radheef.info
ރަދީފު


ބޭރު
ނ (1) އެތެރެޔަށް ނުވާތަން. މިސާލު: ގެއިންބޭރު. ބޭރުމަތި. (2) ވަތްހޭލާ ހިސާބު. (3) ގަނޑުވަރުތެރޭ ބޭފުޅުން ތިއްބަވާ ތަންތާނގައި ބޭރުން އަންނަ ޚާއްޞަ ރައްޓެހިފުޅު މީހުންނަށް ކައްކާބަތް. (4) ނއ. އެކަމެއްގެ އެތަނެއްގެ އެއްޗެއްގެ އެބައެއްގެ ތެރޭގައި ނުހިމެނޭ
ބަރުދަންބޮނޑި
ނ ގަޓަރީފަދަ ތަކެތި ބަންދުކޮށްފައި ހުންނައިރު ބޭރުންލައިފައި އޮންނަ ސަޓާފަދަ ތަކެތި
ބަބުރުއަނބު
ނ އަނބުގެ ބާވަތެއް. މިއީ ނަރުހިމަ ދޮންވީމާވެސް ބޭރު ގަދަފެހި ކުލައިގައި ހުންނަ އަނބެކެވެ
ބަކަރިފުޅަލިގަނޑު
ނ (1) ބޮޑެތި ދޮރޯށީގެ ބޭރުން ލައިފައި ހުންނަ ތިރި ޖާލީ ފުޅަލި (2) ތިރިކޮށް ހުންނަ ޖާލީ ފުޅަލި
ބައުނި
ނ )ސ ( (1) ލަކުޑިގަނޑުގެ ބޭރުގައި ހުންނަ އާރަށް ނުވާބައި (2) އޮޅުފަށް (3) ބާނި
ބައްޅި
ނ (1) ބިތުގައި ފަންދަމައިފައި ފަންގަނޑާއި ބިތާއެއްކޮށް ބޭރުން ޖަހާ އަސް (2) ފުޅަފުގެ ތިރީގައި ފަންތަކާއި ފުޅަފާ އެއްކޮށް ބޭރުން ޖަހާއަސް
ބައްޅިޖެހުން
ނ ބިތުގައި ފަންދަމައިފައި ނުވަތަ ފުޅަފުގައި ފަންޖަހައިފައި ބޭރުން އަސްޖެހުން
ބައްޓަން
ނ ބޭރުގެބުރު
ބައްޓަންލުން
މ (1) ބޭރުފުށަށް ފާޑުގެނައުން (2) ވައްތަރު ރީތިވާގޮތް ހެދުން
ބަދަން
ނ (1) ބޭހަށާ ކެއުމަށް ގެންގުޅޭ ބޭރުގައި ތޮށިގަނޑެއް އޮންނަ މަދެއް މީގެ ކިތައްމެ ބާވަތެއްހުރެއެވެ (2) ލިބާހުގެ އަތާއި އަރިޔާ ގުޅަން އޮންނަ ފޮތިގަނޑު
ބަދުރާމަހުކޮލި
ނ )މ ( ކޮލީގެ ބާވަތެއް މިއީ ފަޅުފަޅުގެ ފުން ހިސާބުގައި ވިލުވިލުގައި މަދުމަދުން އުޅޭމަހެކެވެ މިމަހުގެ ބޭރުފަރާތް ހުންނާނީ ހުދުކުލައާއި ކަޅުކުލައިން އެކުލެވޭ މަންޒަރުތަކެއްގެ ސިފައިގައެވެ
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޒަބާޒު
ނ ތަކޫވަކުގެ ބޭރުގައި އޮންނަދާގަނޑު މިއީ މަތިކަރާބޭހުގެ ބާވަތެކެވެ
ބަޓަރުތޮޅި
ނ ރިހަކައްކަން ބޭނުންކުރާ ފެހިކުލައިގެ ތޮޅިޔެއް. މިހުންނާނީ އާދައިގެ ހިމެރި ތޮޅިޔަށްވުރެ ބޮޑެތިކޮށް ބޯކޮށެވެ އޮށްތައް ހުންނާނީ ފޯލިކޮށް ހުންނަފާޑަށެވެ ހިމެރި ތޮޅީގެ އޮށަށްވުރެ ބޮޑެތިވާނެއެވެ މިއީ ބޭރުގައި ކެހެރި ހުންނަ ތޮޅިޔެކެވެ ގާތްގަނޑަކަށް ކައިވަތެއްހާ ދިގުމިން ހުންނާނެއެވެ
ބާރަނަ
ނ ބޭރުދުނީގެ ތޮށީގެ ބޭރުން ހެދިތިލަވަމުން އަންނަ ތަންތަން މިތަންތާނގައި ހުންނާނީ ގޮށްރާޅު ހެދިފައެވެ މިއީ ކަނޑުތިލައެވެ
ބާމު
ނ ޒަވި ވަހެއްދުވާ ތަތް ބޭހެއް މީގައި ދިލަކަމެއް ހުރެއެވެ މީ ހަށިގަނޑުގެ ބޭރުފުށުގެ އެކި ބަލިބައްޔަށް އުނގުޅާން ގެންގުޅޭ ބޭހެކެވެ
ބާލިޣުވުން
މ (1) ފިރިހެންކުއްޖާއާއި އަންހެން ކުއްޖާއަށް ފަނަރަ އަހަރު ފުރިހަމަވުން (2) ފިރިހެނުން ކުއްޖާ ނުވައަހަރަ ފުރުމަށް ފަހު ނިދީގައި ނުވަތަ އެހެން ޙާލެއްގައިވިއަސް މަނިބޭރުވުން (3) އަންހެންކުއްޖާ އަށް ނުވައަހަރު ފުރުމަށްފަހު ޙައިޟުވުން (4) ބޮޑުވުން މިބަހުގެ 4 ވަނަ މާނަ
ބިންބި
ނ ގޮވާމުގެ ބާވަތެއް މިއީ އިނގިލިތަކެއްހެން ހުންނަ ކުރާގަނޑެއްގައި ގަންނަ ފުއްކުދި ގޮވާމެކެވެ މިގޮވާމުގެ ބޭރުގައި ހިލަތޮށްޓެއް ހުންނާނެއެވެ މިހަރުވީމާ ހުންނާނީ ގަދަރަތްކުލައިގައި ނުވަތަ މުށި ކުލައިގައެވެ ނުވަތަ ކަޅު ރަތްކުލައިގައެވެ މިގޮވާމުގެ ފުއްތައް ހުންނަނީ ވަށްކޮށެވެ
ބިއްދަނޑިއެޅުން
މ )ސ ( ތޮށަލި ނުވަތަ ފަންޖަހާ ބިތް ބިތުގައި ބޭރުފަރާތު ގައި ރަހަށް އެއްކޮޅުން އަނެއްކޮޅަށް ދަނޑިއެޅުން
ބިއްދަރަ
ނ )ސ ( (1) ދުރުފަރާތް )ބިއްދޮށް( (2) މަގަތުގެ އިދިކޮޅު (3) ރާއްޖެއިން ބޭރު