radheef.info
ރަދީފު


ކަނޑުކޮޅު
ނ ކަނޑުއޮޅި ބޭރަށްގޮސް ނިމޭތަން
ކަނޑުކޮއްޓި
ނ ކަނޑުމަތީދޫންޏެއް މިއީ ކަޅުކުލައިގެ ކުޑަވަރަކު ދޫންޏެކެވެ މި އުދުހޭނީ ތިރިތިރިން ކަނޑުގައިޖެހޭ ހިސާބުންނެވެ މަޑުއިރަށް ކަނޑަށް ފީނައިވެސް އުޅެއެވެ
ކަނޑުކޮތަރު
ނ )ޅ ( ބޮޑުމުގުރާން
ކަނޑުކޮސް
ނ (1) ކަނޑުގައި އެއްކޮޅު ހިއްލިފައި ދެފެންދޭތެރޭ ހުންނަ އެތިކޮޅު (2) މަޖާޒު: ތާކުންތާކު ނުޖެހޭ މީހާ
ކަނޑުއަނގަމަތި
ނ ކަނޑުމޫނު
ކަނޑުއުނިޔަ
ނ ފަރުމަހުގެ ބާވަތެއް. މިއީ ހަށިގަނޑު ފުޅާކޮށް ހުންނަ މަހެކެވެ. މިމަހުގެ ލޯ ބޮޑުވެފައި އަނގަ ކުޑަވާނެއެވެ. މަހުގެކުލައަކީ ރިހިއަޅިކުލައެވެ. މަހުގެ ކަރުތާފަތްމަތީގައްޔާއި ތުންކޮޅުގައި ނޫކުލައިގެ ތިކިތަކެއް ހުރެއެވެ
ކަނޑުއެންދި
ނ )ރ ( ކަނޑުކޮއްޓި
ކަނޑުއޮޅި ދަތުރު
ނ މީހަކު ނުވަތަ ސިޓީއެއް ފަދައެއްޗެއް ގެންގޮސްލާން އެއްރަށުން އަނެއްރަށަށް ކުރާ ބަންޑާރަ ދަތުރު މިދަތުރުގައި ގެންދަންވީ އެއްޗެއް އެންމެ ކައިރީގައި އޮންނަ ރަށަށް ފުރާތަކުރުމުން އެ ބައެއްގެ ކިބައިން ނިމުނީއެވެ
ކަނޑުއޮޅި ގިރާކުރުން
މ ކަނޑުއޮޅި ކަޑައްތުކޮށް ދިއުން
ކަނޑުވަނުން
މ (1) ތޮށިނެތިފަޅު ތެރެއަށް ކަނޑުއައިސްވަދެފައިވުން (2) މަޖާޒު: ވަކިމިންވަރެއްނެތި އެއްޗެހިލިބޭގޮތް މެދުވެރިވުން
ކަނޑުވައިލުން
މ (1) ވަކިކޮށްލުން. (2) މަސްވެރިންގެ އިސްޠިލާޙުގައި މަސްބާނާއިރު ދޯންޏަށް ވެއްޓޭނެހެން ބުޅިން މަސް ވަކިކޮށްލުން (3) "ކެނޑުން" މިބަސް ކުރުވުމުގެ މާނައިގައި ބުނާގޮތް
ކަނޑުވުން
މ ފުރައިގެންދާ އެތިގަނޑު ކަނޑަށްފެތުން ނުވަތަ މީހާ ކަނޑަށްވެއްޓުން
ކަނޑުމަތި
ނ (1) ކަނޑުގެފެންމަތި (2) ކަނޑުގެތެރޭން އެކިސިފަސިފައިގައި ރޭގަނޑަށްފެންނަ ރެދަންލާ މާއްދާއެއް ބައެއްފަހަރަށް އޮޑިދޯނި ފަހަރުގެ ކުނބާއި ވާވެލާވެލި ފަދަ ތަންތަނުންވެސް މިރެދަން ފާޅުވެއެވެ މިއީ ޖައްވުގައިހުންނަ ހަކަތައިގެބާރުން ދިއްލޭ ދިއްލުން ތަކެކެވެ
ކަނޑުމަތިއެޅުން
މ (1) "ކަނޑުމަތީގެ އުނދަގޫފެނުން (2) "ކަނޑުމަތި" ބަލާ!
ކަނޑުމަސް
ނ ކަޅުބިލަމަސް ކަންނެލި ލައްޓި ރާގޮނޑި މިހަތަރު ބާވަތުގެމަސް
ކަނޑުމުޅަދެވި
ނ ބުނެވޭގޮތުގައި ޚިޔާލީ ދެތްވެއް މިއީ މީހުނަށް ބަލިޖައްސާ ދެތްވެކެވެ
ކަނޑުމޫނު
ނ ބޭރުކަނޑަށް ނުކުންނާން އޮންނަ ކަނޑުއޮޅީގެ އަނގަމަތި
ކަނޑުފަޅުފީނުން
މ މަޖާޒު: މަހަށް ފަރަށް ދިއުމުގެ މަސައްކަތްކުރުން
ކަނޑުފާނު
ނ )އ ( ކަނޑުހާ
ކަނޑުފެނުއެޅުން
މ އަލަށް ބާލާ އޮޑިދޯނި ފަހަރު ކަނޑަށްނެރުން