radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
މިންކެނޑުން
މ (1) އެއްޗެއްގައި ހުރި ދިޔާ ނުވަތަ އޮލަ އެއްޗެއްގެ މިންވަރު ބެލުމަށް ކުރާ ކަމެއް (2) އެއްޗެއް ވަކި ވަރަކަށް ބައިބައިކޮށްފައި ފާހަގަޖެހުން މިސާލު: ފުޅީގެ މިންކެނޑުން ތަށީގެ މިންކެނޑުން
މިންއެޅުން
މ މިންގަނޑެއްގެ ބޭނުންކޮށްގެން އެއްޗެއްގައި ނުވަތަ ތަނެއްގައި ހުރިވަރު ބެލުން
ފަތާ
ނ (1) އެމުގެ ބާވަތެއް. (2) ނއ. ފަތިކޮށް ހުންނަ ނުވަތަ ތިލަކޮށް ހުންނަ ތަށި މިސާލު: ފަތާތަށި (3) "ފެތުން" މިބަހުގެ އަމުރު މިސާލު: ބާރަށް ފަތާ! (4) ފެތުން މިބަހުގެ ވޭވޭހުރިކަން މިސާލު: އޭނާ ކޮންމެ ދުވަހަކު ފަތާ (5) )ޏ ( ފެންފޯއްރުކުގެ ފާޅަ
ފަތާތަށި
ނ ތިލަކޮށް ހުންނަތަށި
ފަތި
ނއ (1) ތުނި. (2) )ނ.( ސަފު. (3) އެކައްޗާޖެހި އަނެކަތި އަމުނައި ފައި އޮންނަ އެތި. މިސާލު: މާފަތި މަސްފަތި (4) ދެފޮތިގަނޑެއް ގުޅުމަށް ނުވަތަ ފޮތިގަނޑުގެ ދެފަރާތް ހިފާލަން ޖަހާ ރޮދި (5) ވަކަރު ނުވަތަ ލަކުޑި ނުވަތަ އެނޫންވެސް އެއްޗެއްގެ ހަނިދިގުކޮށް ތުނިކޮށް ހުންނަ ބައިބައި
ފަތިހަށި
ނއ ހަށިގަނޑު ތުނިކޮށް ހުރި
ފަތިހަށިކަން
ނއނ ހަށިގަނޑު ތުނިކޮށް ހުރިކަން
ފަތިފީރު
ނ ފީރުގެ ފަތިކޮށް ހުންނަ ވައްތަރު
ފަތިފުށްކިޔުން
މ (1) މީހަކަށް ކުރެވިފައިވާ ލަދުގަންނަންޖެހޭ ކަހަލަ ދެރަކަންތަކުގެ ވާހަކަ ހާމަކޮށް ދެއްކުން (2) ބަދުނާމު ކުރުން
ފަތިތަށި
ނ (1) ކުދިކޮށް ތިލަކޮށް ހުންނަތަށި (2) ޖޯޑުގެ ވަތުތަށި
ފަތިގަނޑު ފިރުކާލެވޭވަރުންވުން
މ މަޖާޒު: ކަމެއްގައި މީހަކާ ވާދަކޮށްލެވޭ ވަރު ނުވުން
ފަތިގަނޑުޖެހުން
މ ކުޅޭ ކުޅިވަރެއް. މިއީ ގާތްގަނޑަކަށް ކައިވަތެއްގެ ދިގު ދެއިންޗި ފުޅާ ހޮޅިކޮށް އޮންނަ ހަތަރުގަނޑު ފަތިން ކުރެ އަތެއްގެ ތެރެއަށް ދެގަނޑު ފަތިލައިގެން ދެގަނޑު ދެގަނޑަށް ވަކިހަމައަކަށް ޖަހަމުން ކުޅޭ ކުޅިވަރެކެވެ. މިހަދައިފައި ހުންނަނީ އޮނުން ނުވަތަ ލަކުޑީންނެވެ. މި ކުޅިވަރު ކުޅެނީ ބަނޑިޔާ ނުވަތަ ޑަބިޔާ ޖަހައި ލަވަކިޔައިފައެވެ އަދި ޑަބިޔަލާއި ބަނޑިޔަލާއި ދޭތި ޖަހައިފައިވެސް މި ކުޅިވަރު ކުޅެއެވެ
