radheef.info
ރަދީފު


ރިހަ
ނ ލައިގެން ކާއެއްޗެއް މިއާއްމު ގޮތެއްގައި ކައްކަނީ ހަވާދުލައިގެންނެވެ
ކަނޑުކުކުޅު
ނ ކަނޑުމަހުގައި ކައްކާ ރިހައެއް. މީގެމަސް ހުންނާނީ ގަނޑަށް ކަނޑައި ދެއިންޗިހާވަރަށް ބުރިކޮށް ހޮޅިކޮށް ކަފައި ހަވާދުހާކައިފައި އޮޅައިލައި ފަންވަތެއްގެ ފަށަކުން ނުވަތަ ރާނބާފަތުގެ ފަށަކުން ބަނދެފައެވެ ކައްކާނީ ހަވާދާއި ކިރާ އަޅައިގެންނެވެ
ކަންވުން
މ ކަމެއް ހާޞިލުވުން ނުވަތަ ފުރިހަމަވުން
ކަކާބޭކަލުން
ނ (1) ގަނޑުވަރުތެރޭ ފިރިހެން ބޭފުޅުންގެ އަރިހުބޭކަލުންގެ ތެރެއިން އެންމެ އަރިހަށް ތިބޭ މީހުން. ފަރިއްކޮޅު ބަހައްޓައި ރޭކޮށް ހަދަނީވެސް އެމީހުންނެވެ (2) ޚައްދާމު ބޭކަލުން
ކަކާކޮއެ
ނ ވާހަކަ ވާހަކައިގައި ކިޔާގޮތުގައި ރަސްރަސްކަލުންގެ ފިރިހެން ބޭފުޅުންގެ އެންމެ އަރިހަށް ހުންނަ ޚާދިމު
ކަލިޔާ
ނ (1) ގިތެޔޮ އަޅައިގެން ކައްކާބަތެއް މި ފޮނިކޮށް ވެސް ލޮނުކޮށް ވެސް ކައްކައެވެ ޢާންމުގޮތެއްގައި މިއީ ރަށްމާލޫދުގައި ހުންނަ އެއްޗެކެވެ (2) ބަށްޓާއި ކޭލުގައި އެއްގަމު ޖަނަވާރުގެ މޭބިސްކުރަނޑި އަޅައިގެން ކައްކާ ހިކިރިހައެއް
ކާމިލު
ނއ ފުރިހަމަ
ކާމިލުކަން
ނއނ ފުރިހަމަކަން
ކާމިލުވުން
މ ފުރިހަމަވުން
ކިރުރިހަބަތް
ނ އިހު ޒަމާނުގައި މުލަ ރޯދަ ދުވަހު ޣާޒީ ބަންޑާރައިންގެ އަހަރުމަތިފުޅަށް ކައްކައިއުޅުނު ކޭމެއް މިކޭމުގައި ހުންނަނީ ބަރަބޮލު ރިހައާ ބަތާއި ކިރެވެ
ކިރުމަސްރިހަ
ނ ރޯމަސް ނުވަތަ ތެތްވަޅޯމަހުގައި ފެންކިރު އަޅައިގެން ކައްކާ ރިހަޔެއް މިއަށް އަޅަނީ ރޯމިރުހާ ބިލިމަގެވެ ދެން މައްޗަށް ރަތްކުރި ފިޔާކޮޅަކާއި ބޯކިރުފޮދެކެވެ
ކިތަންމެ
ނއ ޢަދަދު ނުވެވޭހައި ގިނަ ނުވަތަ މަދު މިސާލު: )ހ( ކިތަންމެ ބަޔަކު އަޔަސް ވަރިހަމައެވެ )ށ( ކިތަންމެ ކުޑައެތިކޮޅެއް ނަމަވެސް ދޭށެވެ
ކީރިތިވަންތަ
ނއ (1) ފުރިހަމަކަމުގެ ވެރި (2) މާތްކަމުގެ ވެރި މިބަސް ބުނެއުޅެނީ މާތްﷲ އާ ނިސްބަތް ކޮށެވެ
ކުނޑިޖެހުން
މ (1) އަތްކަންކުރާމީހުން ވިރިކެކޭ އެއްޗެހި ބައްދާއިރު އެބައްދަންވީތަނެއްގައި އެކަމަށް ތައްޔާރުކޮށްފައިހުންނަ ކުނޑީގެ އެތިކޮޅެއް ތަތްކޮށްލުން (2) ނީ ހަނޑުލާއި ބުރިހަނޑޫ ވަކިނުކޮށް ކުނޑިތައްދާވަރަށް ކިރިޔަ ކިރިޔާ ހަނޑޫ ފޮޅުން (3) ސ މޫނުގައި ފުށްޖެހުން
ކުޅިރިހަ
ނ ކަނޑުމަހުގައި ނުވަތަ ފަރުމަހުގައި ވަކިގޮތަކަށް ކައްކާ ކުޅިގަދަ ރިހައެއް
ކުދި
ނއ (1) ބޮޑެތީގެ އިދިކޮޅު. (2) ހުރިހައި މިނަކުން އުނި މިބަސް ބޭނުންކުރަނީ ގިނައެއްޗެހި ތަކަކާއި މެދުގައެވެ. މިސާލު: ކުޑަޖަޒީރާއެއް ކުދިޖަޒީރާތަކެއް (3) ހިތާނުވެގެން މަޑުމަޑުން ކިޔާއެއްޗެހި
ކުދިބޭކަލުން
ނ ރަސްމީ ޢިއްޒަތުގެ ކަންތަކުގައި ރަސްގެފާނާ އެންމެ އަރިހަށްތިބޭ ޚާދިމުން މިއީ އެތެރެކޮއިލުގެ އެތައްކަމެއް ކުރާން ބަތާ ދެއްވާފައިތިބޭ ރަސްމީ ބައެކެވެ
ކުދު
ނއ )ޏ ސ ( (1) ބޮޑުގެއިދިކޮޅު (2) ހުރިހައި މިނަކުން އަނެކައްޗަކަށްވުރެ އުނި
ކުޑަ
ނއ (1) ބޮޑުގެ އިދިކޮޅު (2) ހުރިހައި މިނަކުން އަނެކައްޗަށްވުރެއުނި (3) ނ އަތްވާއި ވާރެއިން ރައްކައުވުމަށް ބޮލާއި ދިމާޔަށް ފޮޅުވާންގެންގުޅޭ މުށްގަނޑުލީ ސަތަރި
ކުޑަވުން
މ ހުރިހައި މިނަކުން އުނިވުން
ކޮންމެ
ނއ (1) ގިނަ އެއްޗެހިތަކެއްގެ ހުރިހައި ތަކެތި ވަކިވަކިން ބުނެދިނުމަށްޓަކައި ބޭނުންކުރާ ބަހެއް މިސާލު: ކޮންމެ ފޮތެއްގައި ނަންބަރުޖަހާށެވެ (2) ގިނަ ބައެއްގެ ތެރެއިން ހުރިހައި މީހުން ވަކިވަކިން ބުނެދިނުމަށްޓަކައި ބޭނުންކުރާބަހެއް މިސާލު: ކޮންމެ ކުއްޖަކީ ފަތަން ދަންނަ ކުއްޖަކަށް ވާންވާނެއެވެ