radheef.info
ރަދީފު


ކަރު
ނ (1) ބޮލާއި ހަށިގަނޑާއި ދޭތެރެ. (2) ދަތްދޮޅިޔާއި ލަގޮނޑިވަޅާ ދޭތެރެ. (3) ބަނޑިޔާ ނުވަތަ ފުޅި ފަދަ ބައެއް ކަންވާރުގެ މަތީން ހިމަކޮށްލައިފައި ހުންނަ ހިސާބު. (4) ޝަރުބަތާއި ދިވެހި ހަކުރުފަދަ ފޮނިތަކެތީގެ ތެރޭގައި ފުއްފުކަށް ގަނޑުގަނޑަށް ހެދޭ ހަކުރު. (5) ބައެއް މޭވާއާއި ތަރުކާރީގެ އެތެރޭގައި އޮށްތައް ހަރުލައިފައި އޮންނަ މަޑުތަން. (6) ބައެއް ޒާތުގެ މޭވާއާއި ތަރުކާރީގެ އެތެރޭގައި ހަރުކޮށް އޮންނަ ކާންބޭނުން ނުކުރާތަން (7) ލިބާހުގައި ބޮލުން ވައްޓައިލާން ކަނޑާތަން (8) ލިބާހުގައި ބޮލުން ވައްޓައިލާން ކަނޑާތަނުން ނަގާފޮތިކޮޅު (9) ނައިބޮލީގެ އެތެރޭގައި ފަށްފަށަށް ހުންނަ ހަރުތަންތަން )01( މަސް ބައްދަން ފަޅުތެރޭގައި ހަދާ ގޮނީގެ އަނގަމަތީގެ ހިމަތަން (11) ކާށިހުންޏާއި ތެޔޮ އަޅައިގެން ހަދާ ކާއެއްޗެއްސާއި ތެލަށް އަންނަ ނުބައިކަމެއް
މ ރުޅިއައިސްގެން އަޑުގަދަކޮށް ވާހަކަދައްކައި ހަޅޭލުމަށް ހުތުރު ބަހުން ބުނާގޮތް ކަރުފެލުން
ކަރުފޮޅު
ނ ކަރުގެ ބައްޔެއް މިއީ ކުއްލިއަކަށް ނަގާ ފޮޅެކެވެ މިއީ ވަރަށް ނުރައްކާތެރި ބައްޔެކެވެ
ކަރުފޮތި
ނ މަސްދޯނީގެ ފިލާގަނޑުގެ ފަހުފޮތި
ކަރުފޮޑެ
ނ )ގ ( ކަރުފޮޅު
ކަރުދަންޖެހުން
މ މަޖާޒު: ތިމާގެ އަބުރަށް ނުވަތަ ހަށިގަނޑަށް ގެއްލުން ލިބޭ ހިސާބަށް ކަމަކާހެދި އުޅުމަށް ބުނެ އުޅޭ ބަހެއް
ކަރުދާހުކުނާ
ނ ތުނޑުކުނަލުގެ މޮޅު ބާވަތެއް
ކަރުދާސް
ނ (1) ގަސްގަހާއި ފައިބަރު ހުންނަ އެހެން ތަކެތިން ތައްޔާރުކޮށްފައި ހުންނަ ތުނިގަނޑު މިބޭނުން ކުރަނީ ލިޔާށާއި ކުރަހާށާއި ޗާޕުކުރާށެވެ (2) ސެމިނާ ފަދަ ބައްދަލުވުންތަކަށް ހުށަހެޅުމަށް ވަކި މައިގަނޑު ނަމެއްގެ މައްޗަށް ތައްޔާރުކޮށްފައިވާ ދިރާސާ
ކަރުދާސްކަފާދަތި
ނ ކަރުދާސް ކެފުމަށްޓަކައި ހަދައިފައި ހުންނަ އާލަތެއް
ކަރުދެމުން
މ (1) މާބޮޑަށް ބޭނުންވެފައިވާ އެއްޗަކާ ދިމާއަށް ހަރުކޮށް ހިނގައިފައި ނުވަތަ އުދުހިފައި ދިއުން (2) މަޖާޒު: މާބޮޑަށް ބޭނުންވެފައިވާ އެއްޗެއް ނުލިބިގެން އެ އެއްޗެއް ފެންނަ ހިސާބުގައި ބަލަ ބަލައިފައި އެނބުރުން
ކަރުތާ
ނ ޕޯސްޓާ ވަކިންގެންދާ ސިޓީތައް އަޅައިފައި އޮންނަ ކޮތަޅު
ކަރުތާފަތު ވިހަ
ނ ކަރުފަތުވިހަ
ކަރުތާފަތް
ނ ކަރުގެ އެތެރޭން ދެފަރާތުގައި ހުންނަ ފަށަލަތައް
ކަރުތާފަތްގަނޑު
ނ މަހުގެ ކަރުތާފަތުގެ ބޭރުން އޮންނަ ބޯހުޅުނބު ގަނޑެއް ކަހަލަ ފަށެއް ނޭވާލާއިރު އެފަށް ހުޅުވި ލެއްޕިވާނެއެވެ
ކަރުތެރެ
ނ ކަރުގެ އެތެރެޔަށް ވީހިސާބު
ކަރުތެޔޮ
ނ ގިނަދުވަސް ވެގެން ނުބައިވެފައި ހުންނަތެޔޮ
ކަރުތެޔޮފުޅި
ނ )މ ( ތެޔޮފުޅިހިކާ
ކަރުލުން
މ (1) ސަރުބަތާއި ދިވެހި ހަކުރުފަދަ ތަކެތީގައި ގަނޑުގަނޑަށާއި ފުއްފުކަށް ހަކުރު އުފެދުން (2) ބޮނޑިއާއި މެޓާ ފަދަ ތަކެތި ހިލައި ވަރުވެގެން ބާލަން ވީމާ ދޯބުރާލިހަކުރު ނުވަތަ ނަބާޒު ހަކުރު މުގުރައިފައި އެޅުން (3) ދިވެހި ހަކުރު ކަރުލާގޮތް ހެދުން
ކަރުގަނޑު
ނ (1) މާމަލުގެ ފިޔަތަކުގެ ތެރޭ މެދުގައި ފިޔަތައް ތަތްވެފައި އޮންނަބައި (2) ބައެއް މޭވާގެ އެތެރޭގައި އޮށްތައް ތަތްވެފައި އޮންނަ މަޑުތަން
ކަރުގައި އަޅައިގަތުން
މ ދިރުވައިލި އެއްޗެއް ކަރުތެރޭގައި ތާށިވުން
ކަރުގައިއެޅުން
މ (1) ދިރުވާލި އެއްޗެއް ކަރުތެރޭގައި ތާށިވުން (2) ކަނދުރާގައި އެއްޗެއް އެލުވުން (3) މަޖާޒު: ނުރުހެވޭ ކަމަކާ ހަވާލުވާން ޖެހުމުން ބުނެއުޅޭގޮތް