނުމަށްޓަކައި ބޭނުންކުރާބަހެއް މިސާލު: ކޮންމެ ކުއްޖަކީ ފަތަން ދަންނަ ކުއްޖަކަށް ވާންވާނެއެވެ
ނުހޮރުއްޕާންކުރުން
މ (1) ކޮންމެވެސް ކަމަކާ ހެދި ތިމާއަށް ނުލާހިކު ބޮޑަށް އުނދަގޫ ކުރުން (2) އުދަނގޫ ބޮޑުކުރުން (3) ދުއްތުރާކުރުން
ނުހޮރުއްޕާންވުން
މ (1) ކޮންމެވެސް ކަމަކާހެދި ތިމާއަށް ނުލާހިކު ބޮޑަށް އުނދަގޫވުން (2) އުނދަގޫބޮޑުވުން (3) ދުއްތުރާވުން
ނުކުޅަދާނަވުން
މ (1) ލާހިކުވާވަރުނުވުން (2) ކޮންމެވެސް ފަރާތަކުން ލިބޭ އުނދަގުލަކަށް ކެތްވާވަރުނުވުން (3) ނުހޮރުއްޕާންވުން
ނޭވާހާސްވުން
މ ކޮންމެވެސް ސަބަބަކާއި ހެދި ނޭވާލާން ދަތިވުން ނުވަތަ ނޭވާނުލެވުން
ރައްކަލެ
ނ )ގ ( ރީނދޫކުލައިގެ ކުޑަމަހެއް ދެފަރާތުން ކުރެ ކޮންމެ ފަރާތެއްގައި ކަޅުތިއްކެއް ހުންނާނެއެވެ
ރަތްކަނދޮޅު
ނ ކަނދޮޅުގެ ބާވަތެއް. މީގެ ފަތްތައް ވަރިބޯވެފައި ހިމަދިގުވާނެއެވެ. މިއީ ފަތްތަކުގެ މަތީފުށް ގަދަފެހިކުލައިގައި ދަށްފުށް ރަތްދަނބުކުލައިގައި ހުންނަ ގަހެކެވެ. ހެދެމުންދަނީ ފީނިވަމުން ވަރުގަދަކޮށެވެ. މާ ނިކުންނާނީ ކޮންމެ ފަތެއްގެ ބުޑުންނެވެ. މާ ހުންނާނީ ރިނދައްޔާ ވައްތަރު ތޫރިއެއް ތެރޭގައެވެ. މީގެތެރޭގައި ހުންނަނީ ހުދުކުލައިގެ ތިންފިޔަލީ ވަރަށް ކުޑަކުޑަ ދެތިންމަލެވެ
ރިތްގަނޑު ބިނދުން
މ މަޖާޒު: ހިތާވާމީހާ ގާތަށް ފޮނުވާން ގެންގުޅުނު ސިއްރުވެރިޔާއަށް ކޮންމެވެސްކަމެއް ޖެހިގެން އެކަމަށް ހުއްޓުން އެރުން
ރިޔަލުއުޅަނދު
ނ ރިޔާނަގައިގެން ކަނޑުމަތީގައި ދުއްވާ ކޮންމެއެއްޗެއް
ރޫޅުން
މ (1) އެއްވެފައި ނުވަތަ ހަދައިފައިހުރި އެއްޗެއްގެ ބައިތައް ވަކިވަކިވުން (2) ނެއްތައިލުން މިބަސް މީންކޮންމެ މާނައެއްގައި ރައްދުވާ ގޮތަށާއި ރައްދުނުވާގޮތަށް ބޭނުންކުރެވެއެވެ (3) ވިއްސިވިހާލިވުން (4) އެއްވެފައިވާ ބަޔަކު ތިބިތާކުން ދުރަށްދިޔުން (5) މަޖާޒު: ހަށިގަނޑު ހެދިބޮޑުވެލުން
ރޯނުއެދުރު
ނ ކަންތައްކުރާން ރަނގަޅަށް ނޭނގިހުރެ ކޮންމެ ކަމެއްވެސް ދަންނަކަމަށް ހެދިގެން އެކަމެއްކޮށް އުޅޭމީހާ
ރޯދި
ނ (1) ފައިދާއެއް ހާޞިލުވާ ކޮންމެއެއްޗެއް (2) ކާބޯތަކެތި (3) ރިޒުޤު
ބަންޑާރަބެލުން