ފަތިސްދަޅަ
ނ (1) ފަތިސްވަގުތު (2) ފަތިހަށް ދޮންކޮށްލައިފައި އޮންނަ ވަގުތު
ފަތިޖެހުން
މ ދެގަނޑުފޮތި އެއްކޮށްފައި ނުވަތަ ފޮތިގަނޑެއް މަޅައިލައިފައި ރޮދިޖެހުން
ފަތުންފަތްފަޅާ
ނ ފަތުގެ ކައިރި ފަށުގައި ހުންނަ އޮށަކުން ގަސްފަޅާ ފަތްބޯކޮށް ހުންނަ ދެތިން ފޫޓަކަށް ހެދޭ ގަހެއް
ހައް
ނ (1) ދިގުއޮޑިކޮށް އޮންނަ ލަކުޑިކޮޅެއްގައި ދެލޯވަޅު ތޮރުފާފައި އެއްލޯވަޅުން ކުސަފުރާފައި އަނެއް ލޯވަޅުން ވާލައްވާން ހުންނަ ކައްޕިފަދަ އެއްޗެއް. (2) ގުޑިވައިގައި ހިއްޕުމަށްޓަކައި ދަނޑިއެއްގެ ކުރީގައި ހަކެއްފަދަ އެއްޗެއް ހަރުކޮށް އެއަށް ދިދައިގެ ވާ ފަދައިން ވަލެއްލައްވައި ކޮޅަށް ޖަހައިފައި ހުންނަ ދިގު ދަނޑި (3) ސަންގު (4) ސަންގާ ވައްތަރު ކޮންމެ އެއްޗެއް
ހައްބަމުކައްބަވެސް ނެތުން
ގބ މީހެއްގެ އަތުގައި އެއްވެސް އެއްޗެއް ނެތްކަން ގަދަކޮށްލުމަށް ބުނެއުޅޭ ބަހެއް މިސާލު: އޭނާގެ އަތުގައި ހައްބަ މުކައްބަވެސް ނެތެވެ
ހައްދު
ނ (1) ޒިނޭކުރުމުން ނުވަތަ ރާބުއިމުން އެމީހާގެ ގައިގައި ދުއްރައިން ތަޅާތެޅުން. (2) މީހަކާ ދިމާއަށް ޒިނޭކޮށް ފިޔޭ ބުނެ ޒިނޭ ސާބިތުނުވީމާ އެބުނި މީހާގެ ގައިގައި ދުއްރައިން ތަޅާތެޅުން. (3) މިން. (4) ހިސާބު. މިސާލު: )ހ( ހައްދުފަހަނަޅައި ހިނގައްޖެއޭ ބުނެފިނަމަ އެއީ މިނަށްވުރެ އިތުރަށް ދިޔައީއެވެ )ށ( މީނާ ދުންބުއިމުގެ ހައްދެއްނެތޭ ބުނެފިނަމަ އެއީ ދުންބުއިމުގެ ވަކިމިންވަރެއްނެތީއެވެ
ހައްޔަރު
ނ (1) މީހަކު ނުވަތަ އެއްޗެއް ތަނެއްގައި ކޮށްފައިވާ ބަންދު (2) އަމިއްލަވެގެން އުޅުނަ ނުދިނުމަށް ކުރާބަންދު (3) މާބަނޑުކަން
ހައްޕު
އކ (1) އަނގައިން ނުބުނާން ޤަސްދުކޮށްގެން ހުރިކަން އަންގައިލުމަށް ބުނެއުޅޭބަހެއް. މިސާލު: އަހަރެން ހައްޕު ކިޔައިފީމޭ ބުނެފިނަމަ އެއީ އަހަރެން އަނގަޔަކުން ނުބުނާނަމޭ (2) މަޖާޒު: ކަމަކުން ދުރުވެހުރިކަން އަންގައިލުމަށް ބުނެއުޅޭބަހެއް މިސާލު: "ތިޔަކަމަށް ހައްޕު ކިޔައިފީމޭ" ބުނެފިނަމަ އޭގެމާނަޔަކީ ތިޔަކަމުން ދުރުވެގެން ފީމޭ