radheef.info
ރަދީފު


ރުވާ
ނ (1) ގަހެއްގެ ނަން އޭގެ ވަކައިން މިޔަވާލިވަށައެވެ މިއީ ވަރަށް ކިރުތޫނު ގަހެކެވެ މީގެކިރާއި ފަތް ބޭހަށް ބޭނުން ކުރެއެވެ (2) ރުވުން މިބަހުގެ ވާކަމާއި އަމުރު
ނިލަމެހި
ނ އެމުގެ ބާވަތެއް މިއީ ރާއްޖޭގެ ފަޅުފަޅުގެ މުރަކަތަކާ ގާތަކުގައި ވަރަށް ގިނައިން އުޅޭ އެމެކެވެ މީގެ ކަންފަތްގަނޑު ބޮލަށްވުރެ ކުރުވާނެއެވެ މަހުގެ ނިގޫފަތުގެ ކޮޅު ހުންނަނީ ހިމަކޮށް އޫކޮށެވެ މަހުގެ ކުލައަކީ ފެހިނޫކުލައެކެވެ ދޮށީގެ މަސްވެރިކަމުގައި މިބާވަތުގެ އެން ވަރަށް ގިނައިން ބޭނުން ކުރަން ޖެހެއެވެ
ނިގާރަންފޮށި
ނ ދެއަތްގަނޑު ލައިފައި ހުންނަ ފޮއްޓެއް. މީގެ އެތައް ފޮއްޓެއް ހުރެއެވެ. މީގެ ތެރޭގައި ހުންނާނީ ކަޅުތިމަރަ ނޫނީ ހިލައަޅައިފައެވެ. މިފޮށި ބަހައްޓަނީ ނާފަހަރުގެ މެދުތެރޭގައެވެ. މިއީ ނާދުއްވާއިރު ރޯލުކުރިއަނުދިނުމަށް އަރުވާފޮށިތަކެކެވެ މިފޮށިތައް އަރުވަނީ ބަރުވާ ވަރަށް މުދާ ނުލިބި ދަތުރުކުރަން ޖެހުމުންނެވެ
ނުބީހެންޏާކަނޑާހަމަ
(މުސްކުޅިބަހެއް) (1) ކަމެއްވުން ކިތަންމެ ކައިރިވިޔަސް އެކަމެއް ނުވަންޏާ ފަރުވާލެއް ނެތޭ ބުނުމަށް ބުނެއުޅޭބަހެއް (2) ފާޅުނުވަންޏާ ނުކުރާ ކަމެކޭ އެއްފަދައޭ ބުނުމަށް ބުނެއުޅޭބަހެއް
ނުވަރޭފެން
ނ ވިހާތާ ނުވަދުވަސްވުމުގެ ކުރިން މިހެން ކިއުނުގޮތަކީ އިހުގައި މީހަކު ވިހައިފިނަމަ ނުވަދުވަސް ވާދެން ދުވާލަކު ތިންފަހަރު ނުވަތަ ފަސްފަހަރު އެމީހާ ފެންވަރުވާތީއެވެ މިފެންވަރުވާނީ ހޫނު ފެނުންނެވެ
ނެރަވާ
ނ )ޏ ސ ( (1) ކުޑަތުނބުޅި (2) )ސ ( ނަރުވާ
ރަށަށްއެރުން
މ (1) ރަށަށްފޭބުން (2) ވަރުވާއަށް ފަޅުރަށެއް ބެލެހެއްޓުން
ރަށްކެއުން
މ މަޖާޒު: ވަރުވާއަށް ފަޅުރަށް ލިޔުއްވައިގެން އުޅުން
ރަންބިސް
ނ ހިނީގެ ބިހެއްވަރުވާ އެތިކޮޅެއް
ރަންކޮކާ
ނ (1) ރަންރީނދޫކުލައިގެ ވިދާކޮކާލެއް މަޖާޒު: (2) ބަނޑުހައިވެގެން ގޮސްމާބޮޑުވަރުވީމާ ލޮލަށް ފެންނަހެން ހީވާއެއްޗެއް ހަށިގަނޑު ދެރަވެފައި ހުންނައިރު ގިނައިރުވާންދެން އުޑަފައިން އިށީނދެ އިނދެފައި ކުއްލިއަކަށް ތެދުވީމާވެސް މިފެނެއެވެ (3) )ޅ ( ލޭކޮކާ
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރައްކާ
ނ (1) ސަލާމަތް (2) އެއްޗެއް ފޮރުވާ ފޮރުވުން (3) ފަޗިސްފޮތިގަނޑުގެ މެދުން ދެފަރާތުގައި ބުރަފަތިކޮށް ބަގިޔާޖަހައިފައި ހުންނަގޮޅި
ރައްދުއަޑު
ނ (1) ތަނެއްގައި ޖެހިފައި އެނބުރި އަންނަ އަޑު (2) އަޑެއް ތަކުރާރުވާވުން
ރަތްކޮށްލުން
މ (1) ތެލުގައި ނުވަތަ ގިތެލުގައި ފިޔާކޮޅު ރޯފިލަންދެން ހޫނުކޮށްލުން (2) މާޖާޒު: ރުޅިއަރުވާލުން
ރަތްގޮވި
ނ ފަނިފަކުސައެއް މިއީ ޢާއްމުކޮށް ކަރާ ވެލުގައި އަޅާއެއްޗެކެވެ މީގެ ތޮށިގަނޑުވަރަށް ހަރުވާނެއެވެ ކުލައަކީ ރަތްކުލައެވެ ފަތުގެ ދަށްފަރާތުގައި އިނދެގެން ފަތްކަމުން ގެންދާނެއެވެ
ރާނބާ
ނ ގަހެއްގެ ނަން މިގަހުގެ ސިފަވައްތަރުވާނީ ކަށިނެތް ކަށިމާ ގަހަކާއެވެ މިގަހުގެ ފަތުގައި މީރުވަހެއް ދުވައެވެ އަދި މިގަހުގެ ފަތް ތަކެތީގައި މީރުވަސް ދުއްވުމަށާއި ކާތަކެތީގައި މީރު ރަހަލެއްވުމަށް ބޭނުންކުރެއެވެ
ރާގޮނޑިކޮލި
ނ ކޮލީގެ ބާވަތެއް މިވައްތަރުވާނީ ރާގޮނޑިޔާއެވެ މިވިހަގަދަ މަހެކެވެ
ރިޔަންކޮޅުއެޅުން
މ (1) ސަރުކާރުގެ ފަރާތުން ގޯތިގޯތީގެ ބޮޑުމިންބަލާ އިންފާހަގަ ކުރުން. މި މިންބަލާ އުޅުނީ ތިންރިޔަން އަށަނގޫ ބަމައިންނެވެ. (2) އިސްކަންދަރު މަހާރަދުން ހެއްދެވި ރިޔަންކޮޅުން ތަނެއްގައި ރިޔަން ހުރިވަރު ބެލުން. މިރިޔަނުގައި ދެއަނގުލާއި އެއްއުނގޫ އިތުރުވާނެއެވެ. އުނގުލަކީ ބައި އަނގުލެވެ
ރިޔާކުޑަކުރުން
މ ޖެހޭވަޔަށް ހެޔޮވަރުވާ ވަރަށް ރިޔާ ބަނުން
ރިޔާކޮށިކުރުން
މ ރިޔާ ކުޑަކުރުން )ޖެހޭ ވަޔަށް ހެޔޮަވަރުވާ ވަރަށް ރިޔާ ބަނުން
ރުވާކަފަ
ނ ހިކިރުވާތޮޅީގެ ތެރޭގައި ހުންނަ ކަފަ