radheef.info
ރަދީފު


ރަހަ
ނ (1) ދުލުގައި ހުންނަ ގްލޭންޑްތަކުގެ އެހީގައި އެއްޗަކީ ކުޅިއެއްޗެއްކަން ނުވަތަ ފޮނި އެއްޗެއްކަން ނުވަތަ ލޮނު އެއްޗެއްކަން ނުވަތަ ހުތް އެއްޗެއްކަން ނުވަތަ ހިތި އެއްޗެއްކަން ނުވަތަ އެހެންވެސް ރަހައެއްލާ އެއްޗެއްކަން އެނގުމުގެ ޙިއްޞު ނުވަތަ ބާރު (2) އެމީހެއްގައި ހުންނަ ވަކި އެއްޗަކަށް ގަބޫލުވާ ނުވަތަ ވަކި ކަހަލަ ގޮތަކަށް ހެދުން އަޅާ ސިފަ (3) ދިރޭރަހަ
ރަހަލެއްވުން
މ ރަހަދޭގޮތް ހެދުން
ރަހަޔަކުންރަހަޔެއްނެތް
ނއ (1) މީރުކަމެއްނެތް (2) ކާހިތްވާގޮތެއް ނެތް (3) އެއްވެސް ރަހަޔެއް ނެތް
ރަންރޮނގުރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ވިދާ ފިޔާތޮށިކުލައެވެ މަހުގެ ދެފަރާތުގައި މަހުގެ ދިގަށްވާގޮތަށް ރަންކުލައިގެ ރޮނގުތަކެއް ފާޅުކޮށް ފެންނަން ހުރެއެވެ ކަރުތާފަތްމަތީ ރަތްކުލައިގެ ފުޅާ ރޮނގެއް ބޮލުގެ ހުރަހަށް ހުރެއެވެ
ރަންބުސްތާނު
ނ ބޮޑު އޮށެއް އޮންނަ ކުޑަ މޭވާއެއް މީގެ ތޮށިގަޑުގައި ނަރު ފަޅައިފައި ހުންނާނެއެވެ މީގެ ކާން ބޭނުންކުރަނީ އޮށުގެ ބޭރުން އޮންނަ ހުތްފޮނި ރަހަލާ ހުދުކުލައިގެ ހެވާކޮޅެވެ
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަމަލު
ނ (1) ރޮނގުތަކެއް ކުރަހައިގެން ޣައިބުގައިވާކަންތައް ހޯދާ ކަމަށްބުނާ ޢިލްމު (2) ފާލު
ރަތަކަޅޯއް
ނ )މ ( ކަޅުއޮށުގެ ބާވަތެއް: މީގެ ނިގޫ ފަތާއި ކަންފަތާއި އުރަހައާއި ތުނބުގައި ހުންނާނީ ރީނދޫ ކުލައެވެ
ރަތްގަޅިފާނަ
ނ ފާނައިގެ ބާވަތެއް މިމަހުގެ ކަންފަތްގަނޑުކޮޅާ ނިގޫފަތުގެ ކޮޅު ހުންނަނީ ވަށްކޮށެވެ މިމަހުގެ ކުލައަކީ އޮރެންޖްކުލައެވެ ދެއަރިމަތީގައި ހުރަހަށް ގަދަރަތްކުލައިގެ ގަޅިތަކެއް ހުރެއެވެ މިގަޅިތައް ސާފުކޮށް ފެންނަން ހުންނަނީ މަހުގެ މަތީބައިގައި އެކަންޏެވެ
ރާނބާ
ނ ގަހެއްގެ ނަން މިގަހުގެ ސިފަވައްތަރުވާނީ ކަށިނެތް ކަށިމާ ގަހަކާއެވެ މިގަހުގެ ފަތުގައި މީރުވަހެއް ދުވައެވެ އަދި މިގަހުގެ ފަތް ތަކެތީގައި މީރުވަސް ދުއްވުމަށާއި ކާތަކެތީގައި މީރު ރަހަލެއްވުމަށް ބޭނުންކުރެއެވެ
ރާނބާފަތްހެދުން
މ ރާނބާގަހުގެ ފަތް ހިމަކޮށް ހުރަހަށްކޮށައި ކޮއްޗޭފަތާއެކު އަވީލައި ކުޑަކޮށް ހިއްކާލައި ހުވަނދުމާ އަޅައި އޭގައި މީރުވަސް ހިއްޕުން
ރާނބާފުވައް
ނ ފޯކުގެތެރޭގައި ހުންނަ ރާނބާފަތުގެ ރަހަ ހުންނަބޮޑެތި ފޯކެއް މިއީ ފޯކުގެ އާއިލާގެ ވައްތަރެކެވެ
ރާބުޅަ
ނ ބުރަނދައަށްވުރެ ރޮނގު ހިމަ ހުރަހަށް ގަޅި ކަނޑައިފައި ހުންނަ ކުޑަ ފަތި މަހެއް
ރާކަސާލި
ނ )ށ.( ފަރުމަހުގެ ބާވަތެއް. މިމަހުގެ ހުރަހަށް ހުދުކުލައާއި ކަޅުކުލައާއި ރީނދޫކުލައިގެ ރޮނގުތަކެއް ހުރެއެވެ މިއީ ފަތިކޮށް ހުންނަ މަހެކެވެ
ރިހަމިރުސް
ނ (1) ތޮޅި މިރުހަށްވުރެ ބޮޑެތި ތޮށިބޯ އޮށްގިނަ ކުޅިރަހަވަރަށްމަޑު މިރުހެއް (2) )ސ ( ގިތެޔޮ މިރުސް
ރިހާކުރުދިޔަ
ނ ފިޔަޔާއި މިރުހާ ކޮށައިގެން ރަހަދޭވަރަށް ރިހާކުރާއި ލޮނާއި ހުތް އަޅައިގެން މޮޑެފައި ފެނަށް ނުވަތަ ކާށިކިރުގެ ތެރެއަށް ގިރުވައިގެން ހަދާ ލައިގެން ކާއެއްޗެއް
ރެހާމާ
ނ )ގ ( އެއްޗިހީގެ ރަހަ
ރެވި
ނ ގަހެއްގެއަޅާ އޮއްޓަރެއްގެނަން މީ ވަރަށް ތޫނު ރަހައެއް ހުންނަ ކުދި އޮށެކެވެ އެގަހަށްވެސް މިހެން ކިޔައެވެ މިގަހުގެ އޮށާއި ފަތްކެއުމަށާއި ބޭހަށް ބޭނުންކުރެއެވެ
ރޯމާކާޅު
ކއ )ސ ( (1) ހުރަހަކާނުލައި (2) ހާމަޔަށް (3) ދިމާޔަށް
ބަނޑުއޮޅި
ނ އަށީގެ މަޅު ހިފެހެއްޓުމަށް ދިގުއޮޅީގައި ހުރަހަށް ވިދެފައި ހުންނަ އެއްޗެހި
ބަންދު
ނ (1) ހައްޔަރު (2) ގަޓަރިފީފާ ފަދަތަކެތި ބަންދުކުރަންއަޅާ ހަނިދިގުކޮށް ހުންނަ ތުނި ދަގަނޑުފަތް ނުވަތަ ފޮތިގަނޑު (3) ޕާރުސަލްކުރާ ކުރުން (4) އިނގިލީގައި އަޅާން ރަންރިހިފަދަ ތަކެތީން ހަދައިފައި ހުންނަ ފަތި އަނގޮޓި (5) ފޮތްފޮތުގެ ގަނޑުތައް ހުޅުވުނަ ނުދިނުމަށާއި ރައްދުވާ ފަރާތުގެ ނަން ޖެހުމަށް ފޮތުގެ ވަށައިގެން އަޅާ ކަރުދާހުގެ ފަށް (6) ހެދުމާއި ޔުނީފޯމުގައި ކަމަރެއްގެ ގޮތުގައި ބޭނުންކުރާ ފޮތިފަށް (7) ރައްކާކުރާން ބޭނުންވާ ތަކެތި ލައިފައި ހުންނަ ތަންތަނުގެ ދޮރުގައި ހުރަހަށް ނުވަތަ ކައްޗަށް އަޅައިފައި ހުންނަ ދަގަނޑު (8) "ހުޅުވިފައި" މިބަހުގެ އިދިކޮޅު (9) ނިޝާނެއްގެ ގޮތުން އަތުގައި ނުވަތަ ބޮލުގައި އަޅާން ހަދައިފައި ހުންނަ ފީތާފަށް )01( މަނާވާވުން