radheef.info
ރަދީފު


ބަޑި
ނ (1) ބަޑިބޭހުގެ ބާރުން ވަޒަން ފޮނުވައިލާގޮތަށް ނުވަތަ ލޭޒަރުގެ އަލި ފޮނުވައިލާގޮތަށް ހަދައިފައި ހުންނަ ހަތިޔާރެއް. (2) އިސްފިރޭނެއްގެ ބާރުން ނުވަތަ ވައިގެބާރުން މަޑަ ނުވަތަ ވަޒަން ނުކުމެގެންދާގޮތަށް ހަދާފައި ހުންނައާލާތެއް (3) ތަވީދުލުމަށް އެތެރޭގައި ހޮއި އޮންނަގޮތަށް ވިރިކެކޭ އެއްޗެހިން ހަދައިފައި ހުންނަ އުރަ (4) އެތެރެއަށް ވައި ވަދެގެން ފުފިފައި ހުންނަ ދުލި (5) ފެނުގެ ތެރޭގައި ފޮތީގެ ތެރެއަށް ވައިވައްދައިގެން އުފެދޭ ބޮކި (6) ހަށިގަނޑުގެ ދޮރުދޮރުން ނުކުންނަ ބަލިމަޑުކަމެއް (7) ދިރޭ އެއްޗެއް ފެންގަނޑެއްގެ ތެރޭގައި އުޅޭ އުޅުމުގައި ހަދައިލާގޮތަކުން އިވޭ އަޑު (8) ބައެއް ބާވަތުގެ ރޯފަތް އަނދަމުންދާއިރު އެއިން އިވޭ އަޑު (9) ގުޅަ ތެލުލާއިރު ގުޅަ ފަޅައިގެންދާ އަޑު )01( ތަންތަނަށް ގިރިސްޖަހަން ގެންގުޅޭ އާލާތެއް (11) ގޭސް އުނދުން ރޯކުރުމަށް އަލިފާން ކެނޑޭގޮތަށް ހަދައިފައި އޮންނަ އާލަތެއް
އަލިފާނުކުޅިވަރު
ނ ބަޑިބޭހު ކުޅިވަރު
އިރުވައިކަންޒޫރި
ނ އިރުވައި ބަޑިހެލީމާ ކިޔަވާ ކަންޒޫރި މިކިޔަވަނީ ބަޑިހެލުމަށްފަހު އަންނަ ފުރަތަމަ ހުކުރު ދުވަހު މެދު ޒިޔާރަތް ދޮށުގައި ދެންއަންނަ ހޯމަދުވަހު ލޮނުޒިޔާރަތް ދޮށުގައި ބޮޑުކިޔެވެނީންނެވެ މިކިޔަވާ މީހުންނަށް ކެއުން އޮވެއެވެ
އިރުވައިކޮލި
ނ ކޮންމެ އަހަރަކު މުލަ ނަކަތް ލައިގަތީމާ ހެޔޮ އިރުވަރެއް ބަލައި ބަޑިހެލުމަށްފަހު ރަދުން ގަނޑުވަރަށް ވަދެވަޑައިގަތީމާ ލައި އުޅުނު ކޮލި. މިއީ ދެބަނޑޮސް ދޭތެރެއިން އޮޑިއެއް ދޯންޏެއް ނުވަނުމަށާއި ފާރުދޮށްކޮށައޮ ދަމަށް އަރާން ކުރާ އަމުރުގެ ކޮއްޔެވެ
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
އިސްދެކޮށި
ނ ބަންޑާރަ ކޮށީގެ ދެބައި. އެއީ ބަޑިކޮއްޓާއި އައްޑަނަ ކޮއްޓެވެ
އީދުބަޑި
ނ އީދުވިލޭރޭ އިރުއޮއްސުނީމާ އީދު ވިލޭރޭކަން އަންގާން ޖަހައިއުޅުނު ތިންބަޑި
އުންޑަ
ނ ބަޑިޔަށްލާން ދަގަނޑުން ނުވަތަ ތިމަރައިން ހަދައިފައި އޮންނަގުޅަ
އެއްގަމުކަންތައް
ނ އިހުގެ ފަންޑިތަވެރިން ބަޑިއެދުރުކަލޭގެ ފަރާތުން ޖެހޭ ކަމަށް ހީކުރާ ބަލިބަލި
އެއްގަމުކަލޭގެ
ނ ބަޑިއެދުރުކަލޭގެ
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެދުރުކަލޭގެ
ނ ބަޑިއެނދުރުކަލޭގެ
މަހިފޮޅުން
މ މަހިއުފެދޭގޮތަށް ފެންމައްޗަށް ތިލަވެއުޅޭ މަސްއައިނާއި މަހުގެ ބައިބައިގަނޑު ބަޑިތަޅައިގެންފައި ކުއްލިއަކަށް އަޑިއަށް ދިއުން
މަނަވަރު
ނ ކަނޑުމަތީ ސިފައިން ބޭނުންކުރާ ހަނގުރާމަމަތީ އުޅަނދެއް )މިއެއްޗެހީގެ ސައިޒާއި ސިފައާއި ދުވާ ބާރުމިނާއި ހުންނަ ހަތިޔާރު ތަފާތުކޮށް ހަދައިފައި ހުރެއެވެ ހުންނަ ހަތިޔާރުގެ ތެރޭގައި ބަޑިއާއި ޓޮރުޕިޓޯއާއި މައިނާއި މިސައިލާއި ރޮކެޓު ހިމެނެއެވެ
މަރައިބަޑިބަޑި
ނ )ޏ ( )މަރާއި ބަޑިބަޑި( ހިފާ އޮޅުލުމުގެ ބައެއް ހުނަރުތަކާއި އުކުޅުތައް ދައްކުވައިދޭ ކުޅިވަރެއް
މަގުބޭސްއެޅުން
މ ވަރުބަލާ ބަޑިޖަހާއިރު ބަޑިފަޅައިގެން ހިގައްޖެނަމަ މީހުންނަށް ރައްކާތެރިވެވޭ ހިސާބުގެ ދުރުމިނެއްގައި ކަށިކެޔޮފަތް ބަހައްޓައި ބަޑިބޭސްއެއަށް އެޅުން
މާބެ
ނ )ޏ ސ ( (1) މައިފުށު ބޮޑު ބޭބެ (2) މަޖާޒު: ބަޑިއެދުރުކަލޭގެ
މާކުނބުރުވާނި
ނ ފަތްޕިލާވެއްޔެއް )ޙަކީމީ ބޭހުގެތެރޭ ހިމެނޭ ތިރިކޮށް ހެދޭ ގަހެއް ( ޢާއްމުގޮތެއްގައި މިހެދެނީ ދޮޅު ފޫޓެއްހައި އުސްމިނަށެވެ މީގެ ފަތް ބިންދާލުމުން ކިރެއް ނުކުންނާނެއެވެ މިގަހުގައި ބަޑިކުޅިފާޑުގެ މާގަނޑެއް އަންނާނެއެވެ މިމާގަނޑު ހިކުމުން ގަސްވެސް ހިކޭނެއެވެ
މެހިތަރު
ނ ބަޑިބުރުޒުގެ ސަރުދާރު
މެޝިންބަޑި
ނ އާދައިގެ ބަޑިޔާ ޚިލާފަށް އެއްފަހަރާ އެތައްވަޒަނެއް ފޮނުވާލެވޭ ގޮތަށް ހަދާފައިހުންނަ ބަޑިއެއް މީގެ އެތައްވައްތަރެއް ހުރެއެވެ
ފަޅޯބަޑި
ނ ކުދިންކުޅެން އޮނުން ހަދާއެއްޗެއް. މިހަދައިފައި އޮންނަނީ ގާތްގަނޑަކަށް ފޫޓެއްވަރުގެ އޮނުބަދައެއްގެ ލޯވަޅުން ހިނގާވަރުގެ މުށްލީ ދަނޑިކޮޅެއްލައިފައެވެ. މިބަޑީގެ އުންޑައަކީ އޮނުކޮޅުގެ ދެކޮޅަށް ލައްވާ ގިތި ދެ ފަޅޯކޮޅެވެ މިބަޑި މަގޫ ދަނޑިންވެސް ހަދައެވެ