ނ މަޖާޒު: ކޮންމެހެން ބަލަހައްޓަން ޖެހޭކަމެއް ބެލެހެއްޓުމުގައި ފަރުވާކުޑަކުރުން
ބަންޑާރަދުރޯ
ނ ދުރޯއިން ބަންޑާރަޔަށް ލިބޭބައި. މިއީ ދުރޯއަށް )ޖުރުމަނާއަށް( ނެގޭލާރި ހަތްބައިކޮށްފައި ހަވަރުގެ ހަބަޔަށް ކޮންމެ ބަޔަކަށް 7/1 ބައި މަގުން ނަގައިފައި ހަތްވަނަޔަށް އޮންނަ ބަންޑާރަ ބައެވެ މިލާރިބަހާނީ އަހަރަކު އެއްފަހަރުއެވެ
ބަކަރިބައިކުރުން
މ ހަތަރުބިތަށް ބޮލި އަތުރައިގެން ކުޅޭ ހިކްމަތްތެރި ކުޅިވަރެއް މީގައި ކޮންމެ ބިތެއްގައި ނުވަފުއް ބަހައްޓައިގެން ޖުމުލައިން މަދުކޮށް ގިނަކޮށް ހަދައެވެ
ބައިކޯޓު
ނ ކޮންމެވެސް ސަބަބަކާއި ހުރެ ނުރުހިގެން ބަޔަކަށް ދަތިކުރުމުގެ ގޮތުން އެބަޔަކާއި ހުރި ގުޅުންތައް ވަގުތީ ގޮތުން ކަނޑައިލާ ކަނޑައިލުން
ބައިކޯޓް ކުރުން
މ ކޮންމެވެސް ސަބަބަކާއި ހުރެ ނުރުހިގެން ބަޔަކަށް ދަތިކުރާން އެބަޔަކާ ހުރި ގުޅުންތައް ވަގުތީ ގޮތުން ކަނޑައިލުން
ބަދަބަދަވެޔޮ
ނ ތަނޑުގަނޑު ހަތަރުއަރިއަށް ބަދަބަދައަށް ހުންނަވެލެއް މީގެ ކޮންމެ ބަދައަކުން ކުޑަފަތެއް ފަޅަމުން ހެދެއެވެ މިހެދެނީ ވެލަނބުލިވެޔޮ ފާޑަށެވެ މިވެލުގެ ތަނޑުގަނޑު ވަރަށް މަޑުވާނެއެވެ
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބަޖިޔާ
ނ ތިނެސްކަން ހުންނަ ލޮނު ހެދިކާ އެއްޗެއް މިހަދަނީ ގޮދަން ފުށުން ރޮށިދަމައި ކުޑަކޮށް އަލިފާނުގެ ހޫނުން ހިއްކާލައި ރޮށިހަތަރު ބަޔަށްބައިކޮށް މިއިން ކޮންމެ ބަޔަކުން ތިންކަނަށް ވާގޮތަށް ގޮށްޓެއް ތައްޔާރުކޮށް އެގޮށްޓަށް ގިލެތުގައި ރޯފިލުވައިފައި ހުރިމަހުން މަސްއަޅައި ބަންދުކުރުމަށް ފަހު ތެލުލައިގެންނެވެ މިފިހެފައިވެސް ހުރެއެވެ
ބާ
ނ (1) ތާނާއިގެ ފަސްވަނަ އަކުރަށް ކިޔާނަން. ނއ. (2) ބައު. (3) އާކަމުގެ އިދިކޮޅު. (4) ގިނަދުވަސްވެފައިވާ. (5) ގެންގުޅެފައިވާ. (6) ނ. ލަކުޑިއަށް ގެއްލުމެއް ލިބިގެން ހެދޭ ހޮއި ނުވަތަ ވާ ފީ. (7) އެއްޗަކަށް ގެއްލުމެއް ލިބިގެން ފޫގޮސްފައިވާ ލޯވަޅު. (8) އަންހެންލޯފިނދު. (9) ކުޑަކުދިންގެ ބަހުގައި ކީރިތި ޤުރުއާން ނުވަތަ ލިޔެފައި އޮންނަ ކޮންމެ އެއްޗެއް. )01( ބައެއް ސުއާލު ކުރާއިރު ފަހަތަށް ގެންނަ އަކުރެއް. މިސާލު: މިގޭގައި މީހަކުއުޅޭބާ ގަންނާނެއްބާ