radheef.info
ރަދީފު


ހުންނާ
ނ )ގ ( ރާއެރިން އެތުގައިލާ އެންމެ ކުޑަ ގުޑި
ނަރުކޮއްޓި
ނ ކޮއްޓާފޮށި. މިއީ ފުރައިފައި ހުންނަ ނަރުތަކެއްގައި ތުނިއެތިކޮޅަކުން ކޮއްޓަމުން ނަންބަރު ޖަހައިފައި ހުންނަ އަޑުތަކަކަށް އޮބަމުން ރާގުއަޅުވާ ހަނި ދިގު ފޮއްޓެކެވެ އަޑުތައް ހުންނާނީ ދެބަރިޔަށެވެ
ނައިކަ
ނ މާލޫދުހަރުގެފަދަ ތަންތާނގައި ދަމައިފައި ހުންނަ ބޮޑެތި ދަމާ ފޮތިގަނޑުގެ މެދުގައި ލައިފައި ހުންނަ ސީޓުފޮތިގަނޑު )މި ފޮތިގަނޑުގެ ވަށައިގެން ކަޅު ދެހިރު ހުންނާނެއެވެ
ނަލަހިކާ
ނ ހިކާގެ ބާވަތެއް: މިއީ ރީތި ކުލަތަކެއް ލިބިފައިވާ ކުޑަވަރެއްގެ ހިކައެކެވެ މީގެ ފިރިހެން ހިކާ ހުންނަނީ ފެހި ކުލައިގައެވެ އޮރެންޖު ކުލައިގެ ރޮނގުތަކެއް ހުރެއެވެ އަންހެން ހިކާ ހުންނަނީ ފިޔާތޮށިކުލައިގައި ރީނދޫ ކުލައިގެ ރޮނގުތަކެއް ދަމާފައެވެ އަންހެން ހިކާގެ ބުރިކަށިމަތީ ކޮތަރީގައި ކަޅުކުލައިގެ ދެލައް ހުންނާނެއެވެ މިދެލަކުގެ ކައިރިފަށް ހުންނަނީ ހުދުކުލައިގައެވެ
ނަގޫހުދުމަޑި
ނ ނަގޫ ހުދުކޮށް ހުންނަ މަޑިއެއް މިއީ ތިލަފަޅުފަޅާއި ފަރުބޭރުގައި އުޅޭ މަޑިއެކެވެ މީގެ އެންމެ ޚާއްޞަ ސިފައަކީ ނަގޫ ހުދުކަމެވެ ބުރަކަށި ފަރާތް ހުންނާނީ ކަޅުކުލައިގައި ހުދު ތިކިތަކެއްޖަހާފައެވެ މަޑީގެ ނިގޫ ގާތްގަނޑަކަށް އޭގެ ހަށިގަނޑާ އެއްވަރުވާނެއެވެ
ނަޓުއެޅުވުން
މ ނަޓް ބޯލްޓަށް ލައްވައި ހިފެހެއްޓިފައި ހުންނާނެގޮތް ހެދުން
ނާރިގުފާނަ
ނ ފާނައިގެ ބާވަތެއް މިއީ ރާއްޖޭގެ ފަޅުފަރުތަކުގެ ފުން ބޭރުގައި ދިރިއުޅޭ ނާރިނގު ކުލައިގެ ކުޑަ މަހެކެވެ މިމަހުގެ ނިގޫފަތުގެ ފަހަތުބައިގައި ހުރަހަށް ހުދު ނޫކުލައިގެ ހިމަ ރޮނގެއް ހުންނާނެއެވެ
ނިފާޅަ
ނ )ޅ ( ފަތްޕިލާވެއްޔެއް މިއީ ބިލެތް އަރާހެން ރުއްރުކަށާ ގަސްގަހަށް އަރާ ވެލެކެވެ މިވެލުގެ ފަތްތައް ހުންނާނީ ބިލެތާ އެއްފާޑަކަށް އެއަށްވުރެ ބޮޑެތިކޮށެވެ މިއީ ވަރަށް ގިނައިން ދިވެހި ބޭހަށް ބޭނުންކުރާ ފަތެކެވެ
ނިގާރަންފޮށި
ނ ދެއަތްގަނޑު ލައިފައި ހުންނަ ފޮއްޓެއް. މީގެ އެތައް ފޮއްޓެއް ހުރެއެވެ. މީގެ ތެރޭގައި ހުންނާނީ ކަޅުތިމަރަ ނޫނީ ހިލައަޅައިފައެވެ. މިފޮށި ބަހައްޓަނީ ނާފަހަރުގެ މެދުތެރޭގައެވެ. މިއީ ނާދުއްވާއިރު ރޯލުކުރިއަނުދިނުމަށް އަރުވާފޮށިތަކެކެވެ މިފޮށިތައް އަރުވަނީ ބަރުވާ ވަރަށް މުދާ ނުލިބި ދަތުރުކުރަން ޖެހުމުންނެވެ
ނިގޫދޮންނޫމަސް
ނ ފަރުމަހުގެ ބާވަތެއް. މިމަހުގައި ހުންނަނީ ނޫ ކުލައާއި ރީނދޫކުލައެވެ. މަތީ ކޮތަރިބަޔާއި ނިގޫފަތުގައި ހުންނަނީ ރީނދޫކުލައެވެ އެހެން ކޮތަރިތައް ހުންނަނީ ހުދުކުލައެއްގައެވެ ނިގޫފަތް ހުންނާނީ ވަރަށް ބޮޑަށް ކަފިވެފައެވެ
ނުރަބޮޅު
ނ (1) ބުރަނދަ ވައްތަރަށް ހުންނަ ކުދިމަހެއް (2) މުޅިން ނުރަވެފައި ތިބޭ މީހުންނާ ދިމާއަށް މަލާމާތުގެ ގޮތުން ބުނާބަހެއް
ނޫކަށިމަސް
ނ )ޅ ( މޫދުގައި އުޅޭ މަހެއް މިމަހުގެ ނަގޫކޮޅުކައިރީގައި ދެއަރިމަތީގައި ބައި އިންޗި ހުންނަވަރުގެ ނޫކުލައިގެ ކައްޓެއް ހުރެއެވެ މިމަހުގެ އެތެރޭކަށިވެސް ހުންނާނީ ނޫކުލައިގައެވެ މިއީ ގުދަންމަހާ އިލިގަނޑު މަހުގެ ޢާއިލާގެ މަހެކެވެ
ނޫކާޅު
ނ ރާއްޖޭގެ ފަރުފަރުގެ މުރަކައާއި ގާތަކުގެ ތެރޭގައި ވަރަށް ގިނައިން އުޅޭ މަހެއް މޫދުމަސް ދިރުވައިގެން ގެންގުޅޭމީހުންގެ ގާތުގައި މިއީ ވަރަށް މަޝްހޫރު މަހެކެވެ މަހުގެ ބޮލުގެ ކުލައަކީ ކަލުކުލައެވެ ކޯތާފަތުގެ ކުލަ ހުދުވާނެއެވެ ހަށިގަނޑުގައި ހަންހުރި ހުރިހާ ހިސާބެއްގެ ކުލައަކީ ނޫކުލައެވެ ނަގޫފަތުގެ ކޮޅުގައްޔާ ބުޑުދަށުގައި ހުރަހަށް ކަލުކުލައިގެ ފުޅާ ދެރޮނގު ހުންނާނެއެވެ
ނޫމަސްހިބަރު
ނ މާކަނޑުތަކުގައި ދިރިއުޅޭ ކަނޑުގެ މެދު ހިސާބުގައި ދެފެންދޭތެރޭގައި އުޅޭ މަހެއް މިމަހުގެ ބުރަކަށިމަތީގެ ކުލައަކީ ކަޅުނޫކުލައެވެ ބަނޑުދަށް ފަރާތް ހުންނާނީ ރިހިހުދުކުލައިގައެވެ މަހުގެ ދެއަރިމަތީގައި ވަރަށް ރީތި ނޫކުލައިގެ ފަނަރަ ވަރަކަށް ހުރަސް ރޮނގު ހުންނާނެއެވެ
ނެގެޓިވު
ނ ކެމެރާއިން ނަގާ ފޮޓޯ ފުރަތަމަ އަރާ ބިއްލޫރިގަނޑު ނުވަތަ ފިލްމުގެ އެންމެ އާންމު ބާވަތް. މިބިއްލޫރި ގަނޑަށް ނުވަތަ ފިލްމަށް އަރާ ފޮޓޯ ސާފުކުރީމާ ހުންނާނީ އަލިކޮށް ހުންނަ ބައިތައް އަނދިރިކޮށް އަނދިރިކޮށް ހުންނަ ބައިތައް އަލިކޮށެވެ
ނޭއްދާރު
ނއ (1) މީހުން އެކުނުލާ (2) މީހުންނާ ނުގުޅޭ (3) ގޮތްދޫނުކުރާ
ނޭއްދާރުކަން
ނއނ (1) މީހުންނާ އެކުނުލަވާކަން (2) މީހުންނާ ނުގުޅޭކަން (3) ގޮތްދޫނުކުރާކަން
ނޭއްދާރުވުން
މ (1) މީހުންނާ އެކުނުލެވުން (2) މީހުންނާ ނުގުޅުން (3) ގޮތްދޫނުކުރުން
ރަށްކޮޅުމާމެލިދައިތަ
ނ ރަށުގެ މީހުންނާ ދުރުގައި އިންނަކަމުގައި ފުލޯކު ވާހަކައިގައިކިޔާ ފަގީރު މުސްކުޅި އަންހެނެއް
ރަންނާބޯލި
ނ )އ ( ހުއިފިލަނޑާގެ ބާވަތެއް މިބާވަތުގެ ހުއިފިލަނޑާގައި ހުންނާނީ އުންފަޅައިފައެވެ މީގެކުލައަކީ ކަޅުކުލައެވެ މިއަށް މިހެންކިޔަނީ މި ހުއިފިލަނޑާ ވިހާމަސް ބޮޑުވެގެން ރަންނަވެއް ބޯލިކަމަށް ބުނާތީއެވެ
ރަންރުހޭބަސް
ނ މީހުންނާން އިންނާން ރަންކިއުމަށް ބުނާ ބަސް