radheef.info
ރަދީފު


ބަތް
ނ ފެންއަޅައިގެން ރޯފިލުވި ހަނޑޫ
ބޮނޑިބަތްބޮލި
ނ ބޮލީގެ ބާވަތެއް. މިއީ ދޮޅު އިންޗިއެއްހާ ބޮޑުމިނުގެ ތޮށިގަނޑު ވަރަށް ބޯކޮށް ހުންނަ ބޮއްޔެކެވެ މިބޮލީގެ ބުރިކަށިމަތި ހުންނަނީ ދޮންކުލައިގެ ތިކިތަކަކުން މާތަކެއް ޖަހައިފައި ހުންނަ ކަހަލަ ގޮތަކަށެވެ މިތިކިތައް ހުންނަގޮތުން ވައްތަރުވާނީ ކުދިބަތު ބޮނޑިބަތް ތައްޓަށް އަޅައިފައި ހުންނައިރު ފެންނަ ގޮތާއެވެ
ބޮނޑިބަތްގަނޑު
ނ ކަނަމަދާ ހިކިމޭބިސްކަދުރާ އަންނާރު އޮށުން ކުރަހައިފައި ހުންނަ ބޮޑެތި ބޮނޑިބަތްތަށި
ބޮނޑިބަތްޖެހުން
މ (1) ތަތްވެލި ނާއްޓަކަށް އަޅައި އެ ބަންޑުން ޖަހައިފައި ނާށީގެ ސިފައިގައި ވެލިތައް ހުންނާނޭހެން ނާށި ނެގުން މީ ކުޑަކުދިން ކުޅޭއިރު ކުރާ ކަމެކެވެ (2) ތަތް ބޮނޑިބަތް ފަތުގައި ޖެހުން
ބޮޑެލި
ނ )ސ ( ބޮނޑިބަތްތޮޅި
ޅަހަނޑޫ
ނ ހަނޑުލުގެ ބާވަތެއް. މިއީ އާދައިގެ ހަނޑުލަށްވުރެ އަވަހަށް މަޑުވާ ހުދު ހަނޑުލެކެވެ ދިވެހީން އާއްމުކޮށް މިހަނޑޫ ބޭނުންކޮށްއުޅެނީ ބަތްޕެނާއި ބޮނޑިބަތް ކެއްކުމަށެވެ
ޅަފީ
ނ ބަތްއެތީގެ ގިނިމަޑުވުމުގެ ސަބަބުން ކެކިނުކެކި ހުރެގެން ހިނދޭ ހިނދުން
ޅޭ
އ އޭތް )ފިރިހެނުންނަށް ނިސްބަތްކޮށް ގޮވާލާން ބޭނުންކުރާ އަކުރެއް
ކަށިނުޖެހޭ ދޮންލުނބޮއެއްހެން
)މިސާލުބަހެއް( އެއްވެސްގޮތަކުން އުނިކަމެއްނެތް މިމިސާލު ބޭނުންކުރަނީ ބިކުރުވެރި އަންހެންކުދިންނަށް ނިސްބަތްކޮށެވެ
ކަންބަހަ
ނ )ގ ( މީހަކަށް ނުވަތަ ބަޔަކަށް ލިބިފައިވާ ތަނަވަސްކަމާއި ތިޔާގިކަމަށް ނިސްބަތްކޮށް ބުނެއުޅޭބަހެއް
)ހަރުބަހެއް( ކަމެއްކުރަންޏާ ކަމަކަށްވާކަހަލަ ކަމެއް ކުރާށެވެ ބުނަން ބޭނުންކުރާ ބަހެއް: އާންމުކޮށް މިބަސް ބޭނުންކުރަނީ ނުބައިކަންކަމަށް ނިސްބަތްކޮށެވެ ކަންޏާ ކުޑަ ކާށްޓެއް ނުކާށެވެ
ކަންޏާކަގަ
ނ ދިވެހިންކިޔާ ޚިޔާލީ ވާހަކައެއްގައި ބުނާގޮތުން ކެކޭނެގޮތަކަށް ކެކެން ދޫކޮށްލައިފައި ހުރެގެން ހިނދިފައި ހުންނަ ބަތްތަވާގެ މެދުފަށަލައިގައި ހުންނަ ބަޔަށް ކިޔާނަމެއް
ކަފާސްތޮޅި
ނ މޫދުގައި އުޅޭ ތޮޅީގެ ބާވަތެއް މިތޮޅި ހުންނަނީ ބޮނޑިބަތް ތޮޅިފާޑަށް ތުންގަނޑުގެ ދެފަޅި އެއްވަރަށެވެ މިއީ ތުންދިގު ތޮޅީގެ ކުދި އެއްޗެހި ކަމަށްވެސް ބުނެއެވެ
ކަލަރުބިބީ
ނ ބިބީމަހުގެ ބާވަތެއް މިމަހުގެކުލައަކީ މަޑުމުށިކުލައެވެ މަހުގެ ތުންކޮޅުގައި ހުދުކުލައިގެ ކުދިކުދި ރޮނގުތަކެއް ހުރެއެވެ ނިގޫފަތް ހުންނަނީ ފަނޑު ރަތްކުލައެއްގައެވެ ބޮލުގެ ނިމޭ ހިސާބުން ކަރުތާފަތްގަނޑު މަތީން މަހުގެ ހުރަހަށް ފުޅާ ހުދު ރޮނގެއް ހުރެއެވެ މިމަހަށް ކަލަރުބިބީ ކިއުނީ މިހުދު ރޮނގަށް ނިސްބަތްކޮށެވެ
ކަޑަނެބަތެ
ނ )ގ ( އަންހެނުން މާލޫދުގެ ފަށާ ކޭމަށް ގެންދާ ބޮނޑިބަތެއް މިބޮނޑިބަތް ހުންނާނީ ވަރަށް ރީތިކޮށް ފަތުން އޮމާން ކޮށްފައެވެ މިމާލޫދަށް ކިޔައިއުޅެނީ އަންހެނުން މާލޫދެވެ މިމާލޫދު ކިޔުއްވަނީ ރަށުގެ ހުރިހާ އަންހެނުން ބައިވެރިވެގެންނެވެ
ކިބަ
ނ (1) ކައްޓާއި ލުނބޯފަދަ ތަކެތީގެ ދެބުރިކޮށް އެއްބުރި (2) މަހާ އަދި މިނޫންވެސް ބައެއް ތަކެތީގެ ދެފަޅިކޮށް އެއްފަޅި (3) ފަރާތް މިސާލު: ހަކިބައިން ހުސް (4) ދުފާފޯކުގެ އެކައްޗަށް ނިސްބަތްކޮށް ބުނާގޮތް މިސާލު: ފޯއްކިބަ
ކީރިތިވަންތަ
ނއ (1) ފުރިހަމަކަމުގެ ވެރި (2) މާތްކަމުގެ ވެރި މިބަސް ބުނެއުޅެނީ މާތްﷲ އާ ނިސްބަތް ކޮށެވެ
ކުންޑަޅަމަސް
ނ )މ ( ބަތްޕޮޅިމަސް
ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ކުރިބަތް
ނ ކުރިޖެހިބަތް
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