radheef.info
ރަދީފު


ބޭކަލުން
ނ ފިރިހެނުންގެ ޖަމާޢަތަށް މާތްކޮށް ބުނާގޮތް
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
އިމާމު
ނ (1) ދީނީ ބައެއްކަންކަމުގައި އިސްވެހުންނަ ފިރިހެނާ (2) މަޒުހަބުގެވެރިޔާ (3) މީސްތަކުން އިޤްތިދާ ވާންޖެހޭ ފަދަ ބޮޑެތި ދަންނަ ބޭކަލުން
އިލްހާމު
ނ (1) ރަސޫލު ބޭކަލުންނާއި ނަބީބޭކަލުން )ޞަލަވާޠުﷲ ޢަލައެހިމް އަޖްމަޢީން( އަށް ވަޙީ އާ ޚިލާފު ގޮތަކަށް މާތްރަސްކަލާނގެ އަންގަވާ އެންގެވުން (2) އިންސާނުންގެ ހިތަށް ޤުދުރަތީގޮތުން އެނގޭ ތެދުއެނގުން (3) ކަމަކާމެދު ފިކުރުކުރީމާ އެނގޭ ރަނގަޅު އެގުން
އުނަށްދޭފޭލި
މ (1) ހަނގުބޭކަލުންނަށް ދައުލަތުން ދީއުޅުނު ވަރަށް ދޯހަޅި ފެއްޔެއް (2) ވާރުފޭލި
އުރުވަޑުވާ
ނ ގަނޑުވަރުތެރޭގެ ތުއްޕުޅު ބޭކަލުން އުރުވަޑުވާން ގެންގުޅޭ އަންހެން މީހާ ސަރުކާރުން އެމީހާއަށް ދެއްވާ އުޖޫރައަށްވެސް ކިޔަނީ މިހެންނެވެ
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އޮގަރުފޮދު
ނ ރަދުންނާއި ގަނޑުވަރުގެތޭ ބޭފުޅުންނަށް އޮގަރުގެއިން ރަސްމީގޮތުގައިގެންދާ ރާފޮދު މި ގެންދާމީހާ ހުންނާނީ އިހުގައި ހަނގުބޭކަލުން ދަމަށް ދުރުވާ ހެދުމުގައި އުނަގަނޑުމަތީ ކަޅުރުމާލެއް ބަނދެފައެވެ އޭނާގެ އުނަގަނޑުގައި އެއްނަރު ފައްޓަރުފަށެއް އޮންނާނެއެވެ މިގެންދާއުނބު ހުންނާނީ ދެފަށްލާ ޖަހައި ކުރަހައިފައި ރިހިކެވެލިފަށެއް ލައިފައެވެ
ވަންހަފުޅު
ނ ވަންހައިގެ އެންމެ މާތްގޮތް. މިބަސް ބޭނުންކޮށް އުޅެނީ ރަސޫލު ބޭކަލުންނާއި ނަބީބޭކަލުންގެ ނަސަބުފުޅަށް ނިސްބަތްވާ ގޮތުންނެވެ
ވަޙީ
ނ (1) ﷲގެ ކޮންމެ އެންގެވުމެއް (2) ނަބީބޭކަލުންނާއި ރަސޫލުބޭކަލުންނަށް ﷲ އަންގަވާ ޙުކުމްފުޅުތައް (3) ކަލާމުﷲ )ކީރިތި ޤުރުއާން(
ވިޔަކުރާކޭން
ނ އިހުގައި ސަރުކާރުން ވާރު ނެންގެވިއިރު އެކަމުގެ ހިސާބުކުރުމަށް ރާއްޖެތެރެއަށް ފޮނުައްވާ ބޭކަލުންނަށް ރައްޔިތުންގެ ފަރާތުން ކައްކާ ކޭން
މަތިފާރަ
ނ )ބދ ( ކިޔެވެނި ބޭކަލުންގެ އަށި
މަތީބަނުން
މ ހަނގުބޭކަލުންގެ ރަސްމީ ހެދުމުގައި އުނަގަނޑު މަތީގައި ބަންނަ ފޮތިގަނޑެއް އުނަގަނޑު މަތީގައި އެއްސުން މިގޮތަށް ބަނދެ އުޅޭނީ ތިންމުށް ހަތަރުމުށް ހުންނަވަރުގެ ކުލަފޮތިގަނޑެކެވެ ނުވަތަ ރުމާލެކެވެ
މަތީބަންނައެތިގަނޑު
ނ ހަނގުބޭކަލުންގެ ރަސްމީ ހެދުމުގައި އުނަގަނޑުމަތީގައި ބަންނަ ފޮތިގަނޑު
މަސައްކަތުމުސްކުޅިން
ނ ހަނގުބޭކަލުންގެ ތެރޭގައި ތިބޭބައެއް މިމީހުންގެ ވަޒީފާއަކީ ބުރުޒުގެ ތެރޭގެ އެތަންމިތަނަށް އެޅިފައި ހުންނަ އުންޑަ ހޮވުމެވެ
މަޤާމްފުޅު
ނ ރަސޫލު ބޭކަލުންނާ ނަބީބޭކަލުންނާ ވަލީވެރި ބޭކަލުންގެ އަސަރުފެނިގެން ނުވަތަ އެބޭކަލުންގެ ހަނދާނުގައި ހަދައިފައިވާ ތަންތަނަށް މަތިވެރި ކުރުމުގެ ގޮތުން ކިޔާއުޅޭ ނަމެއް މިސާލު: އިބްރާހީމުގެފާނުގެ މަޤާމުފުޅު ތަބުރޭޒުގެ ފާނުގެމަގާމުފުޅު
މާރާދަކަން
ނ ކަންގަތި ކޮއްޔެއްގެ ނަން. މިކޮލި ލެވިފައިވާ ބޭކަލުން ކުރައްވަން ޖެހޭކަމަކީ ދައުލަތުގެ އެންމެމަތީ ވެރިޔަކަށް ހުންނަވާ ބޭފުޅަކަށް ލަފާދެއްވުމާއި ބޮޑެތި ޢިއްޒަތުގެ ރަސްމިއްޔާތު ތަކުގައި އެރަސްމިއްޔާތުތައް ފުރިހަމަ ކުރެއްވުމުގެ ގޮތުން ބައިވެރިވެ ވަޑައިގަތުމެވެ
މުރާބުގޭމުދިންބޭކަލުން
ނ ފަސްމުދިންބޭކަލުން މިއީ އިހުގައި ހުކުރު މިސްކިތު ކިޔެވެނީންގެ ތެރެއިން ހޮވައިފައި ތިބޭބައެކެވެ
މުހާޖިރިއްޔަބޭކަލުން
ނ މައްކާ ފަތަޙަކުރެއްވުމުގެ ކުރީން އިސްލާމް ދީނަށްޓަކައި މައްކާ ދޫކުރައްވައި މަދީނާއަށް ވަޑައިގެންނެވި ބޭކަލުން
މުހާޖިރުން
ނ (1) މުހާޖިރިއްޔަ ބޭކަލުން. (2) ކޮންމެވެސް ސަބަބަކާހުރެ އަމިއްލަ ވަޒަންދޫކޮށް އެހެން ތަނަކަށްގޮސް ވަޒަންވެރިވާމީހުން (3) އަމިއްލަ ރަށުގައި އުޅެވެން ނެތުމުގެ ސަބަބުން ރަށުން ބޭރުވާމީހުން
މުށްކެވި
ނ ބޮޑުބޭކަލެއްގެ ޢިއްޒަތްދެއްވައިފައި އަސާނުދެއްވައި ތިއްބަވާ ބޭކަލުން