radheef.info
ރަދީފު


ކަހަ
ނ ބދ ވާހަކަ
ބުޅިފަތި
ނ ކަހަނބަށް ފައްތާން ގެންގުޅޭ ބުޅިތައް ހަރުކޮށްފައި އޮންނަބަރިގަނޑު
ބެނޑި
ނ )ސ ( (1) އައްޑޫ ބޮނޑި (2) ވަށްކޮށް ފޮތިން ފަހައިފައި އޮންނަ ކުޅެން ގެންގުޅޭ ގުޅައެއް (3) މަހުގެ ކަށިފޮތި ކަހައިގެން ހަދައި ހިއްކައިފައި ހުންނަ ގުޅަ (4) އެއްބާވަތެއްގެ އެތައް އެއްޗެއް އެއްކޮށް ބަނދެފައި އޮންނަ ބަންޑެލި (5) ފޯލިކޮށް ހަދައި ބޭރުގައި ފަތްލައިފައި ހުންނަ ފޮނިކާއެއްޗެއް
ބޭލުން
މ (1) މަތީގައި ހުރިއެއްޗެއް ތިރިކުރުން. (2) އެއްގަމުގައި އޮތްއެއްޗެއް ކޮށްޕައި މޫދަށް ނުވަތަ ފެންގަނޑަކަށްލުން (3) ހަށިގަނޑުން ފަޅައިފައި ހުންނަ އިސްތައްޓާއި ގެރިބަކަރިފަދަ ޖަނަވާރުގެ ކެހެރި ތޫނު އެއްޗަކުން ކަހައި ފިލުވުން (4) ދަތުރުކޮށްފައި އައިމީހަކު އެއްގަމަށް ގެނައުން (5) ރަށުންބޭރަށް އަންނަމީހަކު ރަށުގައި ނުވަތަ ގެއެއްގައި ބެހެއްޓުން (6) އުޅަނދަކުން މީހަކު ނުވަތަ އެއްޗެއް އެއްގަމަށް ނުވަތަ އެހެން އެއްޗަކަށް ނުވަތަ ތަނަކަށް ގެންދިއުން (7) ދަތުރު ފަތުރު ކުރާ އުޅަނދަކުން ތަކެއްޗާއި މީހުން ހުސްކުރުން (8) ރަށެއްގައި ދިރިއުޅޭބަޔަކު އެރަށުން ބޭރުކުރުން (9) އެހެލުމުގެ އިދިކޮޅު )01( ކުޅިވަރުކުޅޭ ދަނޑަކުން ނުވަތަ ކޯޓަކުން މީހުން ނުވަތަ ބަޔަކު ބޭރުކުރުން
ބޮށިގަނޑު
ނ (1) ބޯށިގަނޑު (2) )މ ޅ ( ވެލަޔާއި ކަހަނބުގެ ތޮށިގަނޑު
ބޮނޑި
ނ (1) ފޮތިފަށްތަކެއް އޮޅައިގެން ހަދައިފައި އޮންނަ ހަރު ގުޅައެއް. މިއީ ގަނޑު ފިއްލާކުޅޭއިރު ފޮރުވަން ހަދައިފައި އޮންނަ އެއްޗެކެވެ. (2) ބޮނޑިކުޅުމަށް ގެންގުޅޭ ރަބަރު ބޯޅަ. (3) މަހުގެ ކަށިފަތިކަހައިގެން ނަގާ މަހުން ގުޅަވަށައިގެން ކައްކައިދިލަ ޖައްސާފައި އޮންނަ ގުޅަ. (4) އެއްކޮށް ބަނދެފައި އޮންނަ އެއްބާވަތެއްގެ އެއްޗެހި މިސާލު: )ހ( ބިލެތްބޮނޑި )ށ( ރޯނުބޮނޑި )ނ( ފަންބޮނޑި (5) ފޯލިކޮށް ހަދައި ބޭރުގައި ފަތްލައިފައި ހުންނަ ފޮނި ހެދިކާއެއްޗެއް: ޢާއްމުކޮށް މިހަދައި އުޅެނީ ގަބުޅި ހުންޏާއި ދިވެހި ހަކުރާ އެއްކޮށް ހިލައިގެންނެވެ. މިސާލު: ހުވަދޫބޮނޑި. (6) މީހުންނާއި ޖަނަވާރުގެ ގައިގައި ޖަހާ އެތިފަހަރު. (7) ލިބޭކެހި ނުވަތަ ދޭކެހި (8) ފޮނިބޯކިބާ (9) )ސ ޏ ( ބޭނޑި )01( ވެށުން
ބޮނޑިބަތްބޮލި
ނ ބޮލީގެ ބާވަތެއް. މިއީ ދޮޅު އިންޗިއެއްހާ ބޮޑުމިނުގެ ތޮށިގަނޑު ވަރަށް ބޯކޮށް ހުންނަ ބޮއްޔެކެވެ މިބޮލީގެ ބުރިކަށިމަތި ހުންނަނީ ދޮންކުލައިގެ ތިކިތަކަކުން މާތަކެއް ޖަހައިފައި ހުންނަ ކަހަލަ ގޮތަކަށެވެ މިތިކިތައް ހުންނަގޮތުން ވައްތަރުވާނީ ކުދިބަތު ބޮނޑިބަތް ތައްޓަށް އަޅައިފައި ހުންނައިރު ފެންނަ ގޮތާއެވެ
ބޮޑުފިނިހައްގަސް
ނ ރާނބާގަސް ފާޑަށްހެދޭ ފަތުގައި ދޮންރޮނގު ހުންނަ ގަހެއް ބޮޑުފިނިހައް މާލެ ގެނެވުނީ މިކަހަލަ ގަހެއްގައިކަމަށް ބުނެއެވެ
ބޯބޭލުން
މ ރޭޒަރު ނުވަތަ ކުރަފަތް ތޫނުއެއްޗަކުން ކަހައިބޮލުގެ އިސްތަށިތައް ފިލުވުން
ބޯބޮޑުކަން
ނއނ (1) ފައިދާއެއްވާކަހަލަ ކަންތަކުން ފައިދާނަގާން އެނގޭކަން (2) ބުއްދިގަދަކަން
ބޯބޮޑުވުން
މަޖާޒު: (1) ފައިދާއެއް ވާކަހަލަކަންތަކުން ފައިދާ ނަގަން އެނގުން (2) ބުއްދިގަދަވުން
ބޯވަދިލަމަސް
ނ ބޯވަޢާއިލާގެ މަހެއް މިމަހުގެ ކުރީކޮޅުގައި ބޯވައިގައި ހުންނަ ކަހަލަ އުންފަޅައިފައިވާ ކުދިފައިތަކެއް ހުރެއެވެ މަހުގެ ހަށިގަނޑު ހުންނަނީ ފަތިކޮށެވެ އަދި ބޯވަޔާއެއްގެބީދައިން ކުލަބަދަލު ކުރެއެވެ
ބޯޑު
ނ (1) އެކި ބާވަތުގެ ލިޔުމާއި ނިޝާނާއި އިޢުލާން ފަދަ އެއްޗެހި ލިޔެ ހިއްޕަން ނުވަތަ އެނޫންވެސް ގޮތަކުން ހަރުކުރަން ހަދައިފައި ހުންނަ ފިލާ. (2) ވަކިކަމަކަށް ޚާއްޞަކޮށްގެން ކަމަކަށް ޢައްޔަންކޮށްފައިވާ ރިޔާސަތަކާ އުޞޫލުތަކެއްގެ ދަށުން ހިންގާ ބައެއް ކަހަލަ ކޮމިޓީ ނުވަތަ އިދާރާ
ކަހަނބުކޮކާ
ނ )ޅ ( ކަހަނބާ ވައްތަރު ގޮތަކަށް ބުރަކަށި މަތި އޮމާންކޮށް ހުންނަ ބޮޑު މެއްސެއްވަރުގެ އުދުހޭ އެއްޗެއް މިއީ ފީވެފައި ހުންނަ ލަކުޑީގައި އުޅޭ އެއްޗެކެވެ އަދި ދަނޑުމަތީ ގަސްތަކުގެ ތެރޭގައިވެސް އުޅެއެވެ މިކޮކާ ޗިސްވެއްޖެނަމަ ވަރަށް ނުބައިވަހެއް ދުވައެވެ
ކަހަނބުފަތު މަސައްކަތް
ނ ކަހަނބުފަތުން ތަކެތި ހެދުމާއި އުފެއްދުމުގެ މަސައްކަތް
ކަހަނބުފަތް
ނ ކަހަނބުގެ ބުރިކަށި މަތީގައްޔާއި ބަނޑުދޮށުގައި ހުންނަ ބޮޑެތި ހުޅުނބު
ކަހައިލުން
މ (1) ކެހުން މިބަހުގެ ލުއިގޮތް މިސާލު: ނަގިލި ކަހައިލުން (2) ދަނޑިކޮށީގެ ކުޅި ޖެހުމުގައި ހަދާގޮތެއް (3) ލެއްކުޅޭއިރު "އެކަތިކަހައިގެން" ދިޔުމަށްފަހު އެމުގޯލީގައި އަނެއްބައިގެ މީހަކު އަތުން ނުވަތަ ފައިން ރޮނގެއް އެޅުން
ކަހާލުން
މ (1) ކަހައިލުން (2) ކަހާ ގިރުވައިފައި ހުރި ފެން މައްޔިތާ ގަޔަށް އެޅުން
ކަށަވަކި
ނ ދޮންމޫސައެއް ކަހަލަ ދަނބުކުލައިގެ އޮށެއް މި ގަހުގެ ފަތް ހުންނަނީ މިދިލިފަތުގެ ބުރަށް ތަންކޮޅެއް ބޯކޮށް ކުދިކޮށެވެ މި ގިނައިން ހެދެނީ ރަށްރަށުގެ ވަލުތެރޭގައެވެ
ކަށިނެތްމިޔަރު
ނ މިޔަރުގެ ބާވަތެއް. މިއީ ކަށިމިޔަރާވަރަށް އެއްގޮތް މިޔަރެކެވެ. ނަމަވެސް މި މިޔަރުގެ އުރަހަ ކައިރީގައި ކަށްޓެއްނުހުރެއެވެ. ބުރަކަށިމަތީގައި ދެވަނަ އަށް ހުންނައުރަހަ ފުރަތަމަ އުރަހައަށްވުރެ ބޮޑުވާނެއެވެ. މަތީތަލީގައި ހުންނަނީ ހިމަ ކުދި ތިނޯސް ކަހަލަ ދަތްތަކެކެވެ ދަށުތަލީގައި ހުންނަނީ ފުޅާ ދަތްތަކެކެވެ
ކަށިކޮތަން
ނ ކޮތަނުގެ ބާވަތެއް މިއީ ގޮފި ގިނަ ގޮފިތަކުގައި ކަށިހުންނަ ގަހެކެވެ މިގަހުގެ ފަތުގެ މަތީ ފަރާތުގައި އަޅައިގަންނަ ކަހަލަ ކެހެރި ތަކެއް ހުރެއެވެ މިއީ އެއްތަނޑެއްގައި ބޮނޑިއަކަށް މާއަންނަގަހެކެވެ މީގެތެރޭގައި އެކިކުލަކުލައިގެ މާއަޅާ ގަސްހުރެއެވެ މިގަހުގެ މަލާއި ފަތުގައި ގަދަ ޒަވިވަހެއް ހުރެއެވެ